ລິ້ງ ສຳຫລັບເຂົ້າຫາ

ທ່ານນາງ Clinton ແລະທ່ານ Trump ປະເຊີນໜ້າກັນ ໃນການເລືອກຕັ້ງ ປະທານາທິບໍດີ


ທ່ານ Donald Trump ສັງກັດພັກຣິພັບບລິກັນ ແລະທ່ານນາງ Hillary Clinton ສັງກັດພັກເດໂມແຄຣັດ ໄດ້ຖືກສະເໜີ ຈາກພັກ ໃຫ້ເປັນຜູ້ສະໝັກເປັນ ປະທານາທິບໍດີ.

ເບິ່ງ​ຄື​ວ່າຂັ້ນຕອນ​ໃນ​ການສະ​ເໜີຊື່​ຜູ້​ສະໝັກຂອງພັກ​ເດ​ໂມ​ແຄຣັດ ​ແລະ​ພັກຣີພັບ​ບລິ​ກັນ ບໍ່​ເປັນ​ທີ່ຄຶກຄື້ນພໍ ​ແຕ່ການ​ແຂ່ງ​ຂັນ ​ເປັນ​ປະທານ​າທິບໍດີ​ສະຫະລັດຄົນ​ຕໍ່​ໄປ ກຳລັງ​ເພີ້ມ ຄວາມ​ດຸ​ເດືອດຂຶ້ນ ຊຶ່ງບັດ​ນີ້​ ພັກ​ທັງ​ສອງໄດ້​ເລືອກເອົາທ່ານ​ນາງ Hillary Clinton ​ແລະ ທ່ານ Donald Trump ​ເປັນ​ຜູ້​ລົງ​ແຂ່ງຂັນ ຂອງ​ຕົນ​ແລ້ວ​.

ບັນດາຜູ້ຕາງໜ້າພັກເດໂມແຄຣັດແຫ່ງຊາດ ພາກັນຮ້ອງໂຮສະໜັບສະໜູນ ຢູ່ທີ່ກອງປະຊຸມໃຫຍ່ ພັກເດໂມແຄຣັດ.
ບັນດາຜູ້ຕາງໜ້າພັກເດໂມແຄຣັດແຫ່ງຊາດ ພາກັນຮ້ອງໂຮສະໜັບສະໜູນ ຢູ່ທີ່ກອງປະຊຸມໃຫຍ່ ພັກເດໂມແຄຣັດ.

ທັງ​ທ່ານ​ນາງ Clinton ​ແລະ ທ່ານ Trump ​ໄດ້​ໃຊ້​ເວລາ​ປະມານ​ນຶ່ງ​ປີ​ ​ເພື່ອ​ເພັ່ງ​ເລັງ​ໃສ່​ບັນດາ​ຜູ້ມີ​ສິດ​ປ່ອນ​ບັດ ຜູ້​ທີ່​ມີ​ຄວາມ​ຮູ້ສຶກ​ຢ່າງ​ແຮງ​ກ້າ​ພຽງພໍ ກ່ຽວ​ກັບ​ພັກ ​ເພື່ອ​ລົງ​ທະບຽນ​ໃນ​ນາມ​ພັກເດ​ໂມ​ແຄຣັດ ຫລືຣີພັບ​ບລິ​ກັນ. ​ແຕ່​ວ່າ​ບັນ ດາ​ຜູ້ມີ​ສິດປ່ອນ​ບັດ​ໃນ​ຈຳນວນ​ເພີ້ມຂຶ້ນ ​ໄດ້​ປະ​ກາດ​ຕົນ​ເອງ​ວ່າ ​ເປັນ​ຜູ້​ປ່ອນ​ບັດ​ທີ່​ບໍ່​ສັງກັດ​ພັກແທນ​ທີ່ຈະ​ເຂົ້າ​ຂ້າງ​ພັກ​ໃດ​ພັກ​ນຶ່ງທີ່​ເຮັດ​ໃຫ້​ເຂົ້າ​ເຈົ້າ​ເປັນ​ເປົ້າໝ​າຍ ໃຫຍ່​ທີ່​ສຸດສຳລັບການ​ປ່ອນ​ບັດ​ເລືອກ​ຕັ້ງ​ໃນວັນ​ທີ 8 ​ເດືອນ​ພະຈິກ​ຈະ​ມາ​ເຖິງ​ນີ້.

ຜູ້ຖືກສະເໜີເປັນຮອງປະທານາທິບໍດີ ທ່ານ Tim Kaine ແລະຜູ້ຖືກສະເໜີເປັນປະທານາທິບໍດີ ພັກເດໂມແຄຣັດ ທ່ານນາງ Hillary Clinton.
ຜູ້ຖືກສະເໜີເປັນຮອງປະທານາທິບໍດີ ທ່ານ Tim Kaine ແລະຜູ້ຖືກສະເໜີເປັນປະທານາທິບໍດີ ພັກເດໂມແຄຣັດ ທ່ານນາງ Hillary Clinton.

ພາລະກິດ​ທີ່​ສຳຄັນ​ ສຳລັບ​ທັງທ່ານ​ນາງ Clinton ​ແລະ​ທ່ານ Trump ກໍ​ຄື​ການ​ຊັກ​ຊວນ​ບັນດາຜູ້​ໃຫ້​ເງິນຊ່ວຍ​ເຫລືອຢ່າງ​ພຽງພໍ ​ໃນ​ການ​ໃຊ້​ຈ່າຍ​ສຳ​ລັບການ​ໂຄ ສະນາ​ຫາ​ສຽງຂອງພວກ​ເຂົາ​ເຈົ້າ.

ທ່ານ​ນາງ Penny Lee ນັກ​ຍຸດ​ທະ​ສາດ ພັກ​ເດ​ໂມ​ແຄຣັດກ່າວ​ຕໍ່ ວີ​ໂອ​ເອ ວ່າ “ມັນສຳຄັນ​ທີ່​ສຸດ​ຕໍ່​ການ​ໃຫ້ທຶນ​ເພື່ອ​ປະຕິບັດ​ງານ​ທາງ​ພາກ​ພື້ນ​ດິນ” ການ​ໂຄສະ​ນາ​ຫາ​ສຽງ​ຕ້ອງການ “ຈ່າຍ​ພວກ​ພະນັກງານຢູ່​ໃນຫລາຍໆ​ລັດ​ເຫລົ່າ​ນີ້​ເພື່ອ​ຈະ​ສາມາດ​ຈັດ​ຕັ້ງ​ໄດ້” ນ​ອກ​ເໜືອ​ໄປ​ກວ່າ​ນັ້ນ​ເຂົາ​ເຈົ້າຕ້ອງ​ໄດ້​ຈ່າຍ​ຄ່າ​ໂຄສະນາ​ການ​ເມືອງ. “ການ​ໃຊ້ສື່​ມວນຊົນ​ລ້າໃນ​ການ​ໂຄສະ​ນາ​ຫາ​ສຽງ​ປະທານາທິບໍດີ ​ແມ່ນງ່າຍກວ່າ​ການ​ແຂ່ງຂັນ​ຂອງສະມາຊິກ​ສະພາຫລື​ອື່ນໆ​ ​ແຕ່​ທ່ານ​ຕ້ອງການ​ປຸກລະດົມ​ໃຫ້​ພວກ​ສະໜັບສະໜຸນ​ຂັ້ນພື້ນຖານ​ອອກໄປ​ປ່ອນ​ບັດ.”

ຜູ້ສະໝັກເປັນປະທານາທິບໍດີ ທ່ານ Donald Trump ຊີ້ມືໃສ່ບັນດາຜູ້ສະໜັບສະໜູນ.
ຜູ້ສະໝັກເປັນປະທານາທິບໍດີ ທ່ານ Donald Trump ຊີ້ມືໃສ່ບັນດາຜູ້ສະໜັບສະໜູນ.

ຂໍ້​ມູນ​ຫລ້າ​ສຸດ​ຈາກ ຄະນະ​ກຳ​ມາທິ​ການເລືອກ​ຕັ້ງ​ລັດຖະບານ​ກາງ ​ໄດ້​ສະ​ແດງ​ໃຫ້​ເຫັນວ່າ ​ການ​ໂຄສະນາ​ຫາ​ສຽງ​ຂອງທ່ານ​ນາງ Clinton ​ທີ່​ເລີ້ມ​ໃນ​ເດືອນ​ກໍລະກົດ ດ້ວຍ​ຈຳນວນ​ເງິນ 44 ລ້ານ​ໂດ​ລາ​ຢູ່ໃນ​ທະນາຄານ ປຽບທຽບ​ໃສ່ 20 ລ້ານ​ໂດ​ລາ​ຂອງ​ທ່ານ Trump​. ທ່ານ​ນາງ Clinton ຍັງໄດ້​ໃຊ້​ຈ່າຍເງິນ​ຫລາຍ ​ກວ່າ​ທ່ານ Trump ຄື 230 ລ້ານ​ໂດ​ລາ ຕໍ່ 71 ລ້ານ​ໂດ​ລານັບ​ແຕ່​ການ​ເລືອກ​ຕັ້ງເລີ້ມມາ.

ຜູ້ສະໝັກປະທານາທິບໍດີ ພັກ Libertarian ທ່ານ Gary Johnson ກ່າວຕໍ່ຜູ້ສະໜັບສະໜູນ.
ຜູ້ສະໝັກປະທານາທິບໍດີ ພັກ Libertarian ທ່ານ Gary Johnson ກ່າວຕໍ່ຜູ້ສະໜັບສະໜູນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG