ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ລມຕ ຕ່າງປະເທດສະຫະລັດ ຢ້ຽມຢາມ ປະເທດມາລາວີ (ສະໄລດ໌)


ທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ກໍາລັງພົບປະກັບປະທານາທິບໍດີປະເທດມາລາວີ ທ່ານນາງ Joyce Banda ເມື່ອ August. 5, 2012.
ທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ ກໍາລັງພົບປະກັບປະທານາທິບໍດີປະເທດມາລາວີ ທ່ານນາງ Joyce Banda ເມື່ອ August. 5, 2012.

ທ່ານ​ນາງ​ຮິ​ລ​ແລຣີ ຄລິນ​ຕັນ ລັດຖະມົນຕີ​ຕ່າງປະ​ເທດ​ສະຫະລັດ ກໍາລັງຢ້ຽມຢາມປະ​ເທດ
​ມາລາ​ວີ​ ຊຶ່ງ​ເປັນ​ບ່ອນ​ຢຸດ​ແວ່​ແຫ່ງສຸດທ້າຍ ຂອງທ່ານ​ນາງ​ໃນການ​ຢ້ຽມຢາມອາ​ຟຣິກາຄັ້ງນີ້.

ຫຼັງຈາກທີ່​ທ່ານ​ນາງຄລິນ​ຕັນເດີນທາງ​ໄປ​ເຖິງ​ມາລາ​ວີໃນ​ວັນ​ອາທິດ​ມື້​ນີ້ ກະຊວງ​ຕ່າງປະ​ເທດ
ສະຫະລັດ​ໄດ້​ປະກາດ​ວ່າ ທ່ານ​ນາງ​ຈະເອົາປະ​ເທດ​ໄນ​ຈີ​ເຣຍ ​ແລະ​ເບ​ນິນ​ ຕື່ມໃສ່ໃນ​ລາຍການ
​ຢ້ຽມຢາມ​ຂອງ​ທ່ານ​ນາງ.

ໃນ​ລະຫວ່າງ​ທີ່​ຢ້ຽມຢາມ​ນະຄອນຫຼວງໄນ​ໂຣບີ ປະ​ເທດ​ເຄັນ​ຢາ ເມື່ອ​ວັນ​ເສົາ​ວານ​ນີ້ ທ່ານ​ນາງ​ໄດ້ຮຽກຮ້ອງ​ໃຫ້​ຊາວ​ເຄັນ​ຢາທັງຫຼາຍ ຈົ່ງ​ປະຕິບັດ​ງານ​ຮ່ວມ​ກັນ ​ເພື່ອຈັດການເລືອກຕັ້ງ​ທີ່​ເສລີ​ແລະ​ຍຸຕິ​ທໍາ ​ຂຶ້ນ​ໃນ​ເດືອນ​ມີນາ​ປີໜ້າ​ນີ້ ​ແລະ​ໃຫ້​ເປັນ​ແບບຢ່າງ​ສໍາລັບຂົງ​ເຂດ​ອາ​ຟຣິກາ​ແລະ​ໂລກ​ນໍາ. ທ່ານ​ນາງ​ໄດ້​ຮຽກຮ້ອງ​ໃຫ້​ບັນດາ​ຜູ້​ນໍາ ຈົ່ງຫຼີກລ່ຽງບໍ່​ໃຫ້​ເກີດ​ການນອງ​ເລືອດ​ ຄືກັນກັບທີ່ເຄັນ​ຢາເຄີຍ​ປະສົບ​ມາ ​ເມື່ອ​ຫ້າ​ປີກ່ອນ​ນັ້ນ.

ທ່ານ​ນາງ​ໄດ້​ພົບ​ປະ​ກັບ ປະທານາທິບໍດີ​ Mwai Kibaki ຜູ້​ທີ່​ກົດໝາຍຫ້າມ​ ​ບໍ່​ໃຫ້​ສະໝັກ
​ເລືອກ​ຕັ້ງ​ສະ​ໄໝ​ທີ່​ສາມນັ້ນ ​ແລະນາຍົກ​ລັດຖະມົນຕີ Raila Odinga ຜູ້​ມີຄະ​ແນນ​ນໍາ​ໜ້າ
​ໃນ​ຜົນ​ການຢັ່ງ​ຫາງ​ສຽງ​ໃນ​ການ​ແຂ່ງຂັນ​ເອົາ​ຕໍາ​ແໜ່​ງ​ແທນ​ທ່ານ. ບຸລຸດ​ທັງ​ສອງ​ທ່ານ​ນີ້ເປັນ
​ຄູ່​ແຂ່ງ​ສໍາຄັນ​ກັນ​ໃນການ​ເລືອກ​ຕັ້ງຄັ້ງ ປີ 2007 ທີ່ທ່ານໂອ​ດິງກາ ຜູ້​ນໍ​ຝ່າຍ​ຄ້ານ​ກ່າວ​ວ່າ ມີ
​ການ​ສໍ້​ໂກງ​ຄະ​ແນນເລືອກ​ຕັ້ງນັ້ນ.

ຫຼັງຈາກ​ການ​ຢຸດ​ແວ່​ເປັນ​ເວລາ​ສັ້ນໆ​ທີ່​ປະ​ເທດ​ມາລາ​ວີ​ແລ້ວ ທ່ານ​ນາງ​ມີ​ກໍານົດ​ຈະໄປ​ຢ້ຽມຢາມ​ປະ​ເທດ​ອາ​ຟຣິກາ​ໃຕ້ ​ຕໍ່ໃນ​ວັນ​ອາທິດ​ມື້​ນີ້. ​ແລະ​ກ່ອນ​ເດີນທາງ​ກັບ​ຄືນ​ສະຫະລັດ ທ່ານ​ນາງຍັງ​ຈະ​ຢຸດ​ແວ່ປະ​ເທດ​ກາ​ນາ ​ເພື່ອ​ເຂົ້າຮ່ວມ​ພິທີ​ສົ່ງສະການ​ ​ມື້​ລາງ​ປະທານາທິບໍ​ດີ John Atta Mills ທີ່ເສຍ​ຊີວິດ​ລົງ​ ໂດຍບໍ່​ຄາດ​ຝັນ ເມື່ອ​ວັນ​ທີ 24 ກໍລະກົດ​ຜ່ານ​ມາ​ນີ້.

XS
SM
MD
LG