ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທ.ນ. ຄລິນຕັນ ໂອ້ລົມ ແລະ ໃຫ້ສໍາພາດ ກັບຄົນທົ່ວໂລກ (ວີດິໂອ)


ທ.ນ Hillary Clinton ລັດຖະມົນຕີການຕ່າງປະເທດສະຫະລັດ ຈັດງານ “ເຄິ່ງກອງປະຊຸມ ເຄິ່ງການສໍາພາດລະດັບໂລກ” ຫລື “Global Townterview” ທີ່ Newseum ໃນກຸງ
ວໍຊິງຕັນ ໃນວັນທີ 29 ມັງກອນ 2013. ນີ້ແມ່ນເປັນຄັ້ງທີ 59 ທີ່ທ່ານນາງ ໄດ້ຈັດກອງປະຊຸມ ແລະສໍາພາດແບບນີ້ ແລະຄັ້ງນີ້ເປັນການຈັດຄັ້ງສຸດທ້າຍ ສໍາລັບໃນນາມ ລັດຖະມົນຕີກະຊວງການຕ່າງປະເທດຂອງທ່ານນາງ.
ທ.ນ Hillary Clinton ລັດຖະມົນຕີການຕ່າງປະເທດສະຫະລັດ ຈັດງານ “ເຄິ່ງກອງປະຊຸມ ເຄິ່ງການສໍາພາດລະດັບໂລກ” ຫລື “Global Townterview” ທີ່ Newseum ໃນກຸງ ວໍຊິງຕັນ ໃນວັນທີ 29 ມັງກອນ 2013. ນີ້ແມ່ນເປັນຄັ້ງທີ 59 ທີ່ທ່ານນາງ ໄດ້ຈັດກອງປະຊຸມ ແລະສໍາພາດແບບນີ້ ແລະຄັ້ງນີ້ເປັນການຈັດຄັ້ງສຸດທ້າຍ ສໍາລັບໃນນາມ ລັດຖະມົນຕີກະຊວງການຕ່າງປະເທດຂອງທ່ານນາງ.
ທ່ານນາງ Hillary Clinton ກ່າວຕໍ່ບັນດາຜູ້ເຂົ້າຮ່ວມກອງປະຊຸມໂອ້ລົມກັບ ປະຊາຊົນ ໃນນາມລັດຖະມົນຕີກະຊວງການຕ່າງປະເທດສະຫະລັດວ່າ ການ ເສຍຊີວິດຂອງຊາວອາເມຣິກັນ ຢູ່ເມືອງ Benghazi ປະເທດ Libya ແມ່ນ ເປັນເລື້ອງທີ່ທ່ານ ນາງມີຄວາມຮູ້ສຶກເສຍໃຈຢ່າງເລິກເຊິ່ງ ນັບຕັ້ງແຕ່ທ່ານໄດ້ ເປັນລັດຖະມົນຕີ ກະຊວງການຕ່າງປະເທດ ເປັນຕົ້ນມາ.

ລັດຖະມົນຕີ Clinton ໄດ້ຕອບຄໍາຖາມຈາກຄົນຢູ່ທົ່ວໂລກ
ໂດຍຜ່ານທາງດາວ ທຽມ, Twitter ແລະ Facebook. ພິທີ
ດັ່ງກ່າວ ຖືກຂະໜານນາມວ່າ ເປັນ “ເຄິ່ງກອງປະຊຸມເຄິ່ງ
ການສໍາພາດລະດັບໂລກ” ຫລື “Global Townterview” ຊຶ່ງເປັນການປະສົມປະສານກັນລະຫວ່າງກອງປະຊຸມໂອ້ລົມກັບປະຊາຊົນ ແລະການໃຫ້ ສໍາພາດ.

ຄໍາເຫັນຂອງທ່ານນາງ Clinton ກ່ຽວກັບການໂຈມຕີທີ່ເກີດຂຶ້ນໃນເດືອນກັນຍາ ປີກາຍນີ້ ຢູ່ເມືອງ Benghazi ທີ່ໄດ້ສັງຫານຊີວິດຂອງຊາວອາເມຣິກັນ 4 ຄົນ ລວມທັງເອກອັກຄະ ລັດຖະທູດສະຫະລັດປະຈໍາລີເບຍນັ້ນ ມີຂຶ້ນຍ້ອນເປັນການຕອບຕໍ່ຄໍາຖາມ ທີ່ຖາມມາ ຈາກຄົນຢູ່ນະຄອນລອນດອນ.

ນອກນັ້ນແລ້ວ ຍັງມີຄໍາຖາມມາຈາກພວກເຂົ້າຮ່ວມສື່ສັງຄົມ ຫລື social media ຢູ່ໃນ ອອສເຕຣເລຍ, ໂຄລໍາເບຍ, ຍີ່ປຸ່ນ ແລະໄນເຈີເຣຍ ຊຶ່ງ ລວມມີບັນຫາທີ່ນັບຕັ້ງແຕ່ເລື້ອງ ອີຣ່ານ ໄປຈົນເຖິງເລື້ອງເກົາຫລີເໜືອ ຕະ ຫລອດທັງການຕໍ່ສູ້ ຕ້ານພວກຫົວຮຸນແຮງຈັດ.

ວັນສຸດທ້າຍຂອງການເປັນລັດຖະມົນຕີ ກະຊວງການຕ່າງປະເທດຂອງ ທ່ານນາງ Clinton ແມ່ນວັນສຸກທີ່ຈະມາເຖິງນີ້.

ເບິ່ງວີດິໂອທີ່ກ່ຽວຂ້ອງ:


XS
SM
MD
LG