ພວກຜູ້ແທນຈາກ 194 ປະເທດທີ່ໄປຮ່ວມກອງປະຊຸມດິນຟ້າອາກາດຂອງອົງການສະຫະ
ປະຊາຊາດຢູ່ອາຟຣິກາໃຕ້ ໄດ້ຕົກລົງກັນທີ່ຈະເຈລະຈາເພື່ອໃຫ້ບັນລຸສົນທິສັນຍາທີ່ຈະມີ
ຜົນຜູກມັດຢ່າງຖືກຕ້ອງຕາມກົດໝາຍໃຫ້ພວກປະເທດລົງມືປະຕິບັດເພື່ອລົດຜ່ອນການ
ປ່ຽນແປງຂອງສະພາບ ດິນຟ້າອາກາດລົງ.
ພາຍໃຕ້ຂໍ້ຕົກລົງທີ່ໄດ້ບັນລຸເມື່ອວັນອາທິດນີ້ ພວກປະເທດຈະເຣີນອຸດສາຫະກໍາທັງຫລາຍ
ແມ່ນຈະຕ້ອງສືບຕໍ່ຍຶດໝັ້ນຢູ່ໃນສົນທິສັນຍາ Kyoto ປີ 1997 ໄປຢ່າງໜ້ອຍເປັນເວລາອີກ
ຫ້າປີຫລັງຈາກໝົດອາຍຸລົງໃນປີ 2012. ໂດຍທາງກົດໝາຍແລ້ວ ສົນທິສັນຍາດັ່ງກ່າວບັງ
ຄັບໃຫ້ພວກ ປະເທດເຫລົ່ານັ້ນ ໃຫ້ບັນລຸເປົ້າໝາຍໃນການປ່ອຍອາຍພິດເຮືອນແກ້ວ. ແຕ່
ແນວໃດກໍດີ ປະເທດຣັດເຊຍ ຍີ່ປຸ່ນ ແລະຄານາດາ ພາກັນເວົ້າວ່າພວກເຂົາເຈົ້າຈະບໍ່ຂໍເຂົ້າ
ຮ່ວມໃນການຕໍ່ອາຍຸສົນທິສັນຍາກຽວໂຕ.
ຂໍ້ຕົກລົງກັນດັ່ງກ່າວມີຂຶ້ນເມື່ອຕອນເຊົ້າວັນອາທິດມື້ນີ້ສອງມື້ຫລັງຈາກ ກອງປະຊຸມສອງ
ອາທິດທີ່ກໍານົດຈະປິດລົງທີ່ເມືອງເດີບັນນັ້ນ.
ສະຫະລັດກ່າວວ່າ ຕົນພຽງແຕ່ໃຫ້ຄໍາໝັ້ນສັນຍາຈະປະຕິບັດຕາມການຕັດ ຂອງຂໍ້ຕົກລົງ
ລົງຖ້າຫາກວ່າພວກປະເທດທີ່ສ້າງມົນລະພິດລາຍໃຫຍ່ໆທັງໝົດມີຄວາມໝັ້ນໝາຍເທົ່າ
ທຽມກັນ. ຈີນແລະອິນເດຍຄັດຄ້ານຢ່າງເປີດເຜີຍໃນຂໍ້ຕົກລົງດັ່ງກ່າວ ໂດຍກ່າວວ່າພວກ
ເຂົາເຈົ້າໄດ້ສ້າງຕັ້ງໂຄງການນິເວດວິດທະຍາທີ່ຫ້າວຫັນແລ້ວ ໃນຂະນະທີ່ພວກປະເທດ
ອຸດສາຫະກໍາທັງຫລາຍຍັງບໍ່ປະຕິບັດຕາມພັນທະໃນປັດຈຸບັນຂອງພວກເຂົາເຈົ້າເທື່ອນັ້ນ
ສາມປະເທດ ທີ່ໂຮມທັງສອງປະເທດທີ່ມີປະຊາກອນຫລາຍທີ່ສຸດຂອງໂລກນັ້ນ ບໍ່ໄດ້ຖືກ
ຜູກມັດໂດຍສົນທິສັນຍາກຽວໂຕ.
ກອງປະຊຸມດັ່ງກ່າວບໍ່ໄດ້ໃຫ້ຄຳໝັ້ນສັນຍາໂດຍທັນທີໃດໆ ເພື່ອຕັດມົນລະພິດລົງຕື່ມ ທີ່
ເປັນຕົວການສ້າງໃຫ້ເກີດສະພາບດິນຟ້າອາກາດປ່ຽນແປງນັ້ນ.
ນອກນີ້ແລ້ວພວກຜູ້ແທນ ຍັງເຫັນພ້ອມກັນ ເພື່ອສ້າງຕັ້ງກອງທຶນນຶ່ງ ສຳລັບຊ່ວຍເຫລືອ
ພວກປະເທດຍາກຈົນທັງຫລາຍຮັບມືກັບຄວາມຮ້ອນເອົ້າຂອງໂລກ ແຕ່ບໍ່ໄດ້ເຈາະຈົງຢ່າງ
ໃດວ່າຈະໄດ້ງົບປະມານໂດຍວິທີໃດ.
ການປະພິປາຍກັນສ່ວນໃຫຍ່ ແມ່ນເພ່ງເລັງໃສ່ຂໍ້ສະເໜີອັນນຶ່ງຂອງສະຫະ ພາບຢູໂຣບ
ເພື່ອຜັກດັນໃຫ້ພວກສ້າງມົນລະພິດໃນບັນດາປະເທດທີ່ຈະເຣີນແລ້ວ ແລະມີການເຕີບ
ໂຕທາງດ້ານເສດຖະກິດທີ່ວ່ອງໄວ ເຊັ່ນ ຈີນ ອິນເດຍ ຮັບເອົາຂໍ້ຜູກມັດທີ່ຖືກຕ້ອງຕາມ
ກົດໝາຍເພື່ອຕັດອາຍພິດເຮືອນ ແກ້ວລົງນັ້ນ.
