ການເລືອກຕັ້ງແຫ່ງຊາດ ໄດ້ເລີ້ມຂຶ້ນແລ້ວໃນວັນຈັນມື້ນີ້ ຢູ່ທີ່
ປະເທດ Sudan ຊຶ່ງບັນດາຜູ້ມີສິດອອກສຽງ ແມ່ນແນ່ນອນ
ແລ້ວວ່າ ຈະມອບອຳນາດປົກຄອງ ອີກສະໄໝນຶ່ງ ໃຫ້ແກ່
ປະທານາທິບໍດີ Omar al-Bashir ແລະ ມອບໄຊຊະນະໃຫ້
ພັກສະມັດຊາແຫ່ງຊາດ ຫຼື National Congress Party
ຍ້ອນວ່າ ບັນດາພັກຝ່າຍຄ້ານໃຫຍ່ໆ ຂອງປະເທດໄດ້ພາກັນ
ຂວ້ຳບາດ ບໍ່ລົງແຂ່ງຂັນ.
ທ່ານ Bashir ຜູ້ທີ່ ສານອາຊະຍາກຳສາກົນຕ້ອງການໂຕ ໃນ
ຂໍ້ຫາກໍ່ອາຊະກຳສົງຄາມນັ້ນ ໄດ້ຄອງອຳນາດ ມາຕັ້ງແຕ່ປີ 1989
ແລະໄດ້ຮັບໄຊຊະນະ ໃນການເລືອກຕັ້ງ ຄັ້ງປີ 2010 ທີ່ຝ່າຍຄູ່
ແຂ່ງ ໄດ້ກ່າວຫາວ່າ ມີການສໍ້ໂກງນັ້ນ. ບັນດາຜູ້ມີສິດອອກສຽງ ມີພຽງປະທານາທິບໍດີ ແລະ ຜູ້ສະໝັກສຳຮອງຈຳນວນນຶ່ງ ໃຫ້ເລືອກ ໃນການເລືອກຕັ້ງທີ່ຈະດຳເນີນໄປຈົນເຖິງ ວັນພຸດຕໍ່ໜ້ານີ້.
ສະຫະພາບຢູໂຣບ ສະຫະລັດ ອັງກິດ ແລະ ນໍເວ ທັງໝົດແມ່ນໄດ້ ຕຳໜິຕິຕຽນການເລືອກ
ຕັ້ງຄັ້ງນີ້ ໂດຍກ່າວວ່າ ການບໍ່ມີການສົນທະນາ ຫາລືກັນລະດັບຊາດ ຕາມຄຳໝັ້ນສັນຍາ
ໄດ້ເຮັດໃຫ້ຊູດານ ປາດສະຈາກຂັ້ນຕອນທາງການເມືອງ ທີ່ມີທຸກພັກຝ່າຍເຂົ້າຮ່ວມນຳ.
ທ່ານ Federica Mogherini ຫົວໜ້ານະໂຍບາຍຕ່າງປະເທດ ຂອງສະຫະພາບຢູໂຣບ
ກ່າວວ່າ ການເລືອກຕັ້ງ “ແມ່ນຈະບໍ່ມີຜົນ ທີ່ເຊື່ອຖືໄດ້ ແລະ ມີຄວາມຖືກຕ້ອງ ຕາມ
ກົດໝາຍໃນທົ່ວປະເທດ.”
ສາດສະດາຈານ Mukhtar Al-Assam ຫົວໜ້າຄະນະກຳມະທິການເລືອກຕັ້ງ ທີ່ເປັນ
ອິດສະລະ ຂອງຊູດານ ໄດ້ປະຕິເສດຕໍ່ການຕຳນິຕິຕຽນຕ່າງໆ ໂດຍກ່າວຕໍ່ວີໂອເອ ວ່າ
ຝ່າຍຄ້ານໄດ້ມີສ່ວນຮ່ວມ ຢູ່ໃນສະພາ ທີ່ເລືອກເອົາບັນດາສະມາຊິກ ຂອງຄະນະກຳມາ
ທິການເລືອກຕັ້ງ ແລະ ວ່າການປ່ອນບັດ ຈະມິຄວາມຍຸດຕິທຳ.
