ຝ່າຍຄ້ານ ແລະ ສະໜັບສະໜຸນ ປ. Morsi ປະທະກັນ ຢູ່ ອີຈິບ (ສະໄລດ໌/ວີດີໂອ)

ພວກສະໜັບສະໜຸນແລະພວກຕໍ່ຕ້ານປະທານາທິບໍດີອີຈິບທ່ານ Mohammad Morsi ໄດ້ຍິງປືນ ແລະ ແກວ່ງໝາກກະໂພກໃສ່
ກັນ ໃນລະຫວ່າງ ການຕໍ່ສູ້ກັນ ຢ່າງດຸເດືອດ ຢູ່ຕາມຖະໜົນຫົນ
ທາງ ທີ່ນະຄອນອາເລັກຊານເດຣຍ ໃນວັນສຸກວານນີ້.

ຕຳຫຼວດປາບຈະລາຈົນ ໄດ້ເຄື່ອນກຳລັງເຂົ້າໄປພ້ອມດ້ວຍລົດ
ຫຸ້ມເກາະ ແລະ ລົດຍິງລະເບີດນໍ້າຕາ ແຕ່ບໍ່ແມ່ນ ກ່ອນທີ່ຫ້ອງ
ການຂອງພັກການເມືອງທ່ານ Morsi ໄດ້ຖືກຈູດເຜົາ.

ເຈົ້າໜ້າທີ່ເວົ້າວ່າ ມີສອງຄົນເສຍຊີວິດຮວມທັງພົນລະເມືອງອາ
ເມຣິກັນຄົນ ນຶ່ງໄດ້ຖືກແທງຕາຍຂະນະທີ່ພວມຖ່າຍຮູບເອົາການຕໍ່ສູ້ກັນດັ່ງກ່າວ. ກະຊວງ ການຕ່າງປະເທດສະຫະລັດໄດ້ອອກຄຳເຕືອນກ່ຽວກັບການເດີນທາງໄປອີຈິບ ໂດຍຂໍໃຫ້ ຊາວອາເມຣິກັນເລື່ອນເວລາໃນການເດີນທາງທີ່ບໍ່ຈຳເປັນໄປປະເທດອີຈິບ. ນອກນັ້ນຍັງ ຈະມີການຍົກຍ້າຍ ພະນັກງານສະຖານທູດຈຳນວນນຶ່ງ ແລະຄອບຄົວຂອງພວກເຂົາເຈົ້າ ອອກຈາກປະເທດດັ່ງກ່າວ.



ພວກປະທ້ວງໄດ້ເຕົ້າໂຮມກັນທີ່ຈະຕຸລັດ Tahrir ໃນກຸງໄຄໂຣໂດຍພາກັນໂບກທຸງຊາດອີ ຈິບແລະຮຽກຮ້ອງໃຫ້ທ່ານ Morsi ລາອອກ. ພວກເຂົາເຈົ້າພວມກະກຽມການໂຮມຊຸມນຸມ ປະທ້ວງຂະໜາດໃຫຍ່ໃນວັນອາທິດມື້ອື່ນນີ້ ຊຶ່ງເປັນວັນຄົບຮອບນຶ່ງປີ ໃນການເຂົ້າກຳຕຳ ແໜ່ງປະທານາທິບໍດີຂອງທ່ານ Morsi.

ພວກຝ່າຍຄ້ານໄດ້ກ່າວຫາທ່ານ Morsi ແລະຂະບວນການພະລາດອນພາບມຸສລິມຂອງ ທ່ານວ່າ ພະຍາຍາມທີ່ຈະບ່ອນທຳລາຍຕໍ່ສິດທິຂອງພວກທີ່ບໍ່ຝັກໄຝ່ໃນສາສະໜາ ແລະບໍ່ ໄດ້ປະຕິບັດຕາມຈຸດປະສົງຂອງການລຸກຮືຂຶ້ນໃນປີ 2011 ທີ່ບັງຄັບໃຫ້ອະດີດປະທານາທິ ບໍດີ Hosni Mubarak ລາອອກນັ້ນ.

ພວກສະໜັບສະໜຸນທ່ານ Morsi ກໍໃຫ້ສັນຍາເຊັ່ນດຽວກັນວ່າ ຈະລົງສູ່ຖະໜົນ ຫົນທາງ ໂດຍກ່າວຫາພວກຝ່າຍຄ້ານວ່າ ວາງແຜນກໍ່ລັດຖະປະຫານ.