ບັນດາເຈົ້າໜ້າທີ່ອົງການສືບລັບ ຂອງສະຫະລັດ ໄດ້ເຜີຍແຜ່
ລໍາດັບເຫດການຢ່າງລະອຽດຂອງອົງການ CIA ກ່ຽວກັບການ
ໂຈມຕີຢ່າງຮ້າຍ ແຮງຕໍ່ສະຖານກົງສຸນສະຫະລັດ ທີ່ເມືອງ
Benghazi ໃນປະເທດລີເບຍ ເມື່ອວັນທີ 11 ກັນຍາຜ່ານມາ
ເພື່ອຕອບຕໍ່ການກ່າວຫາທີ່ວ່າ ບໍ່ມີການປະຕິບັດຢ່າງພຽງພໍ
ເພື່ອຢຸດຕິການໂຈມຕີນັ້ນ.
ໃນການຖະແຫລງໂດຍບໍ່ຂໍອອກຊື່ ບັນດາເຈົ້າໜ້າທີ່ຂັ້ນສູງຂອງອົງ ການສືບລັບກ່າວຕໍ່ພວກນັກຂ່າວ ໃນວັນພະຫັດວານນີ້ວ່າ ອົງການ CIA ໄດ້ສົ່ງໜ່ວຍກູ້ໄພຈາກຖານທັບແຫ່ງນຶ່ງທີ່ຢູ່ໃກ້ຄຽງພາຍໃນ 25 ນາທີ ຫຼັງຈາກໄດ້ຮັບຄຳເຕືອນໃຫ້ຮູ້ກ່ຽວກັບການໂຈມຕີ ທີ່ໄດ້ສັງຫານ ເອກອັກຄະລັດຖະທູດສະຫະລັດ ປະຈຳ Libya ແລະບັນດານັກການທູດອາເມຣິກາ ອີກສາມຄົນ.
ແຕ່ເຂົາເຈົ້າກ່າວວ່າ ທີມກູ້ໄພຈໍານວນ 6 ຄົນບໍ່ໄດ້ໄປເຖິງ ຈົນຫລັງຈາກນັ້ນ 25 ນາທີຕໍ່ມາ ສ່ວນນຶ່ງກໍເພາະວ່າ ບໍ່ສາມາດຮ້ອງຂໍການຊ່ວຍເຫລືອຈາກພວກທະຫານບ້ານ Libya ທີ່ຕິດອາວຸດໜັກ ແລະຍ້ອນວ່າ ເຂົາເຈົ້າໄດ້ຖືກໂຈມຕີໃນຂະນະທີ່ເຂົາເຈົ້າໄປເຖິງກົງສຸນ.
ມີລາຍງານວ່າ ທີມກູ້ໄພຂອງ CIA ລາຍງານວ່່າ ໄດ້ຢູ່ທີ່ກົງສຸນ ເປັນເວລານຶ່ງຊົ່ວໂມງ ກ່ອນທີ່ຈະໜີອອກໄປພ້ອມກັບຊາວອາເມຣິກັນ ທັງໝົດ ຍົກເວັ້ນແຕ່ເອກອັກຄະລັດຖະທູດທີ່ໄດ້ຖືກສັງຫານ ຜູ້ຊຶ່ງໄດ້ຖືກ ນໍາພາໄປໂຮງໝໍ ທີ່ຢູ່ໃກ້ໆນັ້ນ.
ອົງການສືບລັບຊີໄອເອ ໄດ້ປະຕິເສດຕໍ່ລາຍງານຫວ່າງມໍ່ໆຂອງໂທລະ ພາບ Fox News ແລະແຫລ່ງຂ່າວອື່ນໆ ທີ່ເວົ້າວ່າ ບັນດາເຈົ້າໜ້າທີ່ CIA ໄດ້ຖືກບອກໃຫ້ “ລໍຖ້າ” ໃນເວລາທີ່ເຂົ້າເຈົ້າຕ້ອງການຢາກໃຫ້ສົ່ງກຳລັງໄປຊ່ວຍຈາກຖານທັບທີ່ຢູ່ໃກ້ໆນັ້ນ ເພື່ອຂັບໄລ່ພວກບຸກໂຈມຕີສະຖານກົງສຸນ.
ແຕ່ອົງການສືບລັບດັ່ງກ່າວ ໄດ້ຕົກຢູ່ພາຍໃຕ້ຄວາມກົດດັນຫຼາຍຂຶ້ນເພື່ອໃຫ້ເປີດເຜີຍລາຍລະອຽດເພີ້ມຕື່ມກ່ຽວກັບການບຸກໂຈມຕີໃນຄໍ່າຄືນດັ່ງກ່າວ ຊຶ່ງໄດ້ກາຍມາເປັາບັນຫາອັນສໍາຄັນ ໃນການເລືອກຕັ້ງປະທານາທິບໍດີສະຫະລັດ.
ລໍາດັບເຫດການຢ່າງລະອຽດຂອງອົງການ CIA ກ່ຽວກັບການ
ໂຈມຕີຢ່າງຮ້າຍ ແຮງຕໍ່ສະຖານກົງສຸນສະຫະລັດ ທີ່ເມືອງ
Benghazi ໃນປະເທດລີເບຍ ເມື່ອວັນທີ 11 ກັນຍາຜ່ານມາ
ເພື່ອຕອບຕໍ່ການກ່າວຫາທີ່ວ່າ ບໍ່ມີການປະຕິບັດຢ່າງພຽງພໍ
ເພື່ອຢຸດຕິການໂຈມຕີນັ້ນ.
ໃນການຖະແຫລງໂດຍບໍ່ຂໍອອກຊື່ ບັນດາເຈົ້າໜ້າທີ່ຂັ້ນສູງຂອງອົງ ການສືບລັບກ່າວຕໍ່ພວກນັກຂ່າວ ໃນວັນພະຫັດວານນີ້ວ່າ ອົງການ CIA ໄດ້ສົ່ງໜ່ວຍກູ້ໄພຈາກຖານທັບແຫ່ງນຶ່ງທີ່ຢູ່ໃກ້ຄຽງພາຍໃນ 25 ນາທີ ຫຼັງຈາກໄດ້ຮັບຄຳເຕືອນໃຫ້ຮູ້ກ່ຽວກັບການໂຈມຕີ ທີ່ໄດ້ສັງຫານ ເອກອັກຄະລັດຖະທູດສະຫະລັດ ປະຈຳ Libya ແລະບັນດານັກການທູດອາເມຣິກາ ອີກສາມຄົນ.
ແຕ່ເຂົາເຈົ້າກ່າວວ່າ ທີມກູ້ໄພຈໍານວນ 6 ຄົນບໍ່ໄດ້ໄປເຖິງ ຈົນຫລັງຈາກນັ້ນ 25 ນາທີຕໍ່ມາ ສ່ວນນຶ່ງກໍເພາະວ່າ ບໍ່ສາມາດຮ້ອງຂໍການຊ່ວຍເຫລືອຈາກພວກທະຫານບ້ານ Libya ທີ່ຕິດອາວຸດໜັກ ແລະຍ້ອນວ່າ ເຂົາເຈົ້າໄດ້ຖືກໂຈມຕີໃນຂະນະທີ່ເຂົາເຈົ້າໄປເຖິງກົງສຸນ.
ມີລາຍງານວ່າ ທີມກູ້ໄພຂອງ CIA ລາຍງານວ່່າ ໄດ້ຢູ່ທີ່ກົງສຸນ ເປັນເວລານຶ່ງຊົ່ວໂມງ ກ່ອນທີ່ຈະໜີອອກໄປພ້ອມກັບຊາວອາເມຣິກັນ ທັງໝົດ ຍົກເວັ້ນແຕ່ເອກອັກຄະລັດຖະທູດທີ່ໄດ້ຖືກສັງຫານ ຜູ້ຊຶ່ງໄດ້ຖືກ ນໍາພາໄປໂຮງໝໍ ທີ່ຢູ່ໃກ້ໆນັ້ນ.
ອົງການສືບລັບຊີໄອເອ ໄດ້ປະຕິເສດຕໍ່ລາຍງານຫວ່າງມໍ່ໆຂອງໂທລະ ພາບ Fox News ແລະແຫລ່ງຂ່າວອື່ນໆ ທີ່ເວົ້າວ່າ ບັນດາເຈົ້າໜ້າທີ່ CIA ໄດ້ຖືກບອກໃຫ້ “ລໍຖ້າ” ໃນເວລາທີ່ເຂົ້າເຈົ້າຕ້ອງການຢາກໃຫ້ສົ່ງກຳລັງໄປຊ່ວຍຈາກຖານທັບທີ່ຢູ່ໃກ້ໆນັ້ນ ເພື່ອຂັບໄລ່ພວກບຸກໂຈມຕີສະຖານກົງສຸນ.
ແຕ່ອົງການສືບລັບດັ່ງກ່າວ ໄດ້ຕົກຢູ່ພາຍໃຕ້ຄວາມກົດດັນຫຼາຍຂຶ້ນເພື່ອໃຫ້ເປີດເຜີຍລາຍລະອຽດເພີ້ມຕື່ມກ່ຽວກັບການບຸກໂຈມຕີໃນຄໍ່າຄືນດັ່ງກ່າວ ຊຶ່ງໄດ້ກາຍມາເປັາບັນຫາອັນສໍາຄັນ ໃນການເລືອກຕັ້ງປະທານາທິບໍດີສະຫະລັດ.