ຄະນະກຳມາທິການສືບລັບ ລັດຖະສະພາ ສະຫະລັດ ໄດ້
ເຜີຍແຜ່ລາຍງານ ທີ່ຄາດໝາຍກັນໄວ້ສູງ ແລະຂັດແຍ້ງກັນ
ກ່ຽວກັບວິທີ ການສອບສວນຂອງອົງການສືບລັບ CIA ຢູ່ໃນ
ສົງຄາມຕໍ່ຕ້ານພວກກໍ່ການຮ້າຍຂອງປະເທດນັ້ນ. ບົດລາຍ
ງານສະຫລຸບ ທີ່ຍາວປະມານ 500 ໜ້າ ໄດ້ບັນລະຍາຍຢ່າງ
ລະອຽດ ເຖິງການຖອກນ້ຳໃສ່ໜ້ານັກໂທດ ເຮັດໃຫ້ຮູ້ສຶກຄື
ກັບວ່າ ກຳລັງຈະຈົມນໍ້າຕາຍ ແລະມາດຕະການທີ່ໂຫດຮ້າຍ
ອື່ນໆອີກ ໃນຄວາມພະຍາຍາມເພື່ອເຄ້ນເອົາຂໍ້ມູນ ຈາກ
ພວກຕ້ອງສົງໄສກໍ່ການຮ້າຍ ແລະເພື່ອປ້ອງກັນການໂຈມຕີ
ຢູ່ໃນສະຫະລັດ ໃນອະນາຄົດ. Jeff Seldin ນັກຂ່າວ
ວີໂອເອ ມີລາຍງານ ຊຶ່ງ ກິ່ງສະຫັວນ ຈະນຳມາສະເໜີທ່ານ. .
ລາຍງານ ທີ່ມີການລໍຖ້າກັນມາເປັນເວລາດົນນານ ແມ່ນຕ້ອງ
ຕິຢ່າງສູງ ຕໍ່ວີທີການປະຕິບັດງານສອບສວນຂອງອົງການສືບ
ລັບ CIAໂດຍບັນລະຍາຍຢ່າງລະອຽດ ເຖິງວິທີທີ່ປະເທດຊາດ ທີ່ໄດ້ຮັບຄວາມເສຍຫາຍ
ຢ່າງໜັກ ຈາກການໂຈມຕີຂອງພວກກໍ່ການຮ້າຍ ໃນວັນທີ 11 ເດືອນກັນຍາ ປີ 2001 ນັ້ນ
ຕອບໂຕ້ຄືນແນວໃດ.
ແລະໃນການຕອບໂຕ້ຄືນດັ່ງກ່າວນັ້ນ ປະທານ ຄະນະກຳມາທິການສືບລັບ ຂອງສະພາ
ສູງທ່ານນາງ Dianne Feinstein ຈາກພັກເດໂມແຄຣັດ ກ່າວວ່າ CIA ໄດ້ປະຕິບັດເກີນ
ຂອບເຂດ.
ທ່ານນາງ Dianne Feinstein ກ່າວວ່າ “ລາຍງານທີ່ນຳອອກເຜີຍແຜ່ໃນມື້ນີ້ ພິຈາ
ລະນາເບິ່ງການກັກຂັງລັບ ນັກໂທດ ຢ່າງໜ້ອຍ 119 ຄົນ ຂອງ CIA ຢູ່ບ່ອນຄຸມ
ຂັງນອກປະເທດ ແລະວິທີການສອບປາກ ຄຳແບບບີບບັງຄັບ ຊຶ່ງຢູ່ໃນບາງກໍລະ
ນີ ແມ່ນເທົ່າກັບເປັນການທາລຸນ ແລະທຳລະມານ.”
ທ່ານນາງ Dianne Feinstein ຜູ້ແທນສະພາສູງ ກ່າວວ່າ ຮ້າຍແຮງໄປກວ່່ານັ້ນອີກ ກໍ
ແມ່ນວ່າ “ເທັກນິກການສອບສວນສອບປາກຄຳ ແບບບັງຄັບນັ້ນ ບໍ່ໄດ້ນຳມາໃຫ້
ຊຶ່ງຂໍ້ມູນລັບທີ່ສຳຄັນເປັນຕາຍ ທີ່ CIA ໄດ້ອ້າງເອົານັ້ນເລີຍ.”
ແລະຫລັງຈາກການເກັບກຳ ທີ່ໃຊ້ເວລາ ຫ້າປີ ແລະເງິນເຖິງ 40 ລ້ານໂດລາ ລາຍງານໄດ້
ສະຫລຸບແບບດຽວກັບທີ່ ປະທານາທິບໍດີ Barack Obama ໄດ້ກ່າວເມື່ອຫລາຍເດືອນ
ກ່ອນ. ນັ້ນກໍຄື: “ພວກເຮົາໄດ້ທໍລະມານ ຄົນຈຳນວນນຶ່ງ.”
ໃນຂະນະດຽວກັນ ລາຍງານຍັງໄດ້ກ່າວຫາ CIA ວ່າ ຫລອກລວງ ທຳນຽບຂາວ ແລະ
ສາທາລະນະຊົນ ກ່ຽວກັບສິ່ງທີ່ໄດ້ດຳເນີນໄປ ຢູ່ໃນບັນດາຄຸກລັບ ໃນບ່ອນຕ່າງໆເຊັ່ນໃນ
ປະເທດ ໂປແລນແລະໂຣເມເນຍ ຮວມທັງເທັກນິກການສອບສວນ ໂດຍການຖອກນ້ຳໃສ່
ໜ້າ ເຮັດໃຫ້ຮູ້ສຶກຄືກັບວ່າ ກຳລັງຈະຈົມນໍ້າຕາຍນັ້ນ. ລາຍງານກ່າວວ່າ ຜູ້ອອກຫົວຄິດ
ແລະວາງແຜນການໂຈມຕີຕໍ່ສະຫະລັດ ເມື່ອວັນທີ 11 ກັນຍາ 2001 ນາຍ Khalid
Sheik Mohammed ນັ້ນ ໄດ້ຖືກຖອກນ້ຳໃສ່ໜ້າ ເຮັດໃຫ້ຮູ້ສຶກຄືກັບວ່າ ກຳລັງຈະຈົມ
ນຳ້ຕາຍ ເຖິງ 183 ເທື່ອ.
ນອກນັ້ນ ພວກອື່ນໆທີ່ຖືກກັກຂັງ ຍັງຖືກຂັດຂວາງບໍ່ໃຫ້ໄດ້ຫລັບໄດ້ນອນ ເປັນເວລາ
ຫລາຍຮ້ອຍຊົ່ວໂມງ ແລະໄດ້ຖືກບອກວ່າ ຄອບຄົວຂອງພວກເຂົາເຈົ້າ ຈະເປັນອັນຕະ
ລາຍ ແລະໃນກໍລະນີ ນຶ່ງຖືກທຳຮ້າຍທາງເພດ.
CIA ຍອມຮັບ ໄດ້ມີການກະທຳຄວາມຜິດພາດໄປແທ້. ແຕ່ທ່ານ John Brennan
ຫົວໜ້າ CIA ກ່າວວ່າ ການສອບສວນໄດ້ຊ່ວຍຂັດຂວາງການໂຈມຕີ ຊ່ວຍຮັກສາຊີວິດ
ຜູ້ຄົນໄວ້ ແລະອ້າງວ່າ ໄດ້ຊ່ວຍສະຫະລັດພົບເຫັນ ນາຍ Osama bin Laden ຜູ້ນຳ
al-Qada ຊຶ່ງເປັນກ່າວອ້າງທີ່ລາຍງານໄດ້ໂຕ້ແຍ້ງ.
ໃນຂະນະດຽວກັນ ອະດີດເຈົ້າໜ້າທີ່ CIA ກຸ່ມນຶ່ງ ກໍໄດ້ເປີດເວັບໄຊ້ໜຶ່ງຂຶ້ນມາ ເພື່ອປ້ອງ
ກັນການປະຕິບັດງານ ຂອງອົງການສືບລັບ ຊຶ່ງສະທ້ອນຄວາມເຫັນຂອງ ທ່ານ George
W. Bush ປະທານາທິບໍດີສະຫະລັດ ໃນເວລານັ້ນ.
ທ່ານ Bush ກ່າວວ່າ “ຖ້າຫາກວ່າ ຜູ້ກໍ່ການຮ້າຍທີ່ຖືກຈັບໄດ້ຄົນໜຶ່ງ ມີລາຍລະອຽດ
ກ່ຽວກັບການວາງແຜນ ໂຈມຕີປະເທດຂອງເຮົາ ພວກເຮົາກໍຈຳເປັນຕ້ອງຮູ້ໃຫ້ໄດ້
ວ່າ ຜູ້ກ່ຽວຮູ້ຫຍັງແດ່.”
ອະດີີດເຈົ້າໜ້າທີ່ CIA Charles Allen ກ່າວວ່າ ພວກເຂົາເຈົ້າໄດ້ເຮັດ ໃນສິ່ງທີ່ເຂົາເຈົ້າ
ຈຳເປັນຕ້ອງເຮັດ.
ທ່ານ Allen ເວົ້າວ່າ “ຂ້າພະເຈົ້າກໍຮ່ວມຢູ່ໃນກຸ່ມໜຶ່ງນ້ອຍໆ ຂ້າພະເຈົ້ານັ່ງຢູ່ໂຕະ.
ຂ້າພະເຈົ້າຄວນໄດ້ມີຄວາມຂ້ອງໃຈແລະລັງເລໃຈ ແຕ່ວ່າ ຄວາມກົດດັນຕໍ່ພວກ
ເຮົາ ແລະຄວາມມຸ້ງໝັ້ນຂອງພວກເຮົາ ທີ່ຢາກແກ້ແຄ້ນພວກ al-Qaida ແລະ
ເຂົ້າໄປທາງໃນ ໄປທັບມ້າງ ແລະທຳລາຍມັນ ແມ່ນຫລວງຫລາຍອີ່ຫລີ.”
ແຕ່ວ່າ ຢູ່ຫ້ອງປະຊຸມຂອງສະພາສູງນັ້ນ ອະດີດນັກໂທດສົງຄາມ ຜູ້ແທນສະພາສູງຈາກ
ພັກຣີພັບບລິກັນ ທ່ານ John McCain ໄດ້ຢືນຢັດຢ່າງໜັກແໜ້ນ ເອີ້ນພຶດຕິກຳດັ່ງກ່າວ
ຂອງ CIA ວ່າ ເປັນມົນທິນແກ່ ກຽດສັກສີຂອງປະເທດ.
ທ່ານ McCain ກ່າວວ່າ “ພວກເຮົາໄດ້ຍິນຍອມຢ່າງຫລວງ ໃນຄວາມຄາດຫວັງວ່າ
ການທໍລະມານຈະເຮັດໃຫ້ເຮົາມີຄວາມປອດໄພຂຶ້ນນັ້ນ. ຍິນຍອມ ຫລາຍໂພດ.”
ບັນດາຜູ້ແທນລັດຖະສະພາ ແລະ ແມ່ນແຕ່ບັນດາເຈົ້າໜ້າທີ່ລັດຖະບານ ໄດ້ພາກັນສະ
ແດງຄວາມເປັນຫ່ວງວ່າ ການເຜີຍແຜ່ລາຍງານສະບັບນີ້ ອາດສາ ມາດ ນຳໄປສູ່ການ
ໂຈມຕີຕໍ່ເປົ້າໝາຍຕ່າງໆຂອງ ສະຫະລັດ ແລະບັນດາສະຖານທູດ ແລະທີ່ຕັ້ງຂອງທະ ຫານສະຫະລັດ ໄດ້ຮັບຄຳສັ່ງໃຫ້ຢູ່ໃນທ່າຕຽມ ພ້ອມ ຮັບມືຢ່າງເຕັມທີ່.
