ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ການປະຕິງານຂອງຊີໄອເອ ຢູ່ປາກິສຖານ


ອົງການຊີໄອເອ ຂອງສະຫະລັດ
ອົງການຊີໄອເອ ຂອງສະຫະລັດ

ໜັງສືພິມທີ່ມີຊື່ສຽງສະບັບນຶ່ງຂອງສະຫະລັດລາຍງານວ່າ
ວໍຊິງຕັນຢາກຂະຫຍາຍ ການປະຕິບັດງານລັບ ຂອງອົງ
ການຊີໄອເອຢູ່ໃນປາກິສຖານທີ່ມີເປົ້າໝາຍແນໃສ່ເພື່ອກຳ
ຈັດບ່ອນຫຼົບລີ້ຂອງພວກມຸສລິມຫົວຮຸນແຮງ ໃນບໍລິເວນ
ໃກ້ໆຊາຍແດນອັຟການິສຖານນັ້ນ.

ໜັງສືພິມ Wall Street Journal ລາຍງານໃນແລງວັນ
ສຸກວານນີ້ວ່າ ສະຫະລັດໄດ້ຮ້ອງຂໍຕໍ່ປາກິສຖານໃນໄລຍະ
ສອງສາມອາທິດມານີ້ ໃຫ້ອະນຸຍາດໃຫ້ສະຫະລັດ ສົ່ງເຈົ້າ
ໜ້າທີ່ຊີໄອເອແລະຄູຝຶກກຳລັງພິເສດ ໃນຈຳນວນເພີ້ມຂຶ້ນ
ເຂົ້າໄປໃນປາກິສຖານເພື່ອປະກອບສ່ວນເຂົ້າຮ່ວມໃນການດຳເນີນຄວາມພະຍາຍາມຂອງ
ວໍຊິງຕັນໃນການເພີ່ມທະວີຄວາມກົດດັນ ຕໍ່ພວກຫົວຮຸນແຮງ.

ລາຍງານເວົ້າວ່າ ປາກິສຖານໄດ້ປະຕິເສດຕໍ່ການຮ້ອງຂໍຂອງສະຫະລັດ ທີ່ຈະສົ່ງພະນັກງານ
ເຂົ້າໄປໃນປາກິສຖານເພີ່ມຕື່ມ ຍ້ອນປາກິສຖານຍັງມີຄວາມລະມັດລະວັງເປັນທີ່ສຸດກ່ຽວກັບ
ການມີໜ້າໃນຈຳນວນເພີ້ມຂຶ້ນຂອງສະຫະລັດ ຢູ່ໃນດິນແດນປາກິສຖານ.

ໜັງສືພິມສະບັບນີ້ລາຍງານວ່າ ຈຳນວນຂອງເຈົ້າໜ້າທີ່ຊີໄອເອໃນປາກິສຖານ ແມ່ນຖືເປັນ
ຄວາມລັບສຳຄັນ ແຕ່ກໍເວົ້າວ່າ ມີຈຳນວນເພີ່ມຂຶ້ນຢ່າງຫຼວງຫຼາຍໃນໄລຍະສອງສາມປີຜ່ານ
ມານີ້.

ໜັງສືພິມ Wall Street Journal ກ່າວວ່າ ວໍຊິງຕັນຢາກໃຫ້ປາກິສຖານດຳເນີນມາດຕະ
ການໜັກມືຂຶ້ນຕື່ມ ຕໍ່ບັນດາກຸ່ມທີ່ເປັນພັນທະມິດກັບພວກກໍ່ການຮ້າຍອາລກາຍດານັ້ນ.

XS
SM
MD
LG