ຫົວໜ້າ ອົງການສືບລັບຊີໄອເອ ສະຫະລັດ ທ່ານ John
Brennen ໄດ້ຕອບໂຕ້ບັນດາຜູ້ກ່າວຫາ ອົງການຂອງທ່ານ
ທີ່ວ່າ ທາລຸນພວກນັກໂທດ ຢູ່ຄຸກຄູມຂັງລັບຕ່າງໆ ໂດຍ
ກ່າວວ່າ ນັ້ນເປັນວິທີການສອບສວນທີ່ຊ່ວຍປ້ອງກັນການ
ໂຈມຕີຈາກ ການກໍ່ການຮ້າຍຕໍ່ ສະຫະລັດ.
ຢູ່ໃນການໃຫ້ຂ່າວຕໍ່ກອງປະຊຸມສົດ ທີ່ກອງບັນຊາການ
ອົງການສືບລັບ ໃນວັນພະຫັດວານນີ້ ທ່ານ Brennen
ຮັບຮູ້ວ່າ ວິທີການດ່ັງກ່າວ “ໂຫດຮ້າຍ” ທີ່ໃຊ້ກັບຜູ້ຕ້ອງ
ສົງໄສກໍ່ການຮ້າຍ ຫລັງຈາກການໂຈມຕີ ສະຫະລັດ ວັນ
ທີ່ 11 ເດືອນກັນບາ ປີ 2001.
ແຕ່ ທ່ານໄດ້ປ້ອງກັນສ່ວນໃຫຍ່ຂອງ ໂຄງການສືບສວນ ໂດຍກ່າວວ່າ “ເປັນປະໂຫຍດ
ແລະໄດ້ຮັບລາຍລະອຽດທີ່ມີຄຸນຄ່າ” ທີ່ຕ້ອງການ ຫລັງຈາກ CIA ໄດ້ໃຊ້ ອັນທີ່ທ່ານ ອ້າງ
ວ່າ ເປັນເທັກນິກ “ຊ່ວຍການສອບສວນ.”
ໃນຕົ້ນອາທິດນີ້ ລາຍງານຈາກສະພາສູງ ໄດ້ໃຫ້ລາຍລະອຽດວ່າ ການສືບສວນຂອງບັນ
ດາເຈົ້າໜ້າທີ່ CIA ວ່າເປັນແບບທາລຸນຕໍ່ພວກນັກໂທດ ຮວມທັງການເອົານຳ້ຖອກໃສ່ໜ້າ
ຄືຈະເຮັດໃຫ້ຈົມນໍ້າຕາຍ ບັງຂັບເອົາອາຫານຜ່ານເຂົ້າທາງກົ້ນ ແລະເຮັດຄືຈະສັງຫານ.
ທ່ານ Brennen ໄດ້ປະຕິເສດ ທີ່ຈະເອີ້ນ ການໃຊ້ວິທີໃດໆ ວ່າເປັນການທາລຸນ ແຕ່ທ່ານ
ກໍໄດ້ກ່າວວ່າ "ມີຈຳນວນຈຳກັດຢູ່” ທີ່ບັນດາເຈົ້າໜ້າທີ່ CIA ໄດ້ “ອອກນອກຂອບເຂດ”
ກົດລະບຽບທີ່ຮັບຮູ້ເຫັນດີ ແລະມີການທຳທາລຸນຮຸນແຮງຕໍ່ພວກນັກໂທດ.
