ລິ້ງ ສຳຫລັບເຂົ້າຫາ

ພະສັນຕະປະປາ ເບເນດິກ ພາວະນາໃຫ້ມີ ສັນຕິພາບໃນໂລກ ໃນວັນຄຣິສມາສ (ວີດິໂອ ແລະສະໄລດ໌)


ພະສັນຕະປະປາເບເນດິກ XVI ໂບກມືໃສ່ ຝູງຊົນໃນຂະນະທີ່ທ່ານ ອວຍພອນໃຫ້ພວກເຂົາເຈົ້າ ໃນການເທດສະໜາng ຫລື "Urbi et Orbi" ທີ່ຈະຕຸລັດ St. Peter. (25 ທັນວາ 2012)
ພະສັນຕະປະປາເບເນດິກ ໄດ້ພາວະນາໃຫ້ມີສັນຕິພາບ ໂດຍ
ສະເພາະແມ່ນຢູ່ໃນເຂດຕາເວັນອອກກາງ ໃນການປະກອບ ພິທີທາງສາສະໜາໃນຄືນກ່ອນວັນຄຣິສມາສ ໃນຂະນະທີ່ ພວກນັບຖືສາສະໜາຄຣິສຕຽນຢູ່ທົ່ວໂລກພາກັນກະກຽມ ການສະຫລອງວັນປະສູດຂອງພະເຢຊູຄຣິສ ເມື່ອ 2 ພັນກວ່າ
ປີກ່ອນພຸ້ນ.

ໃນການເທດສະໜາຕໍ່ຝູງຄົນທີ່ໜາແໜ້ນຢູ່ທີ່ຈະຕຸລັດ St. Peter
ໃນຄືນວັນຈັນວານນີ້ ພະອົງໄດ້ຮຽກຮ້ອງໃຫ້ມີການຍຸດຕິການ
ນອງເລືອດຢູ່ໃນຊີເຣຍ, ເລບານອນ, ອີຣັກ ແລະບັນດາປະເທດ ເພື່ອນບ້ານຂອງປະເທດເຫລົ່ານີ້. ພະອົງຍັງພາວະນາ ຂໍໃຫ້
ອິສຣາແອລ ແລະປາແລສໄຕຢູ່ດ້ວຍກັນຢ່າງສັນຕິ.

ນັກທ່ອງທ່ຽວຫຼາຍພັນຄົນ ຈາກທົ່ວໂລກ ພາກັນໄປໂຮມກັນ ທີ່ເມືອງ Bethlehem ໃນ ເຂດຝັ່ງຕາເວັນຕົກຂອງແມ່ນໍ້າຈໍແດນ ຫລື West Bank ບ່ອນທີ່ຊາວຄຣິສຕຽນ ພາກັນ ເຊື່ອວ່າ ເປັນບ່ອນປະສູດຂອງພະເຢຊູ ເພື່ອສະຫລອງ
ວັນຄຣິສມາສ.

ການສະເຫລີມສະຫລອງບຸນໃນປີນີ້ ແມ່ນມ່ວນຊື່ນເປັນພິເສດ ສໍາລັບຊາວປາແລັສໄຕ ທີ່ ເປັນເຈົ້າພາບ ຊຶ່ງຫາກໍ່ໄດ້ຮັບການຮັບຮູ້ຈາກອົງການສະຫະປະຊາຊາດ ໃຫ້ເປັນປະເທດ ປາແລັສໄຕ ທີ່ມີເອກລາດ.

ເບິ່ງວີດິໂອການສະຫລອງຄຣິສມາສ ຢູ່ໃນທົ່ວໂລກ:



ໃນການເທດສະໜາປະຈໍາປີກ່ອນວັນຄຣິສມາສ ນັ້ນ ຫົວໜ້າສາສະໜາໂຣມັນຄາໂທລິກ ຢູ່ໃນເຂດດັ່ງກ່າວ ຄືຄຸນພໍ່ Fouad Twal ໄດ້ສະເຫລີມສະຫລອງຜົນສໍາເລັດຂອງຊາວ ປາແລັສໄຕ ແລະໄດ້ຊຸກຍູ້ໃຫ້ພວກເຂົາເຈົ້າ ທໍາງານຮ່ວມກັບຊາວ ອິສຣາແອລ ເພື່ອໃຫ້ ຍຸດຕິການຂັດແຍ້ງກັນໃນຂົງເຂດ ທີ່ປະກົດວ່າບໍ່ມີມື້ສິ້ນສຸດນັ້ນ.

ເຖິງແມ່ນວ່າອາກາດຈະໜາວກໍຕາມ ງານບຸນສະເຫລີມສະຫລອງຕ່າງໆ ຍັງດໍາເນີນໄປຢູ່ ໃນຕອນກາງຄືນ ຊຶ່ງພວກນັກທ່ອງທ່ຽວບາງຄົນເອີ້ນວ່າ ມັນເປັນປະສົບການທີ່ໜ້າສະອຶ້ນ ສະອອນໃຈ ທີ່ສຸດ.

ປະມວນພາບການສະຫລອງບຸນຄຣິສມາສ ຢູ່ໃນປະເທດຕ່າງໆ:
XS
SM
MD
LG