ລາຍການສຽງເພງຈາກແດນໄກຂອງ VOA ໃນຄໍ່າຄືນກ່ອນວັນຄີຣສມັສນີ້ ວັນນະ
ສອນມີເພງທີ່ເຕັມປ່ຽມໄປດ້ວຍຄວາມໝາຍດີ ເພື່ອອວຍພອນໃຫ້ແກ່ແຟນລາຍການ
ຂອງເຮົາໃນໂອກາດອັນດີງາມນີ້ ຂໍເຊີນທຸກໆທ່ານເຂົ້າສູ່ບັນຍາກາດຂອງຄວາມ
ສະໜຸກສະໜານໄດ້ນະບັດນີ້.
ສະບາຍດີແຟນລາຍການສຽງເພງຈາກແດນໄກ. ເພງທີ່ທ່ານຫາກໍໄດ້ຟັງຈົບລົງໄປນັ້ນ
ວັນນະສອນໄດ້ຕັ້ງໃຈເອົາໄວ້ ວ່າຈະມາເປີດໃຫ້ທ່ານຟັງ ເພື່ອສະຫຼອງເທດສະການບຸນຄຣິສມັສພ້ອມກັນ ເປັນເພງຄູ່ ທີ່ໄດ້ນັກຮ້ອງລະດັບໂລກ ມາຮ້ອງຄູ່ກັນ ທັງ Michael
Buble ກັບ Thalia ໃນບົດເພງ Feliz Navidad ຊຶ່ງເພງນີ້ ກໍມັກຈະໄດ້ຍິນຢູ່
ເລື້ອຍໆມາ ໃນຊ່ວງເທດສະການສະຫຼອງບຸນຄຣິສມັສ ແລະປີໃໝ່. ວັນນະສອນ
ຫວັງຢ່າງ ຍິ່ງວ່າ ທຸກໆຄົນຈະສະບາຍດີແລະຕຽມພ້ອມແລ້ວທີ່ຈະສະຫຼອງບຸນບຸນ
ຄຣິສມັສ ເຖິງແມ່ນວ່າມີຫຼາຍໆທ່ານ ບໍ່ຖືສາສະໜາຄຣິດ ກໍຕາມ ແຕ່ວ່າ ການສະຫຼອງ
ບຸນຄຣິສມັສ ກໍໄດ້ກາຍມາເປັນປະເພນີ ທີ່ພາກັນສະຫຼອງໃນທົ່ວທຸກມູມໂລກໄປແລ້ວ
ຈະຖືວ່າເປັນການສະຫຼອງກໍວ່າໄດ້ ສຳລັບບາງຄົນ ເພາະມີການຈັດຂອງຝາກຂອງ
ຕ້ອນ ເປັນກິດຈະລັກສະນະ ອອກມາຂາຍກັນ ຕັ້ງແຕ່ຕົ້ນເດືອນທັນວາພີ້. ແຕ່ເຖິງ
ຢ່າງນັ້ນກໍເທາະ ວັນນະສອນ ຄິດວ່າວັນ ຄຣິສມັສເປັນເທດສະການທີ່ສົ່ງຄວາມສຸກ ແລະມອບຄວາມຮັກ ໃຫ້ກັນແລະກັນ ໂດຍສະເພາະພວກເດັກນ້ອຍ ກໍຈະພາກັນ
ຄຶກຄັກຕື່ນເຕັ້ນເປັນພິເສດ ດີໃຈເພາະຈະໄດ້ເປີດຂອງຝາກທີ່ Santa Claus ຫຼື
ປາໆ ໂນແອລ ທີ່ໄດ້ຕຽມຂອງຂວັນໄຕ່ລົງມາຈາກທໍ່ໄຟຂອງເຕົາຝີງ ຈັດໃສ່ຖົງຕີນ
ທີ່ພໍ່ແມ່ ຈັດໄວ້ພ້ອມທັງມີຊື່ຂອງພວກລູກໆ ແຕ່ລະຄົນ ແລ້ວພາກັນຕື່ນມາແຕ່ເຊົ້າ
ເພື່ອເປີດຂອງຂວັນກັນ ໃນວັນຄຣິມັສຄື ວັນທີ 25 ຂອງເດືອນທັນວາ ສ່ວນເພງຕໍ່ໄປນີ້
ກໍເຊັ່ນກັນ... ເປັນເພງຂອງວົງດົນຕີທີ່ເກືອບວ່າ ທຸກຄົນເຄີຍໄດ້ຍິນ ແຕ່ເພງນີ້ ເປັນອີກ
ບົດບາດນຶ່ງຂອງວົງ Eagle ໃນບົດເພງ Please Come Home For Christmas
ທີ່ແປເປັນພາສາລາວ ກໍແມ່ນວ່າ ກະລຸນາກັບມາບ້ານໃນຊ່ວງເທດການບຸນຄຣິສມັສນີ້.
ເພງ Silent Night ຂອງ Martina McBride ນີ້ ຈະເປັນເພງທີ່ວັນນະສອນຈັດ
ໄວ້ເພື່ອປິດທ້າຍລາຍການແລະຂໍອວຍພອນໃຫ້ທຸກທ່ານ ຈົ່ງປະສົບແຕ່ຄວາມສຸກ
ຄວາມຈະເລີນ ງອກງາມໄພບູນ ຕະຫຼອດໄປ ໃຫ້ເບີກບານໃຈ ມອງໄປໃສ ກໍມີແຕ່ຮອຍ
ຍິ້ມ ສຽງຫົວມ່ວນຊື່ນ ສົດຊື່ນແລະສົມຫວັງໃນເທດສະການຄຣິສມັສດ້ວຍເທີ້ນ.
Merry Christmas to you all.
