ພະນະທ່ານ ຈູມມາລີ ໄຊຍະສອນ ປະທານປະເທດ ສປປ ລາວ
ໄດ້ເສັດສິ້ນການເປັນປະທານຮ່ວມກອງປະຊຸມສຸດຍອດອາຊຽນ
ສະຫະລັດສະ ໄໝພິເສດ ທີ່ຊັນນີແລນ ລັດຄາລີຟໍເນຍ.
ຖະແຫຼງຂ່າວຂອງ ສປປ ລາວກ່າວວ່າ ກອງປະຊຸມສຸດຍອດດັ່ງ
ກ່າວນີ້ຈັດຂື້ນແຕ່ວັນທີ 15 ຫາ 16 ກຸມພາພາຍໃຕ້ການເປັນປະ
ທານຮ່ວມຂອງພະນະທ່ານປະທານປະເທດ ຈູມມະລີ ໄຊຍະສອນ ໃນຖານະທີ່ ສປປ ລາວ
ເປັນປະທານອາຊຽນ ແລະ ພະນະທ່ານປະທານາທິບໍດີ ບາຣັກ ໂອບາມາ ແຫ່ງສະຫະລັດ
ອາເມຣິກາ.
ຖະແຫຼງຂ່າວກ່າວຕໍ່ໄປວ່າ ກອງປະຊຸມສຸດຍອດ ໄດ້ປືກສາຫາລືກ່ຽວກັບຫຼາຍບັນຫາສຳ
ຄັນ ໂດຍສະເພາະແມ່ນການຮ່ວມມືດ້ານເສດຖະກິດ ການຄ້າ-ການລົງທຶນ ການພັດທະ
ນາວິສາຫະກິດຂະໜາດນ້ອຍ ແລະຂະໜາດກາງການສົ່ງເສີມດ້ານນະວັດຕະກຳ ແລະ
ການເປັນຜູ້ປະກອບການ ລະຫວ່າງອາຊຽນແລະ ສະຫະລັດ ແນໃສ່ເພື່ອຊຸກຍູ້ການ ຮ່ວມ
ມືດ້ານເສດຖະກິດລະຫວ່າງສອງພາກພື້ນໃຫ້ຫຼາຍຂື້ນແລະສົ່ງເສີມປະຊາຄົມເສດຖະກິດ
ອາຊຽນ ໃຫ້ມີຄວາມເຂັ້ມແຂງ ພ້ອມທັງປະກອບສ່ວນຊຸກ ຍູ້ໃຫ້ມ່ີການເຕີບໂຕທາງເສດ
ຖະກິດແລະການພັດທະນາໃນພາກພື້ນກໍຄືໃນໂລກ. ນອກນັ້ນ ບັນດາຜູ້ນຳອາຊຽນ ແລະ
ສະຫະ ລັດ ຍັງໄດ້ແລກປ່ຽນຄຳຄິດເຫັນກ່ຽວກັບບັນຫາພາກພື້ນແລະສາກົນທີ່ພົ້ນເດັ່ນ
ແລະມີຄວາມສົນໃຈຮ່ວມກັນ. ໃນໂອກາດນີ້ ບັນດາຜູ້ນຳອາຊຽນແລະສະຫະລັດໄດ້ຮັບ
ຮອງເອົາ “ຖະແຫລງການ ຮ່ວມ ຂອງກອງປະຊຸມສຸດຍອດ ອາຊຽນ-ສະຫະລັດ ສະໄໝພິ
ເສດ ຄືຖະແຫລງ ການຊັນນີແລນ” ເພື່ອສືບຕໍ່ຮັດແໜ້ນການພົວພັນຮ່ວມມືລະຫວ່າງອາ
ຊຽນກັບ ສະຫະລັດ ທີ່ຫາກໍ່ໄດ້ຮັບການຍົກລະດັບຂື້ນເປັນຄູ່ຮ່ວມຍຸດທະສາດ ໃນເດືອນ
ພະຈິກ 2015 ຜ່ານມານີ້ ຢູ່ທີ່ກົວລາລຳເປີ.
ຖະແຫຼງການແຈ້ງວ່າ ໃນໄລຍະເຂົ້າຮ່ວມກອງປະຊຸມສຸດຍອດຄັ້ງນີ້ ພະນະທ່ານຈູມມາລີ
ຍັງໄດ້ພົບປະສອງຝ່າຍ ກັບປະທານາທິບໍດີ ບາຣັກ ໂອບາມາ ຢ່າງບໍ່ເປັນທາງການ ໂດຍ
ໄດ້ປຶກສາຫາລື ກ່ຽວກັບການເສີມຂະຫຍາຍການຮ່ວມມືສອງຝ່າຍ ລາວ-ສະຫະລັດ. ໃນ
ໂອກາດນີ້ພະນະທ່ານປະທານາທິບໍດີບາຣັກ ໂອບາມາໄດ້ສະແດງຄວາມຍິນດີທີ່ຈະເຂົ້າ
ຮ່ວມກອງປະຊຸມສຸດຍອດ ອາຊຽນ-ສະຫະລັດແລະກອງປະຊຸມສຸດຍອດເອເຊຍຕາເວັນ
ອອກ ທີ່ຈະຈັດຂື້ນໃນເດືອນກັນຍາ 2016 ທີ່ ສປປ ລາວ.
ນອກນັ້ນ ພະນະທ່ານປະທານປະເທດ ຈູມມາລີ ຍັງໄດ້ພົບປະສອງຝ່າຍກັບ ພະນະທ່ານ
ໂຈໂກ ວີໂດໂດ ປະທານາທິບໍດີອິນໂດເນເຊຍເພື່ອປືກສາຫາລື ກ່ຽວກັບການຮ່ວມມືສອງ
ຝ່າຍ ລາວ-ອິນໂດເນເຊຍ ກໍຄືການພົວພັນຮ່ວມມືໃນຂອບອາຊຽນໃຫ້ນັບມື້ນັບຂະຫຍາຍ
ຕົວສູງຂື້ນເລື້ອຍໆ.
