ຕະຫຼາດຫຼັກຊັບ ຈີນ ຜັນຜວນໄປມາຢ່າງຄຶກຄະນອງໃນວັນພະ
ຫັດມື້ນີ້ ແຕ່ວ່າມຸ່ງໜ້າໄປສູ່ທິດທາງບວກ ຫຼັງຈາກປັກກິ່ງໄດ້ປະ
ກາດຫຼາຍມາດຕະການໃໝ່ເພື່ອລະງັບການຫຼຸດຄ່າລົງໃນສາມ
ອາທິດ.
ຕະຫຼາດຫຼັກຊັບຊຽງໄຮ ຕົກລົງເກືອບ 3.5 ເປີເຊັນຫຼັງຈາກການ
ຊື້ຂາຍໄດ້ເລີ່ມຂຶ້ນ, ແຕ່ໃນທີ່ສຸດກໍຟື້ນຕົວໃນທາງບວກໃນຕອນ
ບ່າຍຂອງມື້ນີ້. ຕະຫຼາດຫຼັກຊັບຮົງກົງ ກໍໄດ້ຕົກລົງ ໃນຕອນເລີ່ມ
ຕົ້ນເຊັ່ນ, ກ່ອນຈະເພີ່ມຂຶ້ນເກືອບ 3 ເປີເຊັນ.
ບັນດານັກລົງທຶນ ຈີນແຜ່ນດິນໃຫຍ່ ໄດ້ຂາຍຮຸ້ນສ່ວນໃນລະດັບທີ່ວ່ອງໄວໃນບໍ່ເທົ່າໃດມື້ທີ່ຜ່ານມານີ້, ປະກອບສ່ວນເຂົ້າໃນການຕົກລາຄາລົງເຊິ່ງໄດ້ກວາດລ້າງ 30 ເປີເຊັນຂອງມູນຄ່າຕະຫຼາດຫຼັກຊັບຕັ້ງແຕ່ກາງ ເດືອນມິຖຸນາທີ່ຜ່ານມາ.
ຄະນະກຳມະທິການ ຄວບຄຸມຫຼັກຊັບຂອງ ຈີນ ໃນວັນພະຫັດມື້ນີ້ ໄດ້ເອົາບາດກ້າວທີ່ຈຳເປັນຂັ້ນ ສຸດທ້າຍ ໂດຍຫ້າມບໍ່ໃຫ້ບັນດາຜູ້ຖືຮຸ້ນເປັນ ຈຳນວນຫຼວງຫຼາຍ ການຂາຍຮຸ້ນສ່ວນ ໃນໄລຍະ ຫົກເດືອນຂ້້າງໜ້າ.
ອົງການຂ່າວ Xinhua ກ່າວວ່າ ຕຳຫຼວດຈະເລີ່ມສຳຫຼວດໃນການ “ຂາຍຮຸ້ນໄລຍະສັ້ນທີ່ດຸເດືອດ,” ເຊິ່ງເປັນການກະກຽມທີ່ຊັບຊ້ອນທີ່ອະນຸຍາດໃຫ້ບັນດານັກລົງທຶນໄດ້ຜົນກຳໄລ ຈາກການຫຼຸດລົງໃນມູນຄ່າຂອງຕະຫຼາດຮຸ້ນ.
ປະມານ 1400 ບໍລິສັດທີ່ໄດ້ມີລາຍຊື່ໃນ ຈີນແຜ່ນດິນໃຫຍ່ ຫຼືປະມານ 40 ເປີເຊັນຂອງຕະຫຼາດຫຼັກຊັບ, ໄດ້ຢຸດການຊື້ຂາຍ ໃນຄວາມພະຍາ ຍາມທີ່ຈະປົກປ້ອງພວກເຂົາຈາກການຂາຍຮຸ້ນອອກຢ່າງກວ້າງຂວາງ.
ການຕົກລາຄາຢ່າງໃຫຍ່ຂອງຕະຫຼາດຫຼັກຊັບ ຈີນ, ປະສົມປະສານກັບ ວິກິດການດ້ານການເງິນຂອງ ກຣິສ, ແມ່ນກຳລັງສັ່ນຄອນບັນດານັກລົງທຶນໃນທົ່ວໂລກ. ປະມານຕອນທ່ຽງມື້ນີ້, ການຊື້ຂາຍຮຸ້ນໄດ້ຕົກລາ ຄາລົງໃນຕະຫຼາດຫຼັກຊັບ ໂຕກຽວ, ໂຊລ ແລະ ຊິດນີ.
