ລິ້ງ ສຳຫລັບເຂົ້າຫາ

ກຳປັ່ນຈີນ ແລ່ນຕຳ ເຮືອຫາປາ ຫວຽດນາມຫຼົ້ມ ຢູ່ທະເລ ຈີນໃຕ້


ບ່ອນເຈາະນຳ້ມັນຈີນ ຖືກປົກປັກຮັກສາ ອ້ອລ້ອມໄປດ້ວຍ ກຳປັ່ນລົບຂອງຈີນ
ຫວຽດນາມ​ກ່າວ​ວ່າ ກຳປັ່ນ​ຈີນໄດ້​ແລ່ນ​ຕຳເຮືອຫາ​ປາ
ຫວຽດນາມ​ຫລົ້ມ ຢູ່​ທະ​ເລ​ຈີນ​ໃຕ້ ທີ່ມີການຂັດແຍ້ງ​ກັນ
ໃກ້​ກັບ​ບ່ອນ​ທີ່ ປັກ​ກິ່ງ ເຈາະ​ນຳ້ມັນນັ້ນ.

ບັນດາ​ເຈົ້າ​ໜ້າ​ກຳກັບນຳການເດີນເຮືອທາງທະເລຫວຽດ
ນາມ ກ່າວ​ວ່າ ຊາວ​ປະມົງ 10 ຄົນ​ຕ້ອງ​ໄດ້​ຖືກຊ່ວຍ​ເຫລືອ​
ໄວ້ ຫລັງ​ຈາກ​ເຮືອ​ຂອງ​ເຂົ​າ​ເຈົ້າໄດ້​ຖືກເຮືອ ຫາປາຂອງຈີນ
​ຕຳ​ ໃນ​ວັນ​ຈັນ​ວານ​ນີ້ ​ ປະມານ 30 ກິ​ໂລ​ແມັດ​ຫ່າງຈາກ
ບ່ອນ​ທີ່ ປັກ​ກິ່ງ ​ຕັ້ງ​ຖານ​ເຈາະ​ນໍ້າ ມັນ.

ຕໍ່​ມາ​ ເຈົ້າ​ໜ້າ​ທີ່​ລັດຖະບານ​ຈີນຄົນ​ນຶ່ງ​ ກ່າວຕໍ່ອົງການ​ຂ່າວ
ຊິນ​ຫົວ ຂອງທາງ​ການ​ຈີນວ່າ ​ເຮືອ​ຫາ​ປາຫວຽດນາມ “​ໄດ້​ຫລົ້ມ​ຫລັງ​ຈາກ​ໄດ້ແລ່ນລົບ
ກວນ ແລະ​ຕຳກັບ​ເຮືອ​ຫາ​ປາຈີນ” ປະມານ 5 ​ໂມງ​ແລງ​ ຕາມ​ເວລາ​ທ້ອງ​ຖິ່ນໃນ​ວັນ​ຈັນ​
ວານ​ນີ້.
ຖານເຈາະນ້ຳມັນຈີນ ໃກ້ໆ ໝູ່ເກາະ Paracel
ຖານເຈາະນ້ຳມັນຈີນ ໃກ້ໆ ໝູ່ເກາະ Paracel


​ເຮືອຫາ​ປາຫວຽດນາມ ແລະຈີນ​ ​ໄດ້​ປະ​ທະ​ກັນ​ເປັນລຳດັບ
ມາ ນັບ​ຕັ້ງແຕ່​ຈີນ​ໄດ້​ຍ້າຍຖານ​ເຈາະ​ນຳ້ມັນ​ເຂົ້າໄປໃນບໍລິ
ເວນດັ່ງກ່າວ ເມື່ອ​ວັນ​ທີ 1 ​ເດືອນ​ພຶດສະພາ ຜ່ານມາ ​ທີ່ຮາ​
ໂນ່ຍຖື​ວ່າ​ ເປັນເຂດເສດຖະກິດພິເສດຂອງຕົນນັ້ນ.

ທ່ານ Ha Le ຮອງ​ຫົວໜ້າພະແນກ​ສັງ​ເກດ​ການດ້ານປະມົງ
ຫວຽດນາມໄດ້​ກ່າວ​ຕໍ່ວີ​ໂອ​ເອພະ​ແນ​ກພາສາຫວຽດນາມວ່າ ​
ເຈົ້າ​ໜ້າ​ທີ່​ປະມົງ 4 ຄົນ​ໄດ້​ຮັບ​ບາດ​ເຈັບ ໃນ​ວັນອາທິດແລ້ວ
ນີ້ ຫລັງ​ຈາກໄດ້ຖືກເຮືອຈີນສີດນຳ້ເຂົ້າໃສ່.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG