ລິ້ງ ສຳຫລັບເຂົ້າຫາ

logo-print

ນັກແກະສະຫຼັກນໍ້າກ້ອນຈີນ ສະແດງສີມື ທີ່ກຸງວໍຊິງຕັນ (ວີ​ດີ​ໂອ ລາວ/ອັງກິດ)


ການແກະສະຫຼັກນ້ຳກ້ອນໃ ນຮູບຕ່າງໆຂອງຈີນ ທີ່ກຸງວໍຊິງຕັນ
ທ່ານ​ຜູ້​ຟັງ​ທີ່​ເຄົາລົບ ​ເວລາ​ນີ້ ບັນຍາກາດ​ໃນ​ນະຄອນຫລວງ
​ວໍ​ຊິງ​ຕັນ ດີ​ຊີ ​ແມ່ນ​ເຕັມ​ໄປ​ດ້ວຍ​ສີສັນ ສຽງ​ເພງ ການ​ຕົກ​ແຕ່ງ​
ເອ້ຍ້ອງ ແລະ​ການຈັດ​ສະ​ແດງ ​ເນື່ອງ​ໃນເທດສະການ​ບຸນຄຣິສ
ມັສ ທີ່​ອີກ​ບໍ່​ເທົ່າວັນ​ກໍ​ຈະ​ມາ​ຮອດ​ແລ້ວ. ສະ​ນັ້ນ ​ເພື່ອ​ໃຫ້​ແທດ​
ເໝາະ​ກັບ​ບັນຍາກາດ ​ເຮົາ​ຈະ​ພາ​ທ່ານ​ໄປເບິ່ງ​ສະຖານ​ທີ່​ ທີ່
​ໜ້າ​ຊົມ​ໜ້າ​ເບິ່ງສອງ​ແຫ່ງ ທີ່​ຈັດ​ຂຶ້ນ​ສໍາລັບ​ເທດສະການ​ນີ້​ໂດຍ​
ສະ​ເພາະ.ນຶ່ງ​ໃນ​ນັ້ນ​ກໍ​ຄືການຈັດ​ສະ​ແດງ​ຮູບ​ແກະ​ສະ​ລັກ​ຈໍາ
ລອງ​ຕ່າງໆ ​ທີ່​ເຮັດ​ດ້ວຍ​ນໍ້າກ້ອນທັງ​ໝົດ ຢູ່​ທີ່ໂຮງ​ແຮມ Marriott
Gaylord National ​ໃກ້ໆ​ນະຄອນຫລວງ​ວໍ​ຊິງ​ຕັນ​ນີ້​ເອງ. ຮູບ
​ນໍ້າກ້ອນ​ຄວັດ​ເຫລົ່າ​ນັ້ນ ມີ​ບໍລິ​ມາດ​ທັງ​ໝົດ 900 ພັນ​ກິ​ໂລ ​ແລະ
ແກະ​ສະ​ລັກ ໂດຍ​ນັກ​ແກະ​ສະ​ລັກ​ຊາວ​ຈີນ​ທັງ​ໝົດ.ສິງມີ​ລາຍລະ
ອຽດ​ມາສະ​ເໜີ​ທ່ານ ຈາກລາຍ​ງານ​ຂອງ Carolyn Pressutti.


​ເບິ່ງ​ວີ​ດີ​ໂອ ລາຍ​ງານ​ນີ້ ​ເປັນ​ພາສາ​ລາວ:


ໃນຕູບ​ຫລື​ເຕ້ນ​ທີ່​ກວ້າງ​ໃຫຍ່​ ​ມີ​ສຽງ​ຟົດ​ສະ​ນັ່ນນັ້ນ ​ອຸນຫະພູມ​ແມ່ນ ຕິດ​ລົບ​ 12 ອົງສາ
celcius ຊຶ່ງເຢັນ​ພໍ​ທີ່​ຈ​ະ​ຮັກສາ​ນໍ້າກ້ອນ 6000 ກ້ອນ​ໃຫຍ່ໆ​ບໍ່​ໃຫ້​ມັນ​ເປື່ອຍ ​ແລະດີ
ສຳລັບແກະ​ສະ​ລັກ​ເປັນ​ຮູບ​ຈໍາລອງ​ຕ່າງໆ ​ເພື່ອ​ວາງສະ​ແດງ​ໃນ​ເທດສະການຄຣິສມັສນີ້.

ພວກນັກ​ຄວັດ​ຫລື​ແກະສະຫຼັກ​ເຫຼົ່າ​ນີ້ ​ມາ​ຈາກ​ປະ​ເທດ​ຈີນ. ທ້າວ Xu Rui ​ເປັນ​ຫົວ
ໜ້າ​ຄະນະ​ນັກ​ແກະສະຫຼັກ​ນ້ຳກ້ອນ​ດັ່ງກ່າວ ​ລາວເວົ້າເປັນ​ພາສາ​ຈີນກາງ ວ່າ:

“ພວກ​ເຮົາ​ໄດ້​ຮຽນ​ສິນລະປະ​ດັ່ງກ່າວນີ້ ​ຕັ້ງ​ແຕ່​ພວກ​
ເຮົາ​ຍັງ​ນ້ອຍໆ​ຢູ.”


ສໍາລັບ​ລາວ​ເອງ​ແລ້ວ ​ແມ່ນຮຽນຕັ້ງ​ແຕ່ອາຍຸ 9 ປີ. ທ້າວ Xu Rui​ອາ​ໄສ​ຢູ່​ໃນ​ເມືອງ Harbin ປະ​ເທດ​ຈີນ ທີ່​ຮູ້ຈັກ​ກັນ​ວ່າ ​ເປັນ​ນະຄອນຫຼວງ​ນໍ້າກ້ອນ​ຂອງ​ໂລກ ຍ້ອນ
​ບຸນ​ສະ​ແດງ​ສິນລະປະ​ນໍ້າກ້ອນປະຈຳ​ປີຂອງ​ເມືອງ​ດັ່ງກ່າວ. ການສະ​ແດງ​ຄັ້ງ​ນີ້
​ເປັນ​ຄັ້ງ​ທີ 11ຂອງລາວ​ຢູ່​ໃນ​ສະຫະລັດ ຊຶ່ງ​ລາວ​ເວົ້າ​ວ່າ ​ເປັນ​ຄັ້ງ​ທີ່​ດີ​ທີ່ສຸດຍ້ອນ​
ຄວາມ​ສູງ​ຂອງ​ມັນ ຊຶ່ງ​ສູງ​ເກືອບ 7 ​ແມັດ​ນັ້ນ.

​ສິ່ງ​ແກະສະຫຼັກ​ນໍ້າກ້ອນ​ເຫລົ່າ​ນີ້ ​ແມ່ນ​ເຮັດ​ໄປ​ຕາມ​ສະ​ຖາ​ບັດ​ຕະຍະ​ກໍາ​ໂຕ​ຈິງ
​ແທ້ໆ. ​ແຕ່​ພວກເຂົາ​ເຈົ້າ​ແກະສະຫຼັກ​ໄປ ໂ​ດຍ​ທີ່ບໍ່​ຮູ້ລ່ວງ​ໜ້າ​ວ່າ ມັນ​ຈະອອກ
​ເປັນ​ຮູບ​ແບບ​ໃດ​ເວລາເຮັດ​ສຳ​ເລັດ​ແລ້ວ ເພາະວ່າ ​ເຂົາ​ເຈົ້າ​ບໍ່​ເຄີຍເຫັນ​ມັນ​ມາ​
ກ່ອນ.

ທ້າວ Zhang Haijun ກຳລັງ​ແກະ​ສະ​ລັກ​ສະຖານ​ທີ່​ຈໍາລອງພາບຕ່າງໆຂອງ
Manhattan ທີ່​ລາວ​ບໍ່​ເຄີຍ​ເຫັນ​ຈັກ​ເທື່ອ ​ເພາະວ່າລາວ​ຫາ​ກໍມາສະຫະລັດເປັນ
ຄັ້ງ ທຳອິດ. ລາວກ່າວວ່າ :

“ຂ້ອຍບໍ່ເຄີຍໄປເມືອງນີວຢອກ ຂ້ອຍແກະສະຫຼັກ ຈາກຮູບຕ່າງໆ ທີ່ຜູ້ຄົນເອົາໃຫ້ຂ້ອຍເບິ່ງ ​ແຕ່ເວລາຂ້ອຍເຮັດໂຄງການນີ້ແລ້ວໆ
ຂ້ອຍຢາກໄປເມືອງ ນີວຢອກອີຫຼີ ເພື່ອໄປ​ເບິ່ງ​ໃຫ້​ເຫັນ​ກັບ​ຕາ​
ຂ້ອຍ​ເອງ.”


ທ້າວ Haijun ໃຊ້ເຄື່ອງມືທີ່ລາວນຳມາຈາກເມືອງ Harbin ລາວ​ເວົ້າວ່າ:

“ເຄື່ອງມືເຫຼົ່ານີ້ຫາ​ຊື້ຢູ່ໃນຮ້ານຄ້າທີ່ນີ້ບໍ່ໄດ້ດອກ. ເຄື່ອງມືເຫຼົ່າ
ນີ້ແມ່ນສັ່ງເຮັດໂດຍສະເພາະ ແລະຂ້ອຍກໍ​ໄດ້ໃຊ້ມັນມາເປັນ
ປີໆແລ້ວ.”


ພວກນັກແກະສະຫຼັກໃຊ້ເວລາມື້ນຶ່ງ 12 ຊົ່ວໂມງ ​ເຮັດ​ວຽກຢູ່ໃນຕູບ​ຜ້າ​ເຕ້ນທີ່
ໜາວ ເຢັນເປັນນ້ຳກ້ອນ​ແຫ່ງ​ນີ້ ຊຶ່ງກໍຄືກັນກັບຢູ່ເມືອງເຂົາເຈົ້າເພາະວ່າອຸນຫະ
ພູມຂອງອາກາດໃນເມືອງ Harbin ແມ່ນຢູ່ໃນຈຸດຕໍ່າກວ່າລະດັບເປັນນ້ຳກ້ອນ ​ເປັນເວລາເກືອບເຄິ່ງປີ.

ຢູ່​ໃນນີ້​ແມ່ນໜາວຫຼາຍ ຈົນ​ວ່າແມ່ນແຕ່ເງິນຫຼຽນກໍ​ສາມາດ​ຕິດ​ຢູ່​ກັບ​ນໍ້າກ້ອນ​ໄດ້​
ໃນ​ວິນາທີ​ນຶ່ງ.

ພວກນັກ​ແກະ​ສະ​ລັກ ​ໃຊ້ນໍ້າ​ກັບ​ນໍ້າກ້ອນ​ທີ່​ເລື່ອຍ​ອອກ​ມາ ​ເປັນ​ກາວ​ເຊື່ອມ​ຕິດ
​ລະຫວ່າງ​ກ້ອນ​ນໍ້າກ້ອນ. ທ້າວ Xu Rui ​ເວົ້າ​ວ່າ ​ພວກ​ນັກ​ຄວັດ​ ​ດີ​ໃຈ​ຫລາຍ
​ ເວລາ​ເຂົາ​ເຈົ້າ​ເຫັນ​ສີ​ໜ້າ​ຂອງ​ຜູ້​ຊົມທີ່​ປະ​ທັບ​ໃຈ ນໍ​າ​ຜົນງານ​ຂອງ​ເຂົາ​ເຈົ້າ​.

ໃນ​ໄລຍະ​ເວລາ​ພຽງ​ເດືອນ​ດຽວ ນໍ້າກ້ອນ​ພວກ​ນີ້​ກໍ​ໄດ້​ກາຍ​ມາ​ເປັນ​ໂຕກ​ວາງ
eindeer ​ແລະ​ພາບ​ສະ​ແດງ​ບ່ອນ​ປະສູດຂອງ​ພະ​ເຍຊູ ທີ່​ເປັນ​ພາບ​ເດັ່ນ​ທາງ
​ສາສະໜາ ຂອງ​ບຸນຄຣິສມັສນັ້ນ.

ຜູ້​ຊົມ​ຄົນ​ນຶ່ງ​ເວົ້າ​ວ່າ:

“​ເວລາ​ເຮົາ​ຍ່າງ​ເຂົ້າ​ມາ​ໃນ​ນີ້ ​ແລະ​ຫລຽວ​ເບິ່ງ​ອ້ອມ​ຂ້າງ​ແລ້ວ ມັນ​
ເປັນຕາຕື່ນ​ເຕ້ນ​ອີ່ຫລີ.”


ນາງ​ນ້ອຍ​ຄົນ​ນຶ່ງ​ເວົ້າ​ວ່າ: “ທັງ​ໝົດ​ນີ້ ງາມ​ຫລາຍ​ແທ້ໆ.”

​ແລະ​ລົດ​ນໍ້າກ້ອນສີ​ເຫລືອງ​ຄັນ​ນີ້ ​ແມ່ນ​ລົດ​ແທັກ​ຊີ້​ຂອງ​ນະຄອນ​ນິວຢອກ ​ແລະ​
ມີ​ຮອດ​ເບາະ​ນັ່ງ​ທີ່​ເປັນ​ໜັງ​ແທ້ໆ ​ເພື່ອ​ໃຫ້​ເຂົ້າ​ໄປ​ນັ່ງ​ຖ່າຍຮູບ.

​ແລະ​ນໍ້າກ້ອນໆ​ໃຫຍ່ໆ​ຊັນໆ​ກ້ອນ​ນີ້ ກໍ​ແມ່ນ​ບ່ອນ​ໃຫ້​ເດັກນ້ອຍ​ຫລິ້ນ​ໝາກ​ຕະລູດ
ຢ່າງ​ມ່ວນ​ຊື່ນ.

ງານ​ວາງສະ​ແດງ​ສິນລະປະແກະ​ສະ​ລັກ​ນໍ້າກ້ອນດັ່ງກ່າວ​ນີ້ ທີ່ມີ​ຊື່​ສັ້ນໆ​ວ່າ “ICE”
ກໍ​ຄື ນໍ້າກ້ອນ ນັ້ນ​ເອງ ​ແມ່ນ​ເປັນ​ຂອງຂວັນ​ຄຣິສມັສ ທີ່​ຫໍ່​ມາ​ກັບ​ນໍ້າກ້ອນ​ໜັກ 9 ​ແສ​ນ
ກິ​ໂລ ມອບ​ໃຫ້​ແກ່ ວໍ​ຊິງ​ຕັນ ດີ​ຊີ ຈາກ​ນັກຊ່ຽວຊານແກະ​ສະ​ລັກນໍ້າກ້ອນ 34ຄົນຈາກ
​ປະ​ເທດ​ຈີນ.

​ເບິ່ງ​ວີ​ດີ​ໂອ ລາຍ​ງານ​ນີ້ ​ເປັນ​ພາສາ​ອັງກິດ:

ລິງໂດຍກົງ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG