ທາງການຈີນໄດ້ທໍາຄວາມພະຍາຍາມເພື່ອເຮັດໃຫ້ເກາະ Hainan ໃນພາກໃຕ້ ເປັນສູນ
ກາງທ່ອງທ່ຽວ ສໍາລັບພວກທີ່ມັກໄປທ່ຽວຊາຍທະເລແລະພວກທີ່ມັກນອນອາບແດດ
ແຕ່ວ່າຫລັງຈາກທີ່ພວກປະຊາຊົນຈີນໄດ້ພາກັນລຸຫລັ່ງໄປຍັງເກາະດັ່ງກ່າວ ເພື່ອສະຫຼອງ
ບຸນລະດູບານໃໝ່ ໃນເດືອນມັງກອນຜ່ານມານັ້ນ ເກາະແຫ່ງນີ້ໄດ້ກາຍມາເປັນສະຖານທີ່
ມີຊື່ສຽງເນົ່າເໝັນຍ້ອນລາຄາສິ່ງຂອງແພງເກີນໄປແລະເປັນບ່ອນຫລອກຕົ້ມເງິນກັນ.
ສື່ມວນຊົນລັດລາຍງານວ່າ ຮ້ອນອາຫານທະເລແຫ່ງນຶ່ງໃນເມືອງທ່ອງທ່ຽວ Sanya ໄດ້
ຖືກເຈົ້າໜ້າທີ່ສັ່ງອັດ ຫລັງຈາກມີຂ່າວລົງໃນສື່ສັງຄົມຈີນ Weibo ທີ່ເວົ້າວ່າ ພວກພະນັກ
ງານໃນຮ້ານອາຫານແຫ່ງນັ້ນໄດ້ຄິດຄ່າກິນອາຫານຄາບນຶ່ງ ຈາກຄອບຄົວນຶ່ງ ເປັນເງິນ
ປະມານ 600 ໂດລາສະຫະລັດ.
ຜູ້ຂຽນຂ່າວສື່ສັງຄົມ Weibo ຍັງກ່າວເຊ່ນກັນວ່າ ພະນັກງານທີ່ຮ້ານອາຫານດັ່ງກ່າວຍັງ
ໄດ້ບັງຄັບໃຫ້ແຂກອີກຄົນນຶ່ງຈ່າຍເງິນຈໍານວນເກືອບ 1000 ໂດລາສະຫະລັດ ສໍາລັບອາ
ຫານຈານນຶ່ງຊຶ່ງຜູ້ກ່ຽວບໍ່ໄດ້ສັ່ງກິນ.
ຂ່າວທີ່ວ່ານີ້ໄດ້ກະຕຸ້ນໃຫ້ເກີດການຈົ່ມວ່າໃນທໍານອງດຽວກັນຈາກບັນດາຜູ້ຊົມໃຊ້ສື່ Wei
bo ທີ່ຈົ່ມວ່າ ພວກເຂົາເຈົ້າໄດ້ຖືກຕົ້ມຫລືຄິດລາຄາແພງເກີນໄປ ພ້ອມທັງຖືກເຮັດໃຫ້ເຂົ້າ
ໃຈຜິດ ຫລືຖືກສໍ້ໂກງໂດຍພວກພໍ່ຄ້າແລະຄົນຂັບຕັກຊີໃນເມືອງ Sanya ນັ້ນ.
ບັນດານັກຊ່ຽວຊານກ່າວວ່າ ແນວໂນ້ມທີ່ວ່ານີ້ພາກສ່ວນນຶ່ງແມ່ນເກີດມາຈາກການເຕີບໂຕ
ໄວໂພດຂອງວົງການທ່ອງທ່ຽວເທິງເກາະດັ່ງກ່າວ ຫລັງຈາກພວກເຈົ້າໜ້າທີ່ຈີນຮັບຮອງ
ເອົາແຜນການນຶ່ງ ໃນຫວ່າງ 2 ປີ ຜ່ານມາເພື່ອສົ່ງເສີມການພັດທະນາດ້ານການຄ້າ
ແລະເຮັດໃຫ້ເກາະ Hainan ເປັນຈຸດໝາຍປາຍທາງຂອງການທ່ອງທ່ຽວລະຫວ່າງຊາດ.
ພວກຊາວເກາະດັ່ງກ່າວ ເຄີຍເຮັດໄຮ່ເຮັດນາແລະຫາປາເພື່ອລ້ຽງຊີບມາກ່ອນນັ້ນ ບັດນີ້
ແມ່ນໄດ້ມີໂອກາດຫາເງິນໄດ້ຢ່າງໄວ ແລະໃນບາງກໍລະນີ ກໍໄດ້ເປັນຜູ້ຕັ້ງລາຄາດ້ວຍຕົນ
ເອງ.
