ເປັນເວລາຫຼາຍເດືອນຜ່ານມາແລ້ວ ຫຼັງຈາກທີ່ທາງການຈີນ
ໄດ້ປະກາດໃຫ້ ລະບົບສໍາມະນາອັນເນົ່າເໝັນ ຜ່ານການໃຊ້
ແຮງງານໜັກນັ້ນ ເປັນລະບົບທີ່ຜິດກົດໝາຍ. ມາບັດນີ້ ສື່
ມວນຊົນຈີນລາຍງານວ່າ ໃນບາງເຂດຂອງປະເທດ ພວກ
ເຈົ້າໜ້າທີ່ຈີນໄດ້ຈັດຕັ້ງລະບົບໃໝ່ຂຶ້ນມາແທນທີ່ ຊຶ່ງເປັນລະ
ບົບ ກັກຂັງນອກກົດໝາຍໃນຮູບແບບໃໝ່ ບ່ອນທີ່ພວກນັກ
ໂທດຈະຖືກກັກຂັງຢ່າງບໍ່ມີກໍາໜົດ ປາດສະຈາກການດໍາເນີນ
ຄະດີທາງກົດໝາຍໃດໆ. ຜູ້ສື່ຂ່າວ Rebecca Valli ລາຍ
ງານເລຶ່ອງນີ້ຈາກຮ່ອງກົງ ຊຶ່ງທອງປານຈະນໍາມາສະເໜີທ່ານ.
ໜັງສືພິມລາຍວັນ Xinjingbao ທີ່ກຸງປັກກິ່ງ ລາຍງານເມື່ອວັນພະຫັດ ອາທິດແລ້ວນີ້ວ່າ ພວກເຈົ້າໜ້າທີ່ທ້ອງຖິ່ນໃນແຂວງເຫີໜານ ທາງພາກກາງຂອງຈີນ ໄດ້ເປີດດໍາເນີນການ ສູນກາງສຶກສາລົງໂທດຫຼາຍແຫ່ງ.
ຂ່າວກ່ຽວກັບເລຶ່ອງດັ່ງກ່າວນີ້ ໄດ້ສ້າງຄວາມໂກດແຄ້ນຢ່າງໃຫຍ່ທາງອິນເທີເນັດ. ພວກຊົມໃຊ້ອິນເທີເນັດທັງຫຼາຍເອີ້ນສູນເຫຼົ່ານີ້ວ່າ ຄ້າຍສັບພະທຸກໃໝ່ ຊຶ່ງໝາຍເຖິງລະບົບການກັກຂັງຕາມອໍາເພີໃຈ ທີ່ພວກຕໍາຫຼວດນໍາໃຊ້ ເພື່ອຈໍາຄຸກພວກທີ່ກະທໍາຜິດເລັກໆນ້ອຍໆ ພວກຕິດຢາເສບຕິດ ພ້ອມທັງພວກທີ່ຮ້ອງຮຽນຕໍ່ທາງການນັ້ນ ເປັນເວລາດົນເຖິງສີ່ປີ ໂດຍບໍ່ມີການດໍາເນີນຄະດີທາງສານໃດໆ.
ລັດຖະບານຈີນໄດ້ລົບລ້າງພວກຄ້າຍສໍາມະນາ ເມື່ອເດືອນພະຈິກປີຜ່ານມາ ແຕ່ນັບແຕ່ນັ້ນມາ ບັນດາກຸ່ມສິດທິ ໄດ້ເຕືອນວ່າ ເຈົ້າໜ້າທີ່ທ້ອງຖິ່ນກໍາລັງນໍາໃຊ້ຫຼາຍໆວິທີການທີ່ແຕກຕ່າງໄປ ເພື່ອຈໍາຄຸກຜູ້ຄົນ ໂດຍປາດສະຈາກການດໍາເນີນການທາງກົດໝາຍ.
ໜັງສືພິມ Xinjingbao ລາຍງານອີກວ່າ ຫຼາຍໆເມືອງໃນແຂວງເຫີໜານ ໄດ້ແຍກເງິນກ້ອນນຶ່ງແລະພະນັກງານໄວ້ຕ່າງຫາກ ເພື່ອຈັດຕັ້ງສູນເຫຼົ່ານັ້ນ ຂຶ້ນມາ ຊຶ່ງຖືວ່າເປັນວິທີການໃໝ່ເພື່ອຈັດການກັບພວກຮ້ອງຮຽນໃນເລຶ່ອງທີ່ຜິດຈາກປົກກະຕິແລະກັກຂັງເຂົາເຈົ້າໄວ້ ແບບໃຫ້ມີລັກສະນະຖືກຕ້ອງຕາມກົດໝາຍ.
ທະນາຍຄວາມ Li Fangping ທີ່ເປັນຜູ້ສະໜັບສະໜຸນແລະສົ່ງເສີມການຕໍ່ຕ້ານລະບົບ ຄ້າຍສັບພະທຸກ ມາເປັນເວລາດົນນານ ໃຫ້ຄວາມເຫັນວ່າ
ທະນາຍລີ ເວົ້າວ່າ ມັນເປັນທີ່ແຈ້ງຂາວວ່າ ພວກສູນດັ່ງກ່າວໄດ້ຖືກຈັດຕັ້ງຂຶ້ນມາແບບ ເປັນສະຖາບັນ ແລະມັນອາດຊົ່ວຮ້າຍໄປກວ່າຄ້າຍສັບພະທຸກ ບ່ອນທີ່ ຢ່າງນ້ອຍ ພວກຕໍາຫຼວດກໍປະຕິບັດຕາມລະບຽບການ.
ທະນາຍລີເວົ້າວ່າ ແຕ່ຢູ່ສູນດັດສ້າງເຫຼົ່ານີ້ ພວກເຈົ້າໜ້າທີ່ຈີນຈະຈໍາຄຸກໃຜ ກໍໄດ້ ຕາມອໍາເພີໃຈ.
ທະນາຍລີ ເວົ້າອີກວ່າ ຖ້າຫາກພວກຖືກກັກຂັງບໍ່ໃຫ້ຄວາມຮ່ວມມື ຫຼືປະຕິເສດບໍ່ຍອມ ຮັບວ່າ ຕົນກະທໍາຜິດແລ້ວ ຕໍາຫຼວດກໍສາມາດທີ່ຈະກັກຂັງພວກເຂົາເຈົ້າໄວ້ ຢ່າງບໍ່ມີກໍານົດໄດ້.
ລາຍງານດັ່ງກ່າວ ທີ່ອອກມາເມື່ອວັນພະຫັດອາທິດແລ້ວນີ້ ແມ່ນຖືກກະຕຸ້ນຈາກຂ່າວທີ່ ລົງໃນເວັບໄຊ້ໂດຍຄົນທ້ອງຖິ່ນຄົນນຶ່ງ ຊື່ ນາງ Yang Jinfen ຊຶ່ງແມ່ຂອງລາວທີ່ເຖົ້າ ແກ່ແລ້ວນັ້ນ ໄດ້ຖືກກັກຂັງຢູ່ໃນສູນແຫ່ງນຶ່ງ ຫຼັງຈາກແມ່ຂອງລາວໄດ້ໄປຍັງປັກກິ່ງ ເພື່ອຮ້ອງຮຽນຢູ່ຕໍ່ໜ້າກະຊວງຍຸຕິທໍາ.
ແມ່ໄວ 70 ປີ ຂອງນາງ Yang ໄດ້ພະຍາຍາມຂໍຄວາມຊ່ວຍເຫຼືອຈາກລັດຖະບານກາງ ໃຫ້ເອົາບາດກ້າວຕ້ານພວກເຈົ້າໜ້າທີ່ທ້ອງຖິ່ນ ພວກທີ່ລາວເວົ້າວ່າ ໄດ້ເຮັດໃຫ້ລູກ ຊາຍຂອງລາວ ອ້າຍຂອງນາງຢັງ ກາຍເປັນຄົນພິການໄປ.
ນາງ ຢັງ ບອກວີໂອເອວ່າ ແມ່ຂອງລາວ ທີ່ຊື່ Zhang Fengmei ຍັງຖືກກັກຂັງຢູ່ ເມື່ອວັນພະຫັດຜ່ານມານີ້ ແລະນີ້ເປັນເທື່ອທີສອງໃນປີນີ້ ທີ່ພວກເຈົ້າໜ້າທີ່ໄດ້ຄຸມຂັງແມ່ຂອງລາວ ໂດຍບໍ່ໃຫ້ຄໍາອະທິບາຍຢ່າງເປັນທາງການແຕ່ຢ່າງໃດເລີຍ. ເທື່ອທໍາອິດທີ່ແມ່ຂອງລາວຖືກກັກຂັງນັ້ນ ແມ່ນເມື່ອຕົ້ນເດືອນມັງກອນປີນີ້ ເປັນເວລາ 10 ມື້. ແຕ່ເທື່ອນີ້ ແມ່ຕູ້ Zhang Fengmei ໄດ້ຖືກກັກຂັງມາໄດ້ ສອງອາທິດກວ່າແລ້ວ.
ນາງຢັງ ເວົ້າວ່າ ຫ້ອງບ່ອນທີ່ເຂົາກັກຂັງແມ່ຂອງລາວໄວ້ນັ້ນ ເປັນຫ້ອງນ້ອຍໆ ແຄບໆ ບໍ່ມີຕຽງ ແລະແມ່ລາວກໍເປັນໂຣກເບົາຫວານ ແຕ່ທາງສູນກາງກໍບໍ່ໄດ້ເອົາຢຸກຢາຫຍັງໃຫ້ກິນ.
ອ້າຍຂອງນາງຢັງ ມີການພົວພັນກັບກໍລະນີຂັດແຍ້ງທາງທຸລະກິດ. ຫຼັງຈາກສານຕັດສິນ
ໂຍນຄວາມຜິດໃຫ້ອ້າຍລາວ ນາງຢັງ ກໍໄດ້ທໍາການປະທ້ວງ ແລະໄດ້ຮ້ອງຮຽນໄປຍັງປັກກິ່ງ.
Yang Jinde ອ້າຍຂອງນາງຢັງ ຖືກຕັດສິນວ່າມີຄວາມຜິດ ໃນຖານະເປັນສະມາຊິກຂອງແກ໊ງອາຊະຍາກອນກຸ່ມນຶ່ງ ແລະຖືກຕັດສິນຈໍາຄຸກ 18 ປີ.
ນາງ ຢັງ ຈິນເຟິ້ນ ເວົ້າວ່າ ອ້າຍຂອງລາວ ຖືກທໍລະມານຢູ່ໃນຄຸກ ແລະ ບັດນີ້ກາຍເປັນຄົນພິການໄປແລ້ວ ແລະນອນຢູ່ໃນລັກສະນະເປັນຜັກປາ ບໍ່ຮູ້ສຶກໂຕຫຍັງ.
ນາງຢັງ ເວົ້າວ່າ ເວລາຄອບຄົວຂອງນາງໄປຢາມອ້າຍ Yang Jinde ຢູ່ຄຸກເມື່ອປີຜ່ານ ມາ ກໍປະກົດເຫັນລາວນອນເປັນເປ້ຍລ່ອຍໄປໝົດທັງຮ່າງກາຍ ບໍ່ມືນຕາ ເວົ້າບໍ່ໄດ້ແລະ
ກໍບໍ່ປາກບໍ່ຕີງ ບໍ່ຮູ້ເລື່ອງຫຍັງເລີຍ.
ສ່ວນແມ່ຕູ້ Zhang Fengmei ແມ່ຂອງນາງ ທີ່ປັດຈຸບັນນີ້ຖືກກັກຂັງຢູ່ໃນສູນລົງໂທດ ໄດ້ເດີນທາງໄປປັກກິ່ງ ເພື່ອຮ້ອງຮຽນໃຫ້ເຈົ້າໜ້າທີ່ລັດຖະບານກາງ ທໍາການສືບສວນສອບກ່ຽວກັບການທໍລະມານລູກຊາຍຂອງລາວ. ນອກນີ້ ຄອບຄົວນາງຢັງ ຍັງພະຍາ
ຍາມ ຮ້ອງຂໍຄວາມຊ່ວຍເຫຼືອດ້ານການຮັກສາປິ່ນປົວໃຫ້ແກ່ ນາຍ Yang Jinde ທີ່ເຂົາເຈົ້າເວົ້າວ່າ ບໍ່ໄດ້ຮັບການປິ່ນປົວໃດໆ ຢູ່ໃນຄຸກນັ້ນ.
ເວລານີ້ ພວກເຈົ້າໜ້າທີ່ກໍຍັງບໍ່ໄດ້ແຈ້ງ ໃຫ້ນາງຢັງຊາບເທື່ອວ່າ ແມ່ຂອງລາວມີຄວາມຜິດ ໃນຂໍ້ຫາອັນໃດ ແລະກໍບໍ່ໄດ້ບອກວ່າ ເມື່ອໃດແມ່ຂອງລາວ ຈະຖືກປ່ອຍຕົວ.
ໄດ້ປະກາດໃຫ້ ລະບົບສໍາມະນາອັນເນົ່າເໝັນ ຜ່ານການໃຊ້
ແຮງງານໜັກນັ້ນ ເປັນລະບົບທີ່ຜິດກົດໝາຍ. ມາບັດນີ້ ສື່
ມວນຊົນຈີນລາຍງານວ່າ ໃນບາງເຂດຂອງປະເທດ ພວກ
ເຈົ້າໜ້າທີ່ຈີນໄດ້ຈັດຕັ້ງລະບົບໃໝ່ຂຶ້ນມາແທນທີ່ ຊຶ່ງເປັນລະ
ບົບ ກັກຂັງນອກກົດໝາຍໃນຮູບແບບໃໝ່ ບ່ອນທີ່ພວກນັກ
ໂທດຈະຖືກກັກຂັງຢ່າງບໍ່ມີກໍາໜົດ ປາດສະຈາກການດໍາເນີນ
ຄະດີທາງກົດໝາຍໃດໆ. ຜູ້ສື່ຂ່າວ Rebecca Valli ລາຍ
ງານເລຶ່ອງນີ້ຈາກຮ່ອງກົງ ຊຶ່ງທອງປານຈະນໍາມາສະເໜີທ່ານ.
ໜັງສືພິມລາຍວັນ Xinjingbao ທີ່ກຸງປັກກິ່ງ ລາຍງານເມື່ອວັນພະຫັດ ອາທິດແລ້ວນີ້ວ່າ ພວກເຈົ້າໜ້າທີ່ທ້ອງຖິ່ນໃນແຂວງເຫີໜານ ທາງພາກກາງຂອງຈີນ ໄດ້ເປີດດໍາເນີນການ ສູນກາງສຶກສາລົງໂທດຫຼາຍແຫ່ງ.
ຂ່າວກ່ຽວກັບເລຶ່ອງດັ່ງກ່າວນີ້ ໄດ້ສ້າງຄວາມໂກດແຄ້ນຢ່າງໃຫຍ່ທາງອິນເທີເນັດ. ພວກຊົມໃຊ້ອິນເທີເນັດທັງຫຼາຍເອີ້ນສູນເຫຼົ່ານີ້ວ່າ ຄ້າຍສັບພະທຸກໃໝ່ ຊຶ່ງໝາຍເຖິງລະບົບການກັກຂັງຕາມອໍາເພີໃຈ ທີ່ພວກຕໍາຫຼວດນໍາໃຊ້ ເພື່ອຈໍາຄຸກພວກທີ່ກະທໍາຜິດເລັກໆນ້ອຍໆ ພວກຕິດຢາເສບຕິດ ພ້ອມທັງພວກທີ່ຮ້ອງຮຽນຕໍ່ທາງການນັ້ນ ເປັນເວລາດົນເຖິງສີ່ປີ ໂດຍບໍ່ມີການດໍາເນີນຄະດີທາງສານໃດໆ.
ລັດຖະບານຈີນໄດ້ລົບລ້າງພວກຄ້າຍສໍາມະນາ ເມື່ອເດືອນພະຈິກປີຜ່ານມາ ແຕ່ນັບແຕ່ນັ້ນມາ ບັນດາກຸ່ມສິດທິ ໄດ້ເຕືອນວ່າ ເຈົ້າໜ້າທີ່ທ້ອງຖິ່ນກໍາລັງນໍາໃຊ້ຫຼາຍໆວິທີການທີ່ແຕກຕ່າງໄປ ເພື່ອຈໍາຄຸກຜູ້ຄົນ ໂດຍປາດສະຈາກການດໍາເນີນການທາງກົດໝາຍ.
ໜັງສືພິມ Xinjingbao ລາຍງານອີກວ່າ ຫຼາຍໆເມືອງໃນແຂວງເຫີໜານ ໄດ້ແຍກເງິນກ້ອນນຶ່ງແລະພະນັກງານໄວ້ຕ່າງຫາກ ເພື່ອຈັດຕັ້ງສູນເຫຼົ່ານັ້ນ ຂຶ້ນມາ ຊຶ່ງຖືວ່າເປັນວິທີການໃໝ່ເພື່ອຈັດການກັບພວກຮ້ອງຮຽນໃນເລຶ່ອງທີ່ຜິດຈາກປົກກະຕິແລະກັກຂັງເຂົາເຈົ້າໄວ້ ແບບໃຫ້ມີລັກສະນະຖືກຕ້ອງຕາມກົດໝາຍ.
ທະນາຍຄວາມ Li Fangping ທີ່ເປັນຜູ້ສະໜັບສະໜຸນແລະສົ່ງເສີມການຕໍ່ຕ້ານລະບົບ ຄ້າຍສັບພະທຸກ ມາເປັນເວລາດົນນານ ໃຫ້ຄວາມເຫັນວ່າ
ທະນາຍລີ ເວົ້າວ່າ ມັນເປັນທີ່ແຈ້ງຂາວວ່າ ພວກສູນດັ່ງກ່າວໄດ້ຖືກຈັດຕັ້ງຂຶ້ນມາແບບ ເປັນສະຖາບັນ ແລະມັນອາດຊົ່ວຮ້າຍໄປກວ່າຄ້າຍສັບພະທຸກ ບ່ອນທີ່ ຢ່າງນ້ອຍ ພວກຕໍາຫຼວດກໍປະຕິບັດຕາມລະບຽບການ.
ທະນາຍລີເວົ້າວ່າ ແຕ່ຢູ່ສູນດັດສ້າງເຫຼົ່ານີ້ ພວກເຈົ້າໜ້າທີ່ຈີນຈະຈໍາຄຸກໃຜ ກໍໄດ້ ຕາມອໍາເພີໃຈ.
ທະນາຍລີ ເວົ້າອີກວ່າ ຖ້າຫາກພວກຖືກກັກຂັງບໍ່ໃຫ້ຄວາມຮ່ວມມື ຫຼືປະຕິເສດບໍ່ຍອມ ຮັບວ່າ ຕົນກະທໍາຜິດແລ້ວ ຕໍາຫຼວດກໍສາມາດທີ່ຈະກັກຂັງພວກເຂົາເຈົ້າໄວ້ ຢ່າງບໍ່ມີກໍານົດໄດ້.
ລາຍງານດັ່ງກ່າວ ທີ່ອອກມາເມື່ອວັນພະຫັດອາທິດແລ້ວນີ້ ແມ່ນຖືກກະຕຸ້ນຈາກຂ່າວທີ່ ລົງໃນເວັບໄຊ້ໂດຍຄົນທ້ອງຖິ່ນຄົນນຶ່ງ ຊື່ ນາງ Yang Jinfen ຊຶ່ງແມ່ຂອງລາວທີ່ເຖົ້າ ແກ່ແລ້ວນັ້ນ ໄດ້ຖືກກັກຂັງຢູ່ໃນສູນແຫ່ງນຶ່ງ ຫຼັງຈາກແມ່ຂອງລາວໄດ້ໄປຍັງປັກກິ່ງ ເພື່ອຮ້ອງຮຽນຢູ່ຕໍ່ໜ້າກະຊວງຍຸຕິທໍາ.
ແມ່ໄວ 70 ປີ ຂອງນາງ Yang ໄດ້ພະຍາຍາມຂໍຄວາມຊ່ວຍເຫຼືອຈາກລັດຖະບານກາງ ໃຫ້ເອົາບາດກ້າວຕ້ານພວກເຈົ້າໜ້າທີ່ທ້ອງຖິ່ນ ພວກທີ່ລາວເວົ້າວ່າ ໄດ້ເຮັດໃຫ້ລູກ ຊາຍຂອງລາວ ອ້າຍຂອງນາງຢັງ ກາຍເປັນຄົນພິການໄປ.
ນາງ ຢັງ ບອກວີໂອເອວ່າ ແມ່ຂອງລາວ ທີ່ຊື່ Zhang Fengmei ຍັງຖືກກັກຂັງຢູ່ ເມື່ອວັນພະຫັດຜ່ານມານີ້ ແລະນີ້ເປັນເທື່ອທີສອງໃນປີນີ້ ທີ່ພວກເຈົ້າໜ້າທີ່ໄດ້ຄຸມຂັງແມ່ຂອງລາວ ໂດຍບໍ່ໃຫ້ຄໍາອະທິບາຍຢ່າງເປັນທາງການແຕ່ຢ່າງໃດເລີຍ. ເທື່ອທໍາອິດທີ່ແມ່ຂອງລາວຖືກກັກຂັງນັ້ນ ແມ່ນເມື່ອຕົ້ນເດືອນມັງກອນປີນີ້ ເປັນເວລາ 10 ມື້. ແຕ່ເທື່ອນີ້ ແມ່ຕູ້ Zhang Fengmei ໄດ້ຖືກກັກຂັງມາໄດ້ ສອງອາທິດກວ່າແລ້ວ.
ນາງຢັງ ເວົ້າວ່າ ຫ້ອງບ່ອນທີ່ເຂົາກັກຂັງແມ່ຂອງລາວໄວ້ນັ້ນ ເປັນຫ້ອງນ້ອຍໆ ແຄບໆ ບໍ່ມີຕຽງ ແລະແມ່ລາວກໍເປັນໂຣກເບົາຫວານ ແຕ່ທາງສູນກາງກໍບໍ່ໄດ້ເອົາຢຸກຢາຫຍັງໃຫ້ກິນ.
ອ້າຍຂອງນາງຢັງ ມີການພົວພັນກັບກໍລະນີຂັດແຍ້ງທາງທຸລະກິດ. ຫຼັງຈາກສານຕັດສິນ
ໂຍນຄວາມຜິດໃຫ້ອ້າຍລາວ ນາງຢັງ ກໍໄດ້ທໍາການປະທ້ວງ ແລະໄດ້ຮ້ອງຮຽນໄປຍັງປັກກິ່ງ.
Yang Jinde ອ້າຍຂອງນາງຢັງ ຖືກຕັດສິນວ່າມີຄວາມຜິດ ໃນຖານະເປັນສະມາຊິກຂອງແກ໊ງອາຊະຍາກອນກຸ່ມນຶ່ງ ແລະຖືກຕັດສິນຈໍາຄຸກ 18 ປີ.
ນາງ ຢັງ ຈິນເຟິ້ນ ເວົ້າວ່າ ອ້າຍຂອງລາວ ຖືກທໍລະມານຢູ່ໃນຄຸກ ແລະ ບັດນີ້ກາຍເປັນຄົນພິການໄປແລ້ວ ແລະນອນຢູ່ໃນລັກສະນະເປັນຜັກປາ ບໍ່ຮູ້ສຶກໂຕຫຍັງ.
ນາງຢັງ ເວົ້າວ່າ ເວລາຄອບຄົວຂອງນາງໄປຢາມອ້າຍ Yang Jinde ຢູ່ຄຸກເມື່ອປີຜ່ານ ມາ ກໍປະກົດເຫັນລາວນອນເປັນເປ້ຍລ່ອຍໄປໝົດທັງຮ່າງກາຍ ບໍ່ມືນຕາ ເວົ້າບໍ່ໄດ້ແລະ
ກໍບໍ່ປາກບໍ່ຕີງ ບໍ່ຮູ້ເລື່ອງຫຍັງເລີຍ.
ສ່ວນແມ່ຕູ້ Zhang Fengmei ແມ່ຂອງນາງ ທີ່ປັດຈຸບັນນີ້ຖືກກັກຂັງຢູ່ໃນສູນລົງໂທດ ໄດ້ເດີນທາງໄປປັກກິ່ງ ເພື່ອຮ້ອງຮຽນໃຫ້ເຈົ້າໜ້າທີ່ລັດຖະບານກາງ ທໍາການສືບສວນສອບກ່ຽວກັບການທໍລະມານລູກຊາຍຂອງລາວ. ນອກນີ້ ຄອບຄົວນາງຢັງ ຍັງພະຍາ
ຍາມ ຮ້ອງຂໍຄວາມຊ່ວຍເຫຼືອດ້ານການຮັກສາປິ່ນປົວໃຫ້ແກ່ ນາຍ Yang Jinde ທີ່ເຂົາເຈົ້າເວົ້າວ່າ ບໍ່ໄດ້ຮັບການປິ່ນປົວໃດໆ ຢູ່ໃນຄຸກນັ້ນ.
ເວລານີ້ ພວກເຈົ້າໜ້າທີ່ກໍຍັງບໍ່ໄດ້ແຈ້ງ ໃຫ້ນາງຢັງຊາບເທື່ອວ່າ ແມ່ຂອງລາວມີຄວາມຜິດ ໃນຂໍ້ຫາອັນໃດ ແລະກໍບໍ່ໄດ້ບອກວ່າ ເມື່ອໃດແມ່ຂອງລາວ ຈະຖືກປ່ອຍຕົວ.
