ໃນພາກຕາເວັນອອກຂອງປະເທດຈີນ ປະຊາຊົນຢ່າງນ້ອຍ 1000 ຄົນ ໄດ້ພາກັນເດີນ
ຂະບວນໄປຕາມຖະໜົນຫົນທາງ ໃນເມືອງ Qidong ແຄມຝັ່ງທະເລ ເພື່ອປະທ້ວງແຜນ
ການສ້າງທໍ່ປ່ອຍນໍ້າເສຍອຸດສາຫະກໍາລົງສູ່ທະເລ ຈາກໂຮງງານຜະລິດເຈ້ຍແຫ່ງນຶ່ງ ຢູ່
ໃກ້ໆກັບເມືອງຂອງເຂົາເຈົ້າ.
ພວກປະທ້ວງພາກັນປີ້ນຂ້ວາມລົດລາຫລາຍໆຄັນ ແລະບຸກເຂົ້າໄປໃນໂຮງການລັດຖະ
ບານທ້ອງຖິ່ນ ໃນເຊົ້າວັນເສົາມື້ນີ້ ກ່ອນຕໍາຫລວດທີ່ຖືອາວຸດຈະມາຮອດ ເພື່ອຢຸດຕິການ
ກໍ່ຄວາມຮຸນແຮງດັ່ງກ່າວ.
ການປະທ້ວງຕໍ່ການສ້າງຄວາມເຊື່ອມເສຍຕໍ່ສິ່ງແວດລ້ອມ ໄດ້ມີຫລາຍຂຶ້ນເລື້ອຍໆໃນ
ປະເທດຈີນ ບ່ອນທີ່ຄວາມຈະເລີນເຕີບໂຕດ້ານອຸດສາຫະກໍາ ຢ່າງໄວແລະບໍ່ມີການຄວບ
ຄຸມ ເປັນເວລາ 3 ທົດສະວັດ ໄດ້ນໍາໄປສູ່ກໍລະນີຄົນລົ້ມເຈັບຍ້ອນພິດເຄມີເປັນຈໍານວນ
ຫລວງຫລາຍ ແລະການສ້າງຄວາມຢ້ານກົວດ້ານສຸຂະພາບ ຫລາຍຄັ້ງ.