ການຢືນຢັນວ່າ ໂຄງການກໍ່ສ້າງທາງລົດໄຟຄວາມໄວສູງ ເພື່ອເຊື່ອມຕໍ່ລະຫວ່າງລາວ
ກັບຈີນ ຍັງຈະມີການດໍາເນີນໂຄງການຕໍ່ໄປໃນຄັ້ງນີ້ ເປັນການຢືນຢັນໂດຍທ່ານເຫວີນ
ເຈຍບາວ ນາຍົກລັດຖະມົນຕີຂອງຈີນ ຊຶ່ງໄດ້ມີຂຶ້ນໃນໂອກາດການພົບປະເຈລະຈາກັບ
ທ່ານທອງສິງ ທໍາມະວົງ ນາຍົກລັດຖະມົນຕີລາວ ທີ່ໄດ້ເດີນທາງໄປຢ້ຽມຢາມນະຄອນ
ຫລວງປັກກິ່ງຂອງຈີນຢ່າງເປັນທາງການ ໃນທ້າຍເດືອນພຶດສະພາທີ່ຜ່ານມານີ້. ທັງນີ້ ໂດຍໂຄງສ້າງຂອງການດໍາເນີນໂຄງການນັ້ນ ກໍຈະຍັງຄົງເດີມ ກໍຄືເປັນການຮ່ວມທຶນ
ລະຫວ່າງທາງການຈີນກັບລາວ ໃນຮູບຂອງວິສາຫະກິດຮ່ວມທຶນທີ່ມີສັດສ່ວນ 70%
ຕໍ່ 30% ຂອງມູນຄ່າການລົງທຶນທັງໝົດ 7,000 ລ້ານໂດລາ ດັ່ງທີ່ທ່ານ ສົມສະຫວາດ
ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນໍາວຽກງານໃນດ້ານເສດຖະກິດຂອງລັດຖະ
ບານລາວໄດ້ໃຫ້ການຊີ້ແຈງວ່າ:
`ໃນ MOU ໄດ້ລະບຸວ່າ
ຈີນ-ລາວຮ່ວມກັນລົງທຶນ
ເພື່ອກໍ່ສ້າງ ຄຸ້ມຄອງບໍລິ
ຫານບົນພີ້ນຖານຕ່າງ
ຝ່າຍຕ່າງໄດ້ຮັບຜົນປະ
ໂຫຍດ ແລະພັດທະນາ
ຮ່ວມກັນ ແລ້ວສ້າງຕັ້ງ
ບໍລິສັດຮ່ວມທຶນລາວ-
ຈີນ. ຢູ່ໃນນີ້ກໍແມ່ນຝ່າຍ
ຈີນຈະປະກອບສ່ວນ
ເປັນເງິນສົດ ແລະອຸປະ
ກອນ ຖືຫຸ້ນນີ້ແມ່ນ 70%
ສ່ວນຝ່າຍລາວຖືຫຸ້ນ 30%. ໃນນີ້ ກະຮ່ວມມືຄ່າເວນຄືນທີ່ດິນ ຍົກຍ້າຍຈັດສັນປະຊາຊົນ ຫຼືວ່າຄ່າເກັບກູ້ລະເບີດບໍ່ທັນແຕກ.”
ຫາກແຕ່ວ່າ ໂຄງການດັ່ງກ່າວກໍຍັງຕ້ອງປະສົບກັບບັນຫາຊັກຊ້າຕໍ່ໄປອີກ ເພາະຍັງບໍ່ມີ
ກໍານົດເວລາ ທີ່ຊັດເຈນວ່າ ທາງການຈີນຈະເລີ້ມລົງມືດໍາເນີນການກໍ່ສ້າງຕົວຈິງໄດ້ເມື່ອ
ໃດ ເຖິງແມ່ນວ່າທາງການຈີນຈະໄດ້ຢືນຢັນກັບທາງການລາວວ່າ ການສຶກສາຄວາມເປັນ
ໄປໄດ້ຂອງໂຄງການໃນຂັ້ນສຸດທ້າຍ ຈະມີຂຶ້ນໃນໝໍ່ໆ ນີ້ກໍຕາມ ຫາກແຕ່ກໍບໍ່ມີກໍານົດ
ເວລາຂອງການດໍາເນີນງານທີ່ຊັດເຈນ ເຊ່ນດຽວກັນ.
ນອກຈາກນີ້ ນະໂຍບາຍຂອງລັດຖະບານໄທ ກ່ຽວກັບແຜນການກໍ່ສ້າງທາງລົດໄຟຄວາມ
ໄວສູງໃນໄທ ເພື່ອເຊື່ອມຕໍ່ກັບລາວແລະຈີນນັ້ນ ກໍເປັນອີກປັດໃຈນຶ່ງ ທີ່ໄດ້ສົ່ງຜົນກະທົບ ເຖິງໂຄງການໃນລາວອີກດ້ວຍ. ເນື່ອງຈາກວ່າລັດຖະບານໄທ ໄດ້ມີການປ່ຽນແປງແຜນ ການກໍ່ສ້າງທາງລົດໄຟຄວາມໄວສູງຈາກເດີມ ທີ່ໃຫ້ຄວາມສໍາຄັນກັບການເຊື່ອມຕໍ່ຈາກ
ນະຄອນວຽງຈັນ ຜ່ານໜອງຄາຍມາຍັງບາງກອກນັ້ນ ໄດ້ມີການປັບປ່ຽນມາໃຫ້ບຸລິມະ
ສິດ ກັບເສັ້ນທາງທີ່ເຊື່ອມຕໍ່ ຈາກບາງກອກໄປຊຽງໃໝ່ ເປັນໂຄງການທໍາອິດ.
ສ່ວນໂຄງການເຊື່ອມຕໍ່ທາງ
ລົດໄຟຄວາມໄວສູງກັບລາວ
ນັ້ນ ນອກຈາກຈະຍັງບໍ່ມີກໍາ
ນົດເວລາຂອງການເລີ່ມລົງ
ມືກໍ່ສ້າງທີ່ຊັດເຈນແລ້ວ ກໍ
ຍັງປະກົດວ່າ ທາງການໄທ
ໄດ້ຕັດສິນໃຈທີ່ຈະດໍາເນີນ
ການກໍ່ສ້າງທາງລົດໄຟທີ່ມີ
ໄລຍະທາງສັ້ນລົງອີກດ້ວຍ
ຊຶ່ງກໍຄືການກໍ່ສ້າງທາງລົດ
ໄຟຄວາມໄວສູງ ເຊື່ອມຕໍ່
ຈາກບາງກອກເຖິງຈັງຫວັດ
ນະຄອນລາດຊະສີມາ ຫຼື ໂຄລາດ ເທົ່ານັ້ນ.
ຊຶ່ງດ້ວຍແຜນການ ແລະນະໂຍບາຍດັ່ງກ່າວຂອງລັດຖະບານໄທ ກໍໄດ້ເປັນຜົນເຮັດໃຫ້
ທາງການຈີນເຫັນວ່າ ຍັງບໍ່ມີຄວາມຈໍາເປັນທີ່ຈະຕ້ອງເລັ່ງດໍາເນີນການກໍ່ສ້າງທາງລົດໄຟ
ຄວາມໄວສູງໃນລາວ ເພາະວ່າການທີ່ຈະເຮັດໃຫ້ການລົງທຶນກໍ່ສ້າງທາງລົດໄຟຄວາມໄວ
ສູງໃນລາວ ໄດ້ຮັບຜົນປະໂຫຍດສູງສຸດນັ້ນ ຈະຕ້ອງສາມາດເຊື່ອມຕໍ່ກັບໄທໄປມາເລເຊຍ
ແລະສິງກະໂປໄດ້ອີກດ້ວຍ.
ແຕ່ຢ່າງໃດກໍ່ຕາມ ການທີ່ທ່ານທັກສິນ ຊິນນະວັດ
ອະດີດນາຍົກລັດຖະມົນຕີໄທ ໄດ້ໃຫ້ການຢືນຢັນເມື່ອ
ບໍ່ນາມມານີ້ວ່າ ຈະຊຸກຍູ້ໃຫ້ມີການເຊື່ອມຕໍ່ທາງລົດໄຟ
ຄວາມໄວສູງລະຫວ່າງລາວ ໄທແລະຈີນໃຫ້ໄດ້ໄວທີ່ສຸດ
ນັ້ນ ກໍ່ນັບເປັນປັດໄຈສໍາຄັນ ທີ່ຈະເຮັດໃຫ້ການເຊື່ອມຕໍ່
ທາງລົດໄຟຄວາມໄວສູງດັ່ງກ່າວ ສາມາດທີ່ຈະເກີດຂຶ້ນ
ໄດ້ຢ່າງເປັນຮູບປະທໍາ ເນື່ອງຈາກເປັນທີ່ຮັບຮູ້ກັນໂດຍ
ທົ່ວໄປວ່າ ທ່ານທັກສິນ ກໍຄືບຸກຄົນທີ່ມີອິດທິພົນ ທີ່ຢູ່
ເບື້ອງຫຼັງຄະນະລັດຖະບານໄທ ແລະເປັນອ້າຍຂອງ
ທ່ານນາງຍິ່ງລັກ ຊິນນະວັດ ນາຍົກລັດຖະມົນຕີຄົນປັດຈຸບັນຂອງໄທອີກດ້ວຍນັ້ນ ຈຶ່ງເຊື່ອ
ວ່າ ທ່ານທັກສິນ ຈະຊ່ວຍຊຸກຍູ້ໃຫ້ລັດຖະບານໄທ ຫັນມາໃຫ້ບຸລິມະສິດກັບໂຄງການກໍ່ສ້າງ
ທາງລົດໄຟຄວາມໄວສູງ ເພື່ອເຊື່ອມຕໍ່ກັບລາວ ແລະຈີນໃນໝໍ່ໆນີ້.
ເບິ່ງວີດີໂອລາຍງານພາສາລາວ ກ່ຽວກັບລົດໄຟຄວາມໄວສູງຂອງອີຕາລີ: