ປະທານ​ປະ​ເທດຈີນ ຢ້ຽມຢາມ ແທນຊາເນຍ (ວີດິໂອ)

ປະທານ​ປະ​ເທດຈີນ ທ່ານ Xi Jinping ​ໄດ້​ສະ​ແດງ​ຄວາມ​ຊົມ​
ເຊີຍ​ແລະຍິນ​ດີ​ນໍາ ຄວາມສໍາພັນ​ອັນ​ດີ​ຂອງ​ຈີນ ​ກັບບັນດາ​ປະ​
ເທດອາ​ຟຣິກາ ​ໃນ​ການ​ຢ້ຽມຢາມທະວີບດັ່ງ​ກ່າວ​ເປັນ​ເທື່ອ​
ທໍາ​ອິດ ​ແລະໃນການ​ເດີນທາງອອກ​ນອກ​ປະ​ເທດ​ຄັ້ງ​ທໍາ​ອິດ
ຂອງ​ທ່ານ ນັບ​ແຕ່​ໄດ້​ເຂົ້າຮັບ​ຕໍາ​ແໜ່​ງ​ໃນ​ຕົ້ນ​ປີ​ນີ້.

ຂະນະ​ນີ້ ທ່ານ Xi ກໍາລັງ​ຢ້ຽມຢາມ ​ແທນ​ຊາ​ເນຍ ບ່ອນ​ທີ່​ທ່ານ​
ໄດ້​ພົບ​ກັບປະທານາທິບໍດີ Jakaya Kikwete ຄູ່​ຄໍາ​ແໜ່​ງຂອງ
​ທ່ານ ​ໃນ​ວັນ​ອາທິດ​ວານ​ນີ້. ຫລັງ​ຈາກ​ການ​ສົນທະນາກັນ ຜູ້​ນໍາ
​ທັງ​ສອງ​ໄດ້ເປັນສັກຂີພິຍານ ​ໃນການ​ເຊັນສັນຍາ​ຫຼາຍສະບັບ
ທາງການ​ຄ້າ​ ວັດທະນາ​ທໍາ ​ແລະການ​ພັດທະນາ.

​ການ​ເນັ້ນ​ໜັກທີ່​ສໍາຄັນ​ຂອງ​ການ​ເດີນທາງຢປຢ້ຽມຢາມ​ອາ​ຟຣິ
ກາ​ຂອງ​ທ່ານ Xi ກໍ​ແມ່ນເພື່ອ​ບອກ​ໃຫ້ບັນດາ​ຜູ້​ນໍາອາ​ຟຣິກາ
ຊາບ​ວ່າ ຈີນ “ຈະເສີມ​ຂະຫຍາຍ​ແລະ​ຮັດ​ແໜ້ນ ບໍ່ແມ່ນປ່ອຍ​
ໃຫ້​ອ່ອນ​ແອລົງ” ຄວາມສໍາພັນ​ຂອງ​ຕົນ ກັບ​ທະວີ​ບອາ​ຟຮິ​ກາ
​ນັ້ນ. ທ່ານ Xi ເດີນທາງ​ໄປ​ເຖິງ ​ແທນ​ຊາ​ເນຍ ຈາກກຸງ​ມົສກູ
ບ່ອນ​ທີ່​ທ່ານ​ໄດ້​ພົບ​ປະ​ກັບ ປະທານ​າທິບໍດີຣັດ​ເຊຍ ທ່ານ Vladimir Putin.

ທ່ານ ພູ​ຕິນ ​ເວົ້າ​ວ່າ ທ່ານ​ປື້​ມ​ໃຈຫຼາຍ ທີ່​ຜູ້​ນໍາ​ຈີນ​ໄດ້​ເລືອກ​ເອົາຣັດ​ເຊຍ ເປັນ​ບ່ອນຢ້ຽມ
ຢາມຕ່າງປະ​ເທດ​ຄັ້ງ​ທໍາ​ອິດ​ຂອງ​ທ່ານ​ ໃນ​ຖານະ​ປະທານ​ປະ​ເທດຈີນ ​ແລະ​ເອີ້ນ​ຄວາມ​ສໍາພັນ​ລະຫວ່າງຣັດ​ເຊຍ-ຈີນ ວ່າ ເປັນປັດ​ໃຈ​ທີ່​ມີ​ຄວາມ​ສໍາຄັນສູງ​ສຸດ ຂອງ​ການ​ເມືອງ​ໂລກ.

ຫຼັງຈາກ​ແທນ​ຊາ​ເນຍ ຜູ້​ນໍາ​ຈີນຈະໄດ້​ບິນ​ໄປ​ຍັງ Durban ປະ​ເທດອາ​ຟຣິກາ​ໃຕ້ ​ເພື່ອ​ເຂົ້າ​ຮ່ວມ​ກອງ​ປະຊຸມ​ສຸດ​ຍອດຄັ້ງ​ທີ 5 ຂອງ​ກຸ່ມ BRICS ຊຶ່ງ​ເປັນ​ກຸ່ມ​ຈັດ​ຕັ້ງ​ຂອງ 5 ເສດຖະກິດ​ທີ່​ໂຜ່​ໂຕ​ຂຶ້ນ​ມາ​ໃໝ່ ​ຂື້ນໃໝ່ ໃນ​ວັນ​ທີ່ 26 ຫາ 27 ເດືອນມີນານີ້. ກຸ່ມ​ປະ​ເທດ​ດັ່ງກ່າວ​ປະກອບ​ດ້ວຍ ບຣາຊີ​ລ ຣັດ​ເຊຍ ອິນ​ເດຍ ຈີນ ​ແລະ​ອາ​ຟຣິກາ​ໃຕ້. ນອກ​ນັ້ນ ທ່ານ​ຊີ ຍັງ​ຈະ​ເຂົ້າ​ຮ່ວມ​ກອງ​ປະຊຸມ​ພັກຜ່ອນໄປ​ພ້ອມ ​ກັບບັນດາ​ຜູ້​ນໍາຂົງ​ເຂດອາ​ຟຣິກາ ທີ່ຄາດ​ວ່າ​ຈະ​ເນັ້ນ​ໜັກໃສ່ ບັນຫາເສດຖະກິດ ​ແລະການ​ຄ້າ ກັບບັນດາ​ຜູ້​ນໍາ​ຂອງ​ທະວິບ
ທີ່​ອຸດົມ​ຮັ່ງມີດ້ວຍ​ຊັບພະຍາກອນ​ນັ້ນ.

ທ່ານ ຊີ ຈິນຜິງ ກັບສະຕີໝາຍເລກນຶ່ງຂອງຈີນ ເດີນທາງໄປເຖິງແທນຊາເນຍ: