ຈີນກ່າວວ່າ ນາຍົກລັດຖະມົນຕີ Wen Jiabao ໄດ້ບອກໃຫ້ພະພິຂຸສົງຜູ້ຖືກແຕ່ງຕັ້ງ
ຈາກປັກກິ່ງນັ້ນ ຈົ່ງໃຊ້ອິດທິພົນຂອງເພິ່ນເພື່ອປູກຝັງຄວາມຮັກຊາດ ແລະສະໜັບສະ
ໜູນປັກກິ່ງໃຫ້ແກ່ຊາວທິເບດ ທີ່ຢູ່ພາກຕາເວັນຕົກສ່ຽງໃຕ້ຂອງຈີນ.
ອົງການຂ່າວຊິນຫົວຂອງທາງການຈີນກ່າວວ່າ ດຳລັດຂອງທ່ານ Wen ໄດ້ມີການນຳສະ
ເໜີໃນການພົບປະກັບພະ Penchen Lama ໃນມື້ວັນສຸກວານນີ້. ລາຍງານຂ່າວແຈ້ງ
ອີກວ່າ ທ່ານ Wen ໄດ້ຮ້ອງຂໍໃຫ້ພະພິຂຸສົງທິເບດອົງນີ້ ທຳການຄົ້ນຄວ້າເພີ້ມຕື່ມກ່ຽວ
ກັບຫລັກຄໍາສັ່ງສອນຂອງສາສນາພຸດທິເບດ “ເພື່ອໃຫ້ພະພິຂຸສົງເປັນຜູ້ນໍາພາແລະບັນດາ
ຜູ້ເຊື່ອຖືໃຫ້ພາກັນມາຮັກປະເທດຊາດ” ແລະເຄົາລົບນັບຖືກົດໝາຍ. ນອກນັ້ນຍັງມີການ
ອ້າງຄຳເວົ້າຂອງທ່ານ Wen ທີ່ກ່າວວ່າ ຈະມີການດຳເນີນຄວາມພະຍາຍາມເພີ່ມຕື່ມເພື່ອ
ປົກປ້ອງປະເພນີ ວັດທະນະທຳແລະອິດສະຫຼະພາບຂອງຊາວທິເບດ.
ການພົບປະທີ່ວ່ານີ້ ມີຂຶ້ນຂະນະທີ່ກູ່ມຊາວທິເບລີ້ໄພລາຍງານວ່າ ມີອີກສອງຄົນໄດ້ພາ
ກັນເຜົາຕົວຕາຍໃນອາທິດນີ້ ເພື່ອປະທ້ວງການປົກຄອງຂອງຈີນ ຢູ່ໃນຂົງເຂດດັ່ງກ່າວ
ແລະມີຜູ້ຊາຍອີກສອງຄົນໄດ້ຖືກຍິງຕາຍໃນຂະນະທີ່ເຂົາເຈົ້າພາກັນຫລົບໜີເຈົ້າໜ້າທີ່ຕໍາ
ຫລວດ ຫລັງຈາກພາກັນຮ່ວມປະທ້ວງຕໍ່ຕ້ານຈີນ.
ການເຜົາຕົວຕາຍໃນແຂວງ Sichuan ແລະ Qinghai ຄິດວ່າເປັນຄັ້ງທີ່ 20 ແລະ 21
ຂອງບັນດາພະພິຂຸສົງ ແມ່ຂາວ ແລະພວກສະໜັບສະໜູນ ທີ່ເລີ້ມມາຕັ້ງແຕ່ປີກາຍນີ້.
