ລິ້ງ ສຳຫລັບເຂົ້າຫາ

ວັນອັງຄານ, ໑໘ ມິຖຸນາ ໒໐໒໔

ຈີນ ແລະ ອິນເດຍ ຕ້ອງສ້າງຕັ້ງ ສາຍສຳພັນ ທີ່ເຂັ້ມແຂງ ດ້ານເສດຖະກິດ


ນາຍົກລັດຖະມົນຕີຈີນ ທ່ານ Li Keqiang ທີ່ນະຄອນມຸມບາຍ, ວັນທີ 21 ພືດສະພາ 2013.
ນາຍົກລັດຖະມົນຕີຈີນ ທ່ານ Li Keqiang ທີ່ນະຄອນມຸມບາຍ, ວັນທີ 21 ພືດສະພາ 2013.
ນາຍົກລັດຖະມົນຕີຈີນ ກ່າວ​ວ່າ ປະ​ເທດ​ຂອງ​ທ່ານ​ແລະ​ອິນ​ເດຍ
ມີ​ຄວາມ​ຈໍາ​ເປັນທີ່ຈະ​ຕ້ອງ ​ສ້າງຕັ້ງສາ​ຍພົວພັນດ້ານ​ເສດຖະກິດ
ທີ່ແໜ້ນ​ແຟ້ນຍິ່ງ​ຂຶ້ນ.

​ໃນ​ຄໍາ​ຖະ​ແຫຼ​ງ​ຕໍ່​ບັນດາຜູ້​ນໍາທຸລະກິດ ​ໃນ​ລະຫວ່າງ​ການ​ຢ້ຽມ
ຢາມ​ນະຄອນຫລວງນີວ​ເ​ເດ​ລ ລີ ​ໃນ​ວັນ​ອັງຄານ​ມື້​ນີ້ ນາຍົກ
ລັດຖະມົນຕີຈີນ ທ່ານ Li Keqiang ​ໄດ້​ກ່າວວ່າ ການຮັດ​ແໜ້ນ
​ການຮ່ວມ​ມືທາງ​ດ້ານ​ເສດຖະກິດ​ໃຫ້ເຂັ້ມ​ແຂງຍິ່ງ​ຂຶ້ນນັ້ນ ​ແມ່ນ​ຈະ
ນໍາ​ໄປ​ສູ່​ຄວາມ​ຈະ​ເລີ​ນ​ເຕີບ​ໂຕ ຢູ່​ໃນ​ທັງ​ສອງ​ປະ​ເທດ​.

​ໃນ​ວັນ​ຈັນ​ວານ​ນີ້ ນາຍົກລັດຖະມົນຕີ​ອິນ​ເດຍ ທ່ານ Manmohan
Singh ​ແລະ​ທ່ານ Li ​ໄດ້ຕົກລົງ​ເຫັນ​ພ້ອມ​ກັນ ທີ່​ຈະແກ້ໄຂບັນຫາ​ຜິດ​ຖຽງ​ກັນ​ ກ່ຽວ​ກັບເຂດ​
ຊາຍ​ແດນ​ ແລະຄວາມ​ເຄັ່ງຕຶງ​ອື່ນໆ​. ສ່ວນທ່ານ Singh​ ນັ້ນກ່າວ​ວ່າ ທັງ​ສອງ​ຝ່າຍ​ຈະ​ຕ້ອງ
ທໍາງານ​ເພື່ອ​ເສີມ​ສ້າງ​ຄວາມ​ໄວ້​ວາງ​ໃຈ ​ແລະ​ຄວາມ​ເຊື່ອ​ໝັ້ນໃນ​ກັນ​ແລະ​ກັນ ​ໃຫ້ໜັກ​ແໜ້ນ
ຂຶ້ນເພື່ອ​ອໍານວຍ​ໃຫ້​ມີ​ການຮ່ວມ​ໄມ້​ຮ່ວມ​ມື​ກັນ​ຫລາຍ​ຂຶ້ນ.

ນາຍົກລັດຖະມົນຕີຈີນ Li ​ແມ່ນ​ຢູ່​ໃນ​ລະຫວ່າງ​ການ​ຢ້ຽມຢາມ​ອິນ​ເດຍ​ ເປັນ​ເວລາ 3 ມື້
ແລະ​ຄາດ​ວ່າ ທ່ານ​ຈະ​ໄປ​ຢ້ຽມຢາມ ນະຄອນມູມບາຍ ​ທີ່​ເປັນ​ສູນ​ກາງ​ການ​ເງິນ​ຂອງ
​ອິນ​ເດຍເພື່ອ​ພົບ​ປະ​ກັບ​ບັນດາ​ຜູ້​ບໍລິຫານ​ທຸລະ​ກິດສູງສຸດ​ຈີນ​ກ່າວ​ວ່າການຈັດ​ໃຫ້​
ອິນ​ເດຍເປັນ​ບ່ອນ​ຢຸດ​ແວ່​ແຫ່ງ​ທໍາ​ອິດ ​ຂອງ​ການ​ຢ້ຽມຢາມ​ຕ່າງປະ​ເທດ​ຂອງນາຍົກລັດຖະ
ມົນຕີຈີນຄົນ​ໃໝ່ ແມ່ນສະ​ແດງໃຫ້​ເຫັນ​ເຖິງ​ຄວາມ​ສໍ​າຄັນ​ທີ່ປັກກິ່ງ ມອບໃຫ້​ອິນ​ເດຍ​
ໃນ​ເລື້ອງ​ຄວາມ​ສໍາພັນ​ລະຫວ່າງ​ທັງ​ສອງ​ປະ​ເທດນັ້ນ.

ຈີນ​ແມ່ນ​ເປັນ ຄູ່​ພາຄີ​ການ​ຄ້າ​ທີ່​ໃຫຍ່​ສຸດ ​ຂອງ​ອິນ​ເດຍຫຼັງ​ຈາກ​ເສັດ​ສິ້ນ​ການ​ຢ້ຽມຢາມ​
ອິນ​ເດ​ຍ​ແລ້ວ ທ່ານ Li ຈະເດີນທາງ​ໄປ ປາ​ກີ​ສຖານ Switzerland ​ແລະ​ເຢຍລະ​ມັນ ​
ໃນ​ຄວາມ​ພະຍາຍາມ​ ນໍ​າສະ​ເໜີຂໍ້ຄວາມທີ່ວ່າ ຈີນ​ນັ້ນ​ແມ່ນ​ຕ້ອງການ​ທີ່​ຈະມີສາຍ​ພົວພັນ
​ແບບ​ເປີດ​ເຜີຍ​ແລະ​ເປີ​ດກ້ວາງ​ ແລະ​ບໍ່​ຄວນ​ເຫັນ​ວ່າ​ຈີນເປັນໄພຂົ່ມຂູ່​.
XS
SM
MD
LG