ຈີນຈັບ ຜູ້ຕ້ອງສົງໄສ ໃນເຫດລະເບີດ ຢູ່ພາກເໜືອ

ບັນດາ​ເຈົ້າ​ໜ້າ​ທີ່​ຈີນ ກ່າວ​ວ່າ ​ເຂົາ​ເຈົ້າ​ໄດ້​ຈັບຜູ້​ຊາ​ຍຄົນ​ນຶ່ງ ທີ່​
ສົງໄສ​ວ່າ ​ເປັນ​ຜູ້ວາງ​ລ​ະ​ເບີດຢ່າງ​ຕໍ່​ເນື່ອງ ຢູ່​ນອກ​ຕຶກ​ຫ້ອງ​ການ
ປົກຄອງ​ພັກ​ຄອມ​ມິ​ວນິສ ​ໃນພາກ​ເໜືອ​ຂອງ​ຈີນ ທີ່​ເຮັດ​ໃຫ້​ມີ​ຜູ້​
ເສຍ​ຊີວິດ​ນຶ່ງ​ຄົນ ​ແລະ​ໄດ້​ຮັບ​ບາດ​ເຈັບອີກ​ແປດ​ຄົນ.

ພວກ​ເຈົ້າ​ໜ້າ​ທີ່ ​ໃນ​ແຂວງ Shangxi ກ່າວ​ວ່າ ທ້າວ Feng
Zhijun ອະ​ດີດ​ນັກ​ໂທດອາຍຸ 41 ​ປີ ​ໄດ້​ຖືກ​ຈັບ​ໃນ​ວັນ​ສຸກ​ມື້​ນີ້
​ໃນ​ເມືອງ​ຫຼວງ Taiyuan ບ່ອນ​ທີ່ເຫດ​ຮ້າຍ​ດັ່ງກ່າວ​ໄດ້​ເກີດ​ຂຶ້ນ
​ແລະຜູ້ກ່ຽວ​ກໍໄດ້ຮັບ​ສາລະພາບ​ຕໍ່​ການ​ໂຈມ​ຕີນີ້.

ບັນດາ​ເຈົ້າ​ໜ້າ​ທີ່​ກ່າວ​ວ່າ ຕໍາຫລວດ​ຄົ້ນ​ພົບ​ລ​ະ​ເບີດ​ທີ່​ເຮັດ​ເອົາ​
ເອງ ​ແລະ​ອຸບປະ ກອນ​ເຮັດ​ລະ​ເບີດຢູ່ທີ່ເຮືອນ​ຂອງທ້າວ Feng.
ຕໍາຫລວດກ່າວ​ວ່າ ​ທ້າວ Feng ເຄີຍ​ຕິດ​ຄຸກ​ເກົ້າ​ປີ​ມາ​ກ່ອນ
ຈາກ​ການ​ລັກຂະ​ໂມ​ຍ.

ບໍ່​ມີການ​ໃຫ້ເຫ​ດຜົນ​ໃດໆ​ກ່ຽວ​ກັບ​ຈຸດປະສົງ​ໃນ​ການ​ໂຈມຕີດັ່ງ
ກ່າວ​ນີ້.

ເຫດ​ຮ້າຍ​ນີ້​ເກີດ​ຂື້ນ​ພຽງ​ນຶ່ງ​ອາທິດຫລັງ​ຈາກ​ລົດ​ຄັນ​ນຶ່ງ​ໄດ້ແລ່ນ​ຕໍາ​ຄົນ​ຕາຍແລະເກີດລະ ​
ເບີດ​ຂຶ້ນ ທີ່ຈະ​ຕຸ​ລັດ Tiananmen ​ໃນ​ກຸງ​ປັກ​ກິ່ງ​ ທີ່​ລັດຖະບານ​ໄດ້ຖິ້ມໂທດໃສ່ພວກມຸສ
ລິ​ມ​ແບ່ງ​ແຍກດິນ​ແດນ.

ຢູ່​ໃນ​ອຸບັດ​ເຫດ​ດັ່ງກ່າວ ບັນດາ​ເຈົ້າ​ໜ້າ​ທີ່​ເວົ້າ​ວ່າ ສາມ​ຄົນ​ຈາກ​ເຂດ Xinjiang ໄດ້ຂັບລົດ​
ແລ່ນ​ຕໍາ​ນັກທ່ອງທ່ຽວ​ກຸ່ມນຶ່ງ ​ແລະຈູດ​ລົດ​ຂອງ​ເຂົາ​ເຈົ້າ. ທັງ​ສາມ​ຄົນ​ທີ່ຢູ່​ໃນ​ລົດ ແລະ​ນັກ
​ທ່ອງ​ທ່ຽວອີກ​ສອງ​ຄົນ ໄດ້​ເສຍ​ຊີວິດ. ນອກ​ນັ້ນຍັງ​ມີຫລາຍສິບ​ຄົນ​ໄດ້​ຮັບ​ບາດ​ເຈັບ.

ເຂດ Xinjiang ​ເປັນ​ບ່ອນຢູ່ຂອງ​ຊາວມຸສລິ​ມ​ເຜົ່າ Uighur ເປັນສ່ວນ​ໃຫຍ່ ຊຶ່ງບາງ​ຄົນ​ໄດ້​
ພາກັນ​ຈົ່ມ​ວ່າ​ກ່ຽວ​ກັບ​ການ​ກົດ​ຂີ່ທາ​ງສາສະໜາ​ແລະ​ວັດທະນາ​ທໍາ ​ໂດຍລັດຖະບານຈີນ.