ຈີນສະເໜີໃຫ້ເງິນລາງວັນ ແກ່ຜູ້ທີ່ສາມາດໃຫ້ເບາະແສ ກ່ຽວກັບການຈຸດໄຟເຜົາຕົວເອງ

ທາງ​ການ​ຈີນ​ໄດ້ສະ​ເໜີ​ໃຫ້​ເງິນລາງວັນ ​ໃນ​ຄວາມ​ພະຍາ​ຍາມ​
ເພື່ອຍຸດຕິ​ການ​ເຜົາ​ຕົວ​ເອງ​ຕາຍ ໃນ​ການ​ປະ​ທ້ວງນະ​ໂຍບາຍ
​ຂອງ​ຈີນ​ຂອງ​ພວກ​ຊົນ​ເຜົ່າ​ທິ​ເບ​ດ.

ເຈົ້າໜ້າທີ່​ໃນ​ເຂດ​ກໍາ​ແພງ​ນະຄອນ Kanlho ໄດ້​ປະກາດ​ໃນວັນ
​ພຸດ​ວານ​ນີ້​ ໃຫ້​ເງິນລາງວັນ​ຈໍານວນ $8,000 ​ແກ່ຜູ້​ໃດ​ກໍ​ຕາມທີ່
​ສາມາດໃຫ້​ເບາະ​ແສ​ແລະ​ຂໍ້​ມູນ​ຕ່າງໆ​ກ່ຽວ​ກັບ​ພວກທີ່​ວາງ​ແຜນ
​ທີ່​ຈະ​ຈຸດ​ໄຟ​ເຜົາ​ຕົນ​ເອງ​ນັ້ນ. ຄໍາ​ປະກາດ​ດັ່ງກ່າວ​ຍັງ​ໃຫ້​ຄໍາ​ໝັ້ນ
​ສັນຍາ​ວ່າ ຈະ​ມອບເງິນລາງວັນ ອີກ $30,000 ນັ້ນ​ ​ແກ່ຜູ້​ທີ່​ສາ
ມາດ​ໃຫ້​ເບາະ​ແສທີ່​ໜັກ​ແໜ້ນ​ແລະ​ເຊື່ອ​ຖື​ໄດ້ ກ່ຽວ​ກັບພວກ​ຈຸດ​
ໄຟ​ເຜົາ​ຕົນ​ເອງ ​ເທື່ອ​ຫລ້າ​ສຸດ ​ໃນ​ອາທິດ​ນີ້​.

​ມີ​ຊາວ​ທິ​ເບ​ດຢ່າງ​ນ້ອຍ 3 ຄົນທີ່​ໄດ້​ຈຸດ​ໄຟ​ເຜົາ​ຕົນ​ເອງ ​ເພື່ອ
ປະ​ທ້ວງການ​ປົກຄອງ​ຂອງ​ຈີນແລະ​ນະ​ໂຍບາຍ​ຂອງ​ລັດຖະບາ​ນຈີນ ​ໃນ​ໄລຍະ 5 ມື້ຜ່ານ
ມາ​ນີ້ ​ແລະ​ມີ 6 ຄົນແລ້ວ​ເສຍ​ຊີວິດ​ ຍ້ອນຈຸດ​ໄຟ​ເຜົາ​ຕົນ​ເອງ​ ໃນ​ເດືອນ​ນີ້.

ຈີນ​ໄດ້​ກ່າວ​ຫາ ຊາວ​ທິ​ເບ​ດພັດ​ຖິ່ນ ຕະຫລອດ​ມາ​ວ່າ ຈຸດ​ໄຟ​ເຜົາ​ຕົນ​ເອງ​ເພື່ອ​ໃຫ້​ເປັນ​ພາກ
ສ່ວນ​ນຶ່ງ​ຂອງ​ການ​ຕໍ່ສູ້​ເພື່ອ​ ແຍກດິນ​ແດນ ​ແລະປະນາມ​ເຂົາ​ເຈົ້າ​ວ່າເປັນພວກກໍ່​ການ​ຮ້າຍ.

​ໃນ​ວັນ​ພຸດ​ວານ​ນີ້ ​ໂຄສົກກະຊວງ​ການ​ຕ່າງປະ​ເທດຈີນ ທ່ານ Hong Lei ​ໄດ້​ກ່າວ​ຫາອົງດາ​ໄລ
ລາ​ມະ ອີກຄັ້ງ​ນຶ່ງ​ວ່າ ຍຸຍົງ​ສົ່ງ​ເສີມ​ໃຫ້​ຊາວ​ທິ​ເບ​ດທໍາ​ການປະ​ທ້ວງແບບເຖິງ​ຕາຍນີ້ ​ໂດຍ​ກ່າວ​ວ່າ ​“ມັນ​ເປັນ​ການ​ກະທໍາ​ທີ່​ຊົ່ວ​ຮ້າຍ ​ແລະ​ສົມຄວນ​ໄດ້​ຮັບ​ການປະນາມ​ຈາກ​ປະຊາຊົນ.”

ອົງດາ​ໄລ ລາ​ມະ​ແລະ​ລັດຖະບານ​ທິ​ເບ​ດພັດ​ຖິ່ນ​ ກ່າວ​ວ່າ ພວກ​ຕົນຄັດຄ້ານ​ຕໍ່​ວິທີ​ການ​ໃຊ້​ຄວາມ​ຮຸນ​ແຮງ​ທຸກ​ຢ່າງ.