ລິ້ງ ສຳຫລັບເຂົ້າຫາ

​ເກີດໄຟໄໝ້​ເກືອບ​ຮອດ 6,000 ແຫ່ງໃນຈີນ ພາຍໃນ 32 ຊົ່ວໂມງທໍາອິດ ຂອງການສະຫຼອງກຸດຈີນ

  • ວັນນະສອນ ແກ້ວດາຣາ

ຈຸດໄຟສະຫູອງເທດສະການບຸນລະດູບານ​ໃໝ່ປະຈໍາປີຫລືກຸດຈີນນັ້ນ.

ສື່ທາງການຂອງຈີນລາຍ​ງານວ່າ ​ໄດ້​ເກີດໄຟໄໝ້ໃນທົ່ວ
ປະເທດ ​ເກືອບ​ຮອດ 6,000 ແຫ່ງ ພາຍໃນ 32 ຊົ່ວ
ໂມງທໍາອິດຂອງເທດສະການບຸນລະດູບານ​ໃໝ່ປະຈໍາປີ ຫລືກຸດຈີນນັ້ນ.

ລາຍ​ງານ​ຂ່າ​ວ​ໄດ້ອ້າງກະຊວງຮັກສາຄວາມປອດໄພຂອງ
ສາທາລະນະ​ຊົນທີ່ ກ່າວໃນວັນຈັນມື້ນີ້ວ່າ ໄຟ​ໄໝ້ຫລາຍໆ​
ບັ້ນ​ແ​ມ່ນໄດ້ເກີດຂຶ້ນຈາກການຈູດບັ້ງໄຟດອກ ຫລື​ໝາກກະ​
ໂພ​ກຢ່າງ​ບໍ່​ຖືກຕ້ອງ ໃນການສະຫຼອງເທດສະການບຸນກຸດ
ຈີນປະຈໍາປີນັ້ນ. ບັນຫາດັ່ງກ່າວແມ່ນຍິ່ງຮ້າຍ​ແຮງ​ຂຶ້ນຍ້ອນ
ສະພາບຄວາມແຫ້ງແລ້ງຢູ່ໃນພາກເໝືອແລະພາກກາງຂອງ
ຈີນ ຊຶ່ງມີບາງແຂວງໄດ້ປະສົບ​ກັບ​ໄພ​ແຫ້ງ​ແລ້ງ ຢ່າງຮ້າຍ ແຮງສຸດໃນຮອບ 60 ປີ.

ອົງການ​ຂ່າວຊິນຫົວຂອງທາງການຈີນກ່າວວ່າ ໄດ້ມີ 2
ຄົນເສຍຊີວິດ ແລະອີກ 223 ຄົນໄດ້ຮັບຄວາມບາດເຈັບ
ຍ້ອນ​ໄຟ​ໄໝ້ໃນນະຄອນຫຼວງ Beijing ໃນໄລຍະມື້ເຄິ່ງຂອງການສະຫຼອງກຸດ​ຈີນ ຊຶ່ງໄດ້ ເລີ່ມຂຶ້ນຕັ້ງແຕ່ວັນພຸດແລ້ວ ເປັນຕົ້ນມາ.

ຫ້ອງການການຄວບຄຸມອັກຄີໄພຂອງກະຊວງດັ່ງກ່າວ​ເວົ້າວ່າໃນປີກາຍ​ນີ້ ມີລາຍງານວ່າ ໄດ້ເກີດໄຟໄໝ້ຂຶ້ນເກືອບຮອດ 7,500 ກໍລະນີ ໃນການສະຫຼອງເທດສະການນີ້ ທັງໝົດ
7 ມື້ນັ້ນ.


XS
SM
MD
LG