ມີປະຊາຊົນຈີນ ຢ່າງໜ້ອຍ 3 ຄົນ ເສຍຊີວິດແລະອີກ 3 ຄົນໄດ້ຮັບບາດເຈັບສາຫັດ
ຍ້ອນຖືກຊາວບ້ານທຸບຕີ ຢູ່ທາງພາກຕາເວັນຕົກສຽງໃຕ້ ຂອງສາທາລະນະລັດ ອາ
ຟຣິກາກາງ ໃນວັນພະຫັດວານນີ້ ຊຶ່ງພວກເຂົາເຈົ້າໄດ້ຖິ້ມໂທດໃສ່ຊາວຈີນວ່າ ເຮັດ
ໃຫ້ຜູ້ຊາຍທີ່ສຳຄັນຄົນນຶ່ງໃນທ້ອງຖິ່ນ ຈົມນ້ຳຕາຍ.
ຜູ້ຊາຍຊາວຈີນປະມານ 10 ຄົນ ໄດ້ເກນເອົາທ້າວອິກນາເຊ ດິມເບເລ-ນາໂກເອ ຫົວ
ໜ້າຊາວໜຸ່ມ ພ້ອມທັງເປັນນ້ອງຊາຍຮອງປະທານຜູ້ທີ 2 ຂອງສະພາແຫ່ງຊາດເພື່ອ
ຊ່ອຍນຳທາງພວກເຂົາເຈົ້າໄປຕາມແມ່ນ້ຳກາເດ (Kadei) ຈາກບ້ານແຫ່ງນີ້ ຫາບໍ່ຄຳ
ອີງຕາມລາຍງານຂ່າວຢູ່ໃນທ້ອງຖິ່ນ. ເຮືອຂອງພວກເຂົາເຈົ້າໄດ້ຫຼົ້ມ ໃນລະຫວ່າງທີ່
ເດີນທາງ ແລະ ທ້າວອິກນາເຊ ດິມເບເລ-ນາໂກເອໄດ້ຫາຍສາບສູນ. ສົບຂອງຜູ້ກ່ຽວ
ໄດ້ຖືກພົບເຫັນໃນເວລາຕໍ່ມາ.
ເວລາພວກທີ່ໄປບໍ່ຄຳ ກັບຄືນມາ ເພື່ອໃຫ້ການຊີ້ແຈງ ຢູ່ທີ່ປ້ອມຕຳຫຼວດ ປະຈຳບ້ານ
ພວກຊາວບ້ານທີ່ມີຄວາມໂກດແຄ້ນ ໄດ້ໃຊ້ໄມ້ຄ້ອນທຸບຕີພວກເຂົາ. ມີຕຳຫຼວດພຽງ
ບໍ່ເທົ່າໃດຄົນ ຢູ່ທີ່ປ້ອມແຫ່ງດັ່ງກ່າວ.
ການທຸບຕີດັ່ງກ່າວ ເຮັດໃຫ້ຜູ້ຊາຍຊາວຈີນ 3 ຄົນ ເສຍຊີວິດ. ສ່ວນອີກ 3 ຄົນໄດ້ຮັບ
ບາດເຈັບສາຫັດ ແລະໄດ້ຮັບການປິ່ນປົວ ຢູ່ທີ່ໂຮງໝໍ ເມືອງເບີບາຣາຕີປະມານ 65
ກິໂລແມັດ ຢູ່ທາງເໜືອເມືອງຊາສໂຊ-ນາກອມໂບ ອີງຕາມການບອກເລົ່າຂອງເຈົ້າ
ໜ້າທີ່ໂຮງໝໍຕໍ່ວີໂອເອ. ສົບຂອງພວກທີ່ເສຍຊີວິດ ໄດ້ຖືກສົ່ງໂດຍທາງເຮືອບິນ ໄປ
ຍັງນະຄອນຫຼວງບັງກີ.
ໃນກອງປະຊຸມຖະແຫຼງຂ່າວ ທີ່ນະຄອນບັງກີ ໃນວັນສຸກວານນີ້ ໂຄສົກຂອງລັດຖະ
ບານ ທ່ານອັງເກ ກາຊາກີ ກ່າວວ່າ ການໂຈມຕີດັ່ງກ່າວ ບໍ່ແມ່ນວ່າຈະບໍ່ໄດ້ຮັບການ
ລົງໂທດ.
ອົງການຂ່າວເອພີ ລາຍງານວ່າ ສະຖານທູດຈີນ ທີ່ນະຄອນຫຼວງບັງກີ ບໍ່ໄດ້ຕອບຕໍ່
ການຂໍຄວາມເຫັນໃດໆກ່ຽວກັບເລື້ຶ້ອງນີ້.
