ລິ້ງ ສຳຫລັບເຂົ້າຫາ

ວັນອາທິດ, ໒໖ ພຶດສະພາ ໒໐໒໔

ລູກສອນໄຟ ຂອງຈີນ ແມ່ນທ້າທາຍຕໍ່ ສຫລ ຢູ່ ທະເລຈີນໃຕ້


ພວກປະທ້ວງພາກັນໃສ່ໝວກ ທີ່ເຮັດດ້ວຍເຈ້ຍ ເປັນຮູບເຮືອ ປະທ້ວງຢູ່ຕໍ່ໜ້າກົງສູນຈີນ ໃນນະຄອນມະນີລາ ປະເທດຟິລິບປີນ ວັນທີ 10 ກຸມພາ 2018.
ພວກປະທ້ວງພາກັນໃສ່ໝວກ ທີ່ເຮັດດ້ວຍເຈ້ຍ ເປັນຮູບເຮືອ ປະທ້ວງຢູ່ຕໍ່ໜ້າກົງສູນຈີນ ໃນນະຄອນມະນີລາ ປະເທດຟິລິບປີນ ວັນທີ 10 ກຸມພາ 2018.

ບັນດານັກຊ່ຽວຊານ​ເຊື່​ອວ່າ ການ​ຕິດ​ຕັ້ງ​ລູກ​ສອນ​ໄຟຂອງຈີນ ​ຢູ່ທີ່ທະ​ເລ​ຈີນໃຕ້ ແມ່ນ
ໝາຍຄວາມວ່າ ເປັນການທ້າ​ທາຍ​ຕໍ່​ສະຫະລັດ ​ແລະ​ບັນດາ​ພັນທະ​ມິດ.

ບັນດານັກວິ​ເຄາະ​ກ່າວ​ວ່າ ລູກ​ສອນ​ໄຟ​ຕໍ່ຕ້ານ​ກຳ​ປັ່ນ​ແລະ​ລູກ​ສອນ​ໄຟທີ່​ຍິງຈາກພາກ
ພື້ນດິນຫາອາກາດ ທີ່​ມີ​ລາຍ​ງານ​ວ່າ​ຈີນໄດ້​ຕິ​ດຕັ້ງຢູ່​ຕາມ​ບັນດາ​ໝູ່​ເກາະໝູ່ດອນໃນ​ທະ​
ເລ ທີ່ຢູ່ນອກ​ຝັ່ງ​ທາງພາກ​ໃຕ້ຂອງຕົນນັ້ນ ຈະຂັດຂວາງບໍ່ໃຫ້ກຳ​ປັ່ນລົບ​ຂອງ​ສະຫະລັດ
ຫຼື​ບັນດາ​ພັນທະ​ມິດ​ເຊັ່ນ​ ​ອອສ​ເຕຣຍ​ເລຍ​ ແລະ​ຍີ່​ປຸ່ນແລ່ນຜ່ານ. ຫວຽດນາມ​ທີ່ໍໄດ້​ອ້າງ
​ເອົາ​ກຳມະສິດຂອງບາງສ່ວນໃນ​ທະ​ເລ​ຈີນ​ໃຕ້ ທີ່​ຍຶດຄອງ​ໂດຍ​ຈີນ ​ໄດ້​ທຳການປະ​ທ້ວງ​
ຢ່າງ​ເປັນ​ທ່ງການ​ຕໍ່​ປັກ​ກິ່ງ.

ກຳປັ່ນຂຸດດິນຂອງຈີນທີເຫັນຢູ່ນານນໍ້າອ້ອມແອ້ມໝູ່ເກາະສະແປຣດລີ ທີ່ມີການໂຕ້ຖຽງກັນ ໃນທະເລຈີນໃຕ້.
ກຳປັ່ນຂຸດດິນຂອງຈີນທີເຫັນຢູ່ນານນໍ້າອ້ອມແອ້ມໝູ່ເກາະສະແປຣດລີ ທີ່ມີການໂຕ້ຖຽງກັນ ໃນທະເລຈີນໃຕ້.

ຈີນ​ໄດ້​ຕິດ​ຕັ້ງ​ລູກ​ສອນ​ໄຟ​ໃສ່​ໝູ່່​ເກາະ​ສະ​ແປຣດລີ ໃນທະ​ເລ​ຈີນ​ໃຕ້ ​ເພື່ອຊ້ອມລົບ​ທາງ
​ທະຫານໃນ​ຕົ້ນ​ເດືອນ​ເມສາ ອີງ​ຕາມ​ລາຍ​ງານ​ຫວ່າງ​ມໍ່ໆມາ​ນີ້ໂດຍໂທ ອລະພາບ
CNBC ທີ່ໄດ້​ອ້າງ​ຄຳ​ເວົ້າຂອງ "​ແຫ​ລ່ງຂ່າວທີ່​ຮູ້ເລື້ອງ​ໂດຍ​ກົງ​ກ່ຽວ ກັບລາຍ​ງານ​ສຶບ
ລັບຂອງ​ສະຫະລັດ.”

ເຮືອບິນລົບ F18 ກຳລັງຕຽມຈະຂຶ້ນ ຢູ່ເທິ່ງກຳປັ່ນລົບ USS ເຕໂອດໍຣ ໂຣສແວວຕ໌ ທີ່ຈອດຢູ່ທະເລຈີນໃຕ້ ທີ 10 ເມສາ 2018.
ເຮືອບິນລົບ F18 ກຳລັງຕຽມຈະຂຶ້ນ ຢູ່ເທິ່ງກຳປັ່ນລົບ USS ເຕໂອດໍຣ ໂຣສແວວຕ໌ ທີ່ຈອດຢູ່ທະເລຈີນໃຕ້ ທີ 10 ເມສາ 2018.

​ຈີນ​ໄດ້​ອ້າງເອົາ​ປະມານ 90 ​ເປີ​ເຊັນ​ຂອງ​ທະ​ເລຈີນໃຕ້ແລະ​ຄັດຄ້ານ​ຕໍ່​ການ​ແລ່ນ ຜ່ານ
ຂອງ​ກຳ​ປັ່ນ​ລົບສະຫະລັດ ຊຶ່ງ​ວໍ​ຊິງ​ຕັນ​ເວົ້າ​ວ່າ ເປັນການປະຕິບັດ​ງານເພື່ອ ​ເສລີພາບ
ໃນ​ການ​ເດີນ​ເຮືອ ຫຼື FONOP. ລັດຖະບານ​ສະຫະລັດ​ເອີ້ນທະ​ເລ​ຈີນໃຕ້ ທີ່​ຍັງ​ມີກາ
​ອ້າງເອົາກຳມະສິດໂດຍ​ລັດຖະບານຂອງຫ້າ​ປະ​ເທດເອ​ເຊຍ ນັ້ນວ່າ ເປັນເສັ້ນທາງ
ເດີນເຮືອສາກົນ.

ເນື້ອທີ່ທະເລຈີນໃຕ້ ທ່ີ່ອ້າງເອົາໂດຍຈີນ.
ເນື້ອທີ່ທະເລຈີນໃຕ້ ທ່ີ່ອ້າງເອົາໂດຍຈີນ.

​ອອສ​ເຕຣຍ​ເລຍ ​ແລະ​ຍີ່ປຸ່ນ ສະ​ນັບ​ສະ​ໜູນຕໍ່​ເຫດຜົນ​ຂອງ​ສະຫະລັດ ​ແລະ​ເຂົາ​ເຈົ້າ
ໄດ້​ອອກ​ປາກ​ອອກສຽງ​ ຫຼາຍຂຶ້ນ ໃນຮອບ​ເຄິ່ງປີ​ທີ່​ຜ່ານ​ມາ. ຍີ່ປຸ່ນ​ໄດ້​ສົ່ງ​ກຳ​ປັ່ນ​ບັນທຸກ
​ເຮື​ອບິນ​ເຮລີ​ຄອບ​ເຕີ້ ​ໄປ​ຍັງທະ​ເ​ລຈີນໃຕ້ ​ເພື່ອເຝິກ​ຊ້ອມ​ ໃນ​ກາງປີ 2017. ​ໃນ​ເດືອນ
​ແລ້ວ​ນີ້​ ກຳປັ່ນກອງເຮືອອອສ​ເຕຣຍ​ເລຍ ​ກໍໄດ້ປະເຊີນໜ້າກັບ​ບັນ​ດາ​ກຳ​ປັ່ນ​ຈີນ​ຢູ່​ໃນ​
ເຂດທະ​ເລ​ດຽວ​ກັນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG