ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ເຈົ້າຄອງກໍາແພງເມືອງ Nanjing ຂອງຈີນ ຖືກປົດ ອອກຈາກຕໍາແໜ່ງ


 ທ່ານ Ji Jianye ເຈົ້າຄອງກໍາແພງເມືອງ Nanjing (ໂບກທຸງ ໂອລິມປິກ) ທາງພາກຕາເວັນອອກຂອງຈີນ ທີ່ຖືກປົດອອກຈາກ ຕໍາແໜ່ງ.
ທ່ານ Ji Jianye ເຈົ້າຄອງກໍາແພງເມືອງ Nanjing (ໂບກທຸງ ໂອລິມປິກ) ທາງພາກຕາເວັນອອກຂອງຈີນ ທີ່ຖືກປົດອອກຈາກ ຕໍາແໜ່ງ.
ສື່​ມວນ​ຊົນ​ຈີນ​ເວົ້າ​ວ່າ ​ເຈົ້າຄອງ​ກໍາ​ແພງ​ເມືອງ​ສໍາຄັນ​ເມືອງ​ນຶ່ງ​ໃນ​ພາກ​ຕາ ​ເວັນ​ອອກ​ຂອງ ຈີນ ​ໄດ້​ຖືກ​ປົດ​ອອກ​ຈາກ​ຕໍາ​ແໜ່​ງ ​ໃນ​ການ​ກວດ​ລ້າງ​ຄັ້ງ​ລ່າສຸດ​ ຕໍ່ການ​ສໍ້​ລາດ​ບັງຫຼວງ.

ອົງການ​ຂ່າວ​ຊິນ​ຫົວ​ຂອງທາງ​ການ​ຈີນ ​ເວົ້າ​ເມື່ອວັນ​ເສົາ​ວານ​ນີ້​ວ່າ ທ່ານ Ji Jianye ​ເຈົ້າ ຄອງ​ກໍາ​ແພງ​ເມື​ອງ​ Nanjing ຖືກ​ປົດ​ອອກ​ຈາກຕໍາ​ແໜ່​ງ​ໃນ​ຂໍ້​ສົງ​ໃສ​ວ່າ ​ລະ​ເມີດ​ລະບຽບວິ​ໄນ​ທາງ​ການ​ຢ່າງ​ຮ້າຍ​ແຮງ. ​ບໍ່​ໄດ້​ມີ​ການ​ໃຫ້ລາຍ​ລະອຽດ​ໃດໆ ​ແຕ່​ຄໍາ​ເວົ້າ​ທີ່​ວ່າ​ນີ້​ ຕາມ​ປົກ​ກະຕິ​ແລ້ວ ​ແມ່ນ​ໝາຍ​ເຖິງ​ການ​ສໍ້​ລາດ​ບັງຫຼວງ​ ແບບ​ໃດ​ແບບ​ນຶ່ງ.

ການ​ປົດ ທ່ານ Ji ຜູ້​ຊຶ່ງ​ມີ​ຕໍາ​ແໜ່​ງ​ເປັນ​ຮອງ​ຫົວໜ້າ​ພັກ​ຄອມ​ມີ​ວນີສ ​ເມືອງ Nanjing ນໍາ​ນັ້ນ ​ແມ່ນ​ມີ​ຂຶ້ນສອງ​ມື້ຫຼັງຈາກ ອົງ​ກອນ​ຄວບຄຸມ​ລະບຽບວິ​ໄນ​ພັກ​ຄອມ​ມີ​ວນີສ ​ເວົ້າ​ວ່າ ທ່ານ​ຈີ ​ໄດ້​ຖືກ​ຈັດໃຫ້​ຢູ່​ພາຍ​ໃຕ້ ການ​ສືບສວນ​ສອບ​ສວນ.

ທ່ານ Xi Jinping ປະທານ​ປະ​ເທດ​ຈີນ ​ໄດ້​ປະຕິຍານ​ໄວ້​ວ່າ​ ຈະ​ທໍາ​ການ ກວດ​ລ້າງ​ປາບ​ປາມ​ການ​ສໍ້​ລາດ​ບັງຫຼວງ​ໂດຍ​ເຈົ້າໜ້າ​ທີ່​ຈີນ​ ໃນ​ທົ່ວ​ປະ​ເທດ.
XS
SM
MD
LG