ໃນຕົ້ນປີ 2020, ໃນລະຫວ່າງການເລີ່ມຕົ້ນຂອງການແຜ່ລະບາດຂອງພະຍາດ COVID-19 ແລະການປິດລ້ອມ ເມືອງ ວູຫານ (Wuhan) ຂອງຈີນ, ມີນັກຂ່າວພົນລະເຮືອນຈຳນວນນຶ່ງ ໄດ້ກາຍເປັນປາກເປັນສຽງ ຈາກຈຸດສູນກາງດັ່ງກ່າວ.
ນຶ່ງໃນນັ້ນແມ່ນ ທ່ານນາງ ຊາງ ຊານ (Zhang Zhan), ອະດີດທະນາຍຄວາມ ອາຍຸ 36 ປີ ເຊິ່ງໃນຂະນະນັ້ນ ເປັນຜູ້ບັນທຶກວິກິດການທີ່ເກີດຂື້ນຢູ່ໃນເມືອງດັ່ງກ່າວ ທີ່ເຊື້ອໄວຣັສນັ້ນ ໄດ້ເກີດຂຶ້ນຄັ້ງທໍາອິດ ຢ່າງກ້າຫານ.
ຢືນຢູ່ຕໍ່ຫນ້າສະຖານີລົດໄຟວູຫານ (Wuhan) ໃນວິດີໂອ YouTube ສຸດທ້າຍຂອງນາງ ໃນວັນທີ 13 ພຶດສະພາ 2020, ນາງໄດ້ສະແດງຄວາມກັງວົນກ່ຽວກັບການລ່ວງລະເມີດສິດທິມະນຸດ ທີ່ນາງໄດ້ພົບເຫັນໃນລະຫວ່າງການປິດລ້ອມແລະວິພາກວິຈານການມີສ່ວນຮ່ວມຂອງຕໍາຫຼວດ ໃນການບັງຄັບໃຊ້ມາດຕະການຄວບຄຸມ.
ຫຼັງຈາກ "ວິດີໂອສຸດທ້າຍນີ້," ນາງໄດ້ຫາຍໂຕໄປ, ອີງຕາມ ນາງ ເຈນ ຫວັງ (Jane Wang), ທີ່ເປັນນັກເຄື່ອນໄຫວ ມີຫ້ອງການຕັ້ງຢູ່ໃນອັງກິດ ທີ່ໄດ້ລິເລີ້ມການປຸກລະດົມ ໂຄງການປ່ອຍຕົວນາງ ຊາງ ຊານ ຫຼື Free Zhang Zhan.
ທ່ານ ນາງ ຫວັງ ກ່າວຕໍ່ວີໂອເອວ່າ "ມື້ທີ່ນາງຖືກຈັບກຸມ ຄວນແມ່ນວັນທີ 14 ພຶດສະພາ ແຕ່ມັນອາດຈະເກີດຂຶ້ນໃນຕອນແລງຂອງວັນທີ 13, ສະນັ້ນ, ພວກເຮົາຈຶ່ງບໍ່ແນ່ໃຈ,". ເວລາທີ່ນາງໃຊ້ເວລາຢູ່ໃນລົດໄຟ ທີ່ຕໍາຫຼວດນຳຕົວລາວໄປ ນະຄອນ ຊຽງໄຮ່ (Shanghai) ຈາກເມືອງ ວູຫານ (Wuhan) ແມ່ນວ່າ ຢູ່ໃນລະຫວ່າງນັ້ນ."
ໃນເດືອນທັນວາ ປີ 2020, ລັດຖະບານຈີນໄດ້ຕັດສິນໂທດໃຫ້ຈໍາຄຸກນາງ 4 ປີໃນຂໍ້ກ່າວຫາ "ກໍ່ເລື້ອງຜິດຖຽງກັນ ແລະກໍ່ໃຫ້ເກີດຄວາມຫຍຸ້ງຍາກ."
ຟໍຣັມສະແດງຄວາມຄິດເຫັນ