ທະນາຍຄວາມທີ່ມີຊື່ຂອງຈີນທາງດ້ານສິດທິມະນຸດ ທ່ານ Pu
Zhiqiang ຄາດວ່າຈະຖືກປ່ອຍໃຫ້ເປັນອິດສະລະ ໃນວັນອັງ
ຄານມື້ນີ້ ຫຼັງຈາກທີ່ສານໄດ້ຕັດສິນຝາກໂທດທ່ານ ໃຫ້ຕິດຄຸກ
ເປັນເວລາ 3 ປີ ໃນຂໍ້ຫາທີ່ທ່ານໄດ້ຕຳໜິຕິຕຽນຢ່າງແຮງ ຕໍ່ລັດ
ຖະບານຄອມມຸຍນິສ ທີ່ປົກຄອງປະເທດນັ້ນ.
ສານໄດ້ຕັດສິນວ່າ ທ່ານ Pu ໄວ 50 ປີ ມີຄວາມຜິດໃນຂໍ້ຫາ
“ຍຸຍົງໃຫ້ມີຄວາມກຽດຊັງລະຫວ່າງຊົນຊາດຊົນເຜົ່າ” ແລະ
“ຊັກຊວນໃຫ້ມີການທະເລາະວິວາດກັນ ແລະຍຸຍົງສົ່ງເສີມ
ການສ້າງບັນຫາ.” ມີທ່າທາງວ່າ ທ່ານຈະຕ້ອງໄດ້ຢູ່ພາຍໃຕ້
ການສັງເກດການ ແລະຕິດຕາມຂອງຕຳຫລວດ ໃນຕະຫຼອດ
ໄລຍະການຝາກໂທດເປັນເວລາ 3 ປີ ແລະຫ້າມການປະກອບການທາງກົດໝາຍໃດໆທັງ
ສິ້ນ.
ທ່ານ William Nee ນັກຄົ້ນຄ້ວາກ່ຽວກັບຈີນ ທີ່ອົງການນິລະໂທດກຳສາກົນ ໄດ້ອອກຖະແຫຼງການສະບັບນຶ່ງ ສັນລະເສີນການທີ່ຈະປ່ອຍທ່ານ Pu ເປັນອິດສະລະ ແຕ່ກໍໄດ້ກ່າວວ່າ “ການຕັດສິນທີ່ວ່ານີ້ ບໍ່ສາມາດປິດບັງ ຄວາມບໍ່ຍຸຕິທຳ ຕໍ່ທ່ານໄດ້. ທ່ານບໍ່ໄດ້ເປັນຜູ້ກະທຳຄວາມຜິດ ແລະການທີ່ສານຕັດສິນວ່າມີຄວາມຜິດດັ່ງກ່າວ ໄດ້ໃສ່ໂທດກີດກັນ ບໍ່ໃຫ້ບຸກ
ຄົນທີ່ກ້າຫານຊານໄຊຂອງ ໃນເລື້ອງສິດທິມະນຸດຂອງຈີນ ຈາກການປະຕິບັດກົດໝາຍ.”
ທ່ານ Pu ໄດ້ກາຍມາເປັນຜູ້ທີ່ມີຊື່ສຽງໃນຈີນ ຍ້ອນເປັນຜູ້ຕໍ່ສູ້ຄະດີໃຫ້ແກ່ນັກສິນລະປິນ
Ai Weiwei ແລະພວກທີ່ໄດ້ຮັບເຄາະຈາກຄ້າຍສັບພະທຸກອອກແຮງງານ. ທ່ານໄດ້ຖືກຄຸມຕົວ ໃນເດືອນ ພຶດສະພາ ປີ 2014 ຫຼັງຈາກທີ່ໄດ້ເຂົ້າຮ່ວມກອງປະຊຸມ ເພື່ອປຶກສາຫາລືກ່ຽວກັບວັນຄົບຮອບ 25 ປີ ໃນການສັງຫານໝູ່ພວກປະທ້ວງເພື່ອປະຊາທິປະໄຕ ຫຼາຍຮ້ອຍຄົນທີ່ຈະຕຸລັດ Tiananman ປີ 1989 ໂດຍເຈົ້າໜ້າທີ່ຮັກສາຄວາມປອດໄພຂອງຈີນ.
ໃນທີ່ສຸດ ທ່ານໄດ້ນຳຕົວຂຶ້ນສານເພື່ອດຳເນີນຄະດີ ໃນສັບປະດາທີ່ແລ້ວນີ້ ຫຼັງຈາກທີ່ໄດ້ຖືກກັກຂັງມາເປັນເວລາ 19 ເດືອນແລ້ວນັ້ນ. ກຳລັງຮັກສາຄວາມປອດໄພ ໄດ້ຖືກຂັດ ຂວາງບໍ່ໃຫ້ເຈົ້າໜ້າທີ່ການທູດຈາກສະຫະລັດ ເຢຍຣະມັນ ສະຫະພາບຢູໂຣບ ແລະອັງກິດ ເຂົ້າຮ່ວມ
ຮັບຟັງຄຳການດຳເນີນຄະດີ ແລະໄດ້ປະທະກັນ ກັບພວກທີ່ສະໜັບສະໜຸນແລະ ບັນດານັກຂ່າວ ຊຶ່ງຮວມທັງ ທ່ານ Bill Ide ນັກຂ່າວຂອງ VOA ທີ່ປັກກິ່ງນຳດ້ວຍ.
ການປະທ້ວງແບບດຽວກັນນີ້ໄດ້ມີຂຶ້ນອີກ ໃນວັນອັງຄານມື້ນີ້ ຢູ່ຂ້າງນອກສານໃນນະຄອນປັກກິ່ງ ບ່ອນທີ່ທ່ານ Pu ໄດ້ຖືກຕັດສິນໂທດນັ້ນ.