ເຈົ້າໜ້າທີ່ ຈີນ ກຳລັງສືບສວນສອບສວນ ການດຸດໂຮງໝໍແຫ່ງໜຶ່ງ ທີ່ມີຄົນເຈັບ ແລະ ທ່ານໝໍຫຼາຍຄົນຍັງຢູ່ພາຍໃນອາຄານດັ່ງກ່າວ, ໃນເຫດການທີ່ໄດ້ເຮັດໃຫ້ ສົບຄົນຕາຍຫຼາຍສົບໃນໂຮງເກັບສົບ ຂອງ ໂຮງໝໍຖືກຝັງຢູ່ໃນຊາກຫັກພັງ.
ເຫດການດັ່ງກ່າວໄດ້ເກີດຂຶ້ນໃນວັນພະຫັດທີຜ່ານມາ ໃນໃຈກາງ ແຂວງ Henan ເຮັດໃຫ້ມີການທຳຮ້າຍຮ່າງກາຍ ແລະ ມີຄວາມ ສັບສົນກ່ຽວກັບວ່າ ການທຳລາຍ ອາຄານດັ່ງກ່າວແມ່ນໄດ້ເກີດຂຶ້ນ ໂດຍບໍ່ໄດ້ຮັບການແຈ້ງໂດຍເຈົ້າໜ້າທີ່ໃນໂຮງ ໝໍໄດ້ແນວ ໃດ. ລາຍງານເວົ້າວ່າພະນັກງານໂຮງໝໍ 3 ຄົນໄດ້ຮັບບາດເຈັບໃນເຫດ ການດັ່ງກ່າວ. ນອກນັ້ນໜັງສືພິມໃນທ້ອງຖິ່ນຍັງໄດ້ກ່າວວ່າ ສົບຄົນ ຕາຍ 6 ສົບຈາກໂຮງເກັບສົບໄດ້ ຖືກຝັງໃນຊາກຫັກພັງ ແລະ ອຸປະກອນການແພດທີ່ມີມູນຄ່າ 6 ແສນໂດລາໄດ້ຮັບ ຄວາມເສຍຫາຍ.
ຮູບພາບທີ່ຖືກເຜີຍແຜ່ໂດຍບັນດານັກຂ່າວຂອງ ຈີນ ໄດ້ສະແດງໃຫ້ເຫັນວ່າຫຼາຍ ຫ້ອງໃນໂຮງ ໝໍທີ່ມີເພດານພັງລົງມາ, ຝາດິນຈີ່ແຕກຫັກເປັນກ້ອນ, ແລະ ເສດຊາກຫັກພັງຢ່າງຫຼວງ ຫຼາຍ ແລະ ສາຍໄຟກະຈາຍໄປທົ່ວພື້ນຂອງໂຮງໝໍ.
ເຈົ້າໜ້າທີ່ໃນທ້ອງຖິ່ນໄດ້ກ່າວຕໍ່ອົງການຂ່າວ ຝຣັ່ງ ຫຼື AFP ວ່າບັນດານັກສືບ ສວນສອບສວນ ແມ່ນກຳລັງຊອກຫາວ່າເຫດການດັ່ງກ່າວແມ່ນເກີດຂຶ້ນ ໄດ້ແນວ ໃດ, ແຕ່ບໍ່ຄາດວ່າຈະປະ ກາດໃຫ້ຮູ້ໄດ້ເຖິງການຄົ້ນພົບເຫັນໃດໆຈົນຮອດ ວັນຈັນມື້ອື່ນນີ້.