ລິ້ງ ສຳຫລັບເຂົ້າຫາ

logo-print

ຈີນ ທຸ້ມເທ ການລົງທຶນ ຂະໜາດໃຫຍ່ ໃນປະເທດ ອອສເຕຣເລຍ


ພາຍຖ່າຍຕອນຍາມຕາເວັນຕົກ ຂອງເຮືອນລາຄາ ເປັນລ້ານຫຼາຍຫຼັງ ທີ່ກຳລັງຢູ່ໃນລະຫວ່າງການປຸກສ້າງ ໃນພາກໃຕ້ຂອງນະຄອນ Sydney, ວັນທີ 14 ສິງຫາ 2014.

ຈີນເປັນຕ່າງປະເທດທີ່ລົງທຶນຢູ່ໃນອອສເຕເຣຍ ທີ່ໃຫຍ່ທີ່ສຸດ
ອັນດັບສອງ ໂດຍມີຜົນປະໂຫຽດ ຫຼາຍຂຶ້ນເລື້ອຍໆ ໃນພາກ
ສ່ວນຕ່າງໆຂອງເສດຖະກິດ ທີ່ຫຼາກຫຼາຍ ຈາກກະສິກຳ ອະສັງ
ຫາລິມະຊັບ ແລະ ພະລັງງານທົດແທນ. ໃນຂະນະທີ່ ລັດຖະບານ
ໃນນະຄອນຫຼວງ Canberra ຍິນດີຮັບເອົາ ການລົງທຶນຈາກ
ຕ່າງປະເທດຢູ່ນັ້ນ ກໍໄດ້ມີການຄັດຄ້ານ ຕໍ່ການຫລັ່ງໄຫລເຂົ້າໄປ
ຂອງທຶນຮອນຈາກຈີນຢູ່. ຜູ້ສື່ຂ່າວອີໂອເອ Phil Mercer ລາຍ
ງານກ່ຽວກັບເລື່ອງນີ້ ຈາກນະຄອນ ຊິດນີ້ ຊຶ່ງໄຊຈະເລີນສຸກ ຈະ
ນຳມາສະເໜີທ່ານ ໃນອັນດັບຕໍ່ໄປ.


ຈີນເປັນຜູ້ລົງທຶນ ອັນດັບສອງ ຕໍ່ຈາກສະຫະລັດ ໃນຂະໜາດມູນຄ່າການລົງທຶນຂອງຕົນ
ຢູ່ໃນອອສເຕຣເລຍ. ຕົວເລກນັ້ນ ແມ່ນໄດ້ມາຈາກບໍລິສັດການເງິນ KPMG ແລະ ມະຫາ
ວິທະຍາໄລ Sydney ເມື່ອບໍ່ດົນມານີ້ ຊຶ່ງສະແດງໃຫ້ເຫັນວ່າ ລັດ New South Wales
ໄດ້ດຶງດູດ ເອົາການລົງທຶນຈາກຊາວຈີນ ຫຼາຍກວ່າ 70 ເປີເຊັນ. ພາກສ່ວນທີ່ນິຍົມ ຫຼາຍ
ທີ່ສຸດ ແມ່ນລະບົບໂຄງລ່າງພື້ນຖານ ແລະ ອະສັງຫາລິມະຊັບດ້ານພານິດ ໃນຂະນະທີ່
ຜົນປະໂຫຽດຂອງຊາວຈີນ ຢູ່ໃນພາກ ອຸດສາຫະກຳ ຂຸດຄົ້ນບໍ່ແຮ່ ແມ່ນກຳລັງຈາງຫາຍໄປ.

ທ່ານ Hans Hendrischke ເປັນອາຈານ ສອນວິຊາ ທຸລະກິດ ແລະ ການບໍລິຫານ ຂອງ
ຈີນ ຢູ່ທີ່ມະຫາວິທະຍາໄລ Sydney.

ທ່ານ Hendrischke ເວົ້າວ່າ “ແນວໂນ້ມທີ່ສຳຄັນໃນປັດຈຸບັນນີ້ ແລະ ສິ່ງທີ່ເຫັນໄດ້
ຢ່າງຊັດເຈນ ຈາກປີກາຍນີ້ ກໍແມ່ນການລົງທຶນ ໃນອະສັງຫາລິມະຊັບ ດ້ານພານິດ
ແລະການລົງທຶນ ຂະໜາດໃຫຍ່. ແຕ່ຊ່ວງໜ້າຕໍ່ໄປ ຈະແມ່ນ ພາກສ່ວນອື່ນ ເຊັ່ນດ້ານ
ການພັກຜ່ອນ ແລະການບັນເທີງ ແລະ ດ້ານພະລັງງານທົດແທນ.”

ຄາດກັນວ່າ ການລົງທຶນຂອງຈີນ ໃນພາກສ່ວນ ກະສິກຳຂອງອັອສເຕຣເລຍ ແມ່ນຈະ
ເພີ້ມຂຶ້ນ ຫຼັງຈາກມີການໃຫ້ສັດຕະຍາບັນຕໍ່ຂໍ້ຕົກລົງການຄ້າເສລີ ເມື່ອເດືອນທັນວາ ປີ
ກາຍນີ້. ແຕ່ການຊື້ສວນ ແລະ ທີ່ດິນນັ້ນ ແມ່ນມີບັນຫາຂັດແຍ້ງກັນຢູ່.

ລັດຖະບານໃນນະຄອນຫຼວງ Canberra ໄດ້ຖືກຕຳນິ ສຳລັບການອະນຸຍາດໃຫ້ຂາຍ
ທຸລະກິດຟາມລ້ຽງງົວຜະລິດນ້ຳນົມ ທີ່ໃຫຍ່ທີ່ສຸດຂອງອັອສເຕຣເລຍ ທີ່ປະກອບດ້ວຍ
25 ຟາມ ແລະ ງົວພັນນົມ 30,000 ໂຕ ໃຫ້ແກ່ນັກລົງທຶນຈີນ.

ນັກທຸລະກິດຍິງ ທ່ານນາງ Jan Cameron ພະຍາຍາມ ຈະຊື້ເອົາ ວິສາຫະກິດທີ່ຕັ້ງຢູ່
Tasmania ແຕ່ບໍ່ປະສົບຜົນສຳເລັດ ແລະ ເຊື່ອວ່າ ການຂາຍວິສາຫະກິດນັ້ນ ໃຫ້ແກ່ຈີນ
ຈະບໍ່ເປັນຜົນປະໂຫຍດແກ່ອອສເຕຣເລຍເລີຍ.

ຮູບພາບອາຄານສຳນັກງານໃຫຍ່ ຂອງບໍລິສັດ China Investment Corporation ຢູ່ໃນນະຄອນຫຼວງປັກກິ່ງຂອງຈີນ.
ຮູບພາບອາຄານສຳນັກງານໃຫຍ່ ຂອງບໍລິສັດ China Investment Corporation ຢູ່ໃນນະຄອນຫຼວງປັກກິ່ງຂອງຈີນ.

​ທ່ານນາງ Cameron ເວົ້າວ່າ “ພວກເຂົາເຈົ້າພະຍາຍາມ ຊື້ເອົາຊັບສິນ ຢູ່ໃນອອສເຕຣເລຍ
ເພື່ອຮອງຮັບພົນລະເມືອງຂອງພວກເຂົາເຈົ້າ. ຂ້າພະເຈົ້າ ບໍ່ໂທດພວກເຂົາເຈົ້າ ສຳລັບ
ອັນນັ້ນ ແຕ່ໃນລະດັບໃດນຶ່ງ ມັນເປັນຜົນເສຍຫາຍຂອງພວກເຮົາເອງ. ແລະມວນຊົນ
ຂອງ ອອສເຕຣເລຍ ຈະຕ້ອງເຂົ້າໃຈວ່າ ເພາະວ່າຈີນຕ້ອງການຄວາມໝັ້ນຄົງ ທາງດ້ານ
ອາຫານ ຢູ່ໃນຈີນ ພວກເຂົາເຈົ້າຈະບໍ່ຍອມຂາຍຊັບສິນດ້ານກະສິກຳ ທີ່ພວກເຂົາຊື້ໄປ
ແລ້ວ ໃນແຫ່ງນີ້ ຈັກເທື່ອ.”


ບໍລິສັດຮຸ້ນສ່ວນເອກະຊົນຂອງຈີນ ຍັງໄດ້ຊື້ຟາມງົວພັນນົມ ຢູ່ໃນເຂດຕ່າງໆ ຂອງ
ອອສເຕຣເລຍ ນຳອີກດ້ວຍ.

ຊາວສວນຂອງເມືອງ Victoria ທ່ານ Craig Aplin ເຊື່ອວ່າ ການລົງທຶນຈາກຕ່າງປະເທດ
ຄວນໄດ້ຮັບການຕິດຕາມເບິ່ງຢ່າງຄັກແນ່.

ທ່ານ Aplin ເວົ້າວ່າ “ໂອ້ ຂ້າພະເຈົ້າຍັງຢາກຄິດວ່າ ຮາກຖານຂອງການກະສິກຳ ຂອງ
ອອສເຕຣເລຍ ຈະຍັງຄົງຢູ່ກັບພວກຄົນອອສເຕຣເລຍຄືເກົ່າ ທ່ານຮູ້ຈັກບໍ່ວ່າ ໃຫ້ມັນ
ເປັນກຳລັງແຮງງານ. ແລະ ບໍ່ພຽງແຕ່ອັນນັ້ນ ມັນເປັນສະພາບແວດລ້ອມ ອັນດີທີ່ສຸດ
ທີ່ຈະລ້ຽງດູພວກລູກຫຼານຂອງພວກເຮົາ.”

ໃນອີກດ້ານນຶ່ງ ທີ່ເປັນບັນຫາຂັດແຍ້ງກັນ ກໍແມ່ນ ອະສັງຫາລິມະຊັບດ້ານທີ່ຢູ່ອາໄສ. ເຖິງ
ແມ່ນວ່າ ຄວາມຮຽກຮ້ອງຕ້ອງການ ທີ່ເພີ້ມຂຶ້ນຢ່າງຫຼວງຫຼາຍ ຈະຫລຸດລົງ ໃນສອງສາມ
ເດືອນບໍ່ດົນມານີ້ກໍຕາມ ແຕ່ເງິນຫຼາຍລ້ານໂດລາຂອງຊາວຈີນ ແມ່ນໄດ້ຖືກທຸ້ມເທລົງໃສ່
ການຊື້ຂາຍຊັບສິນອາຄານທີ່ຢູ່ອາໄສ.

ນາງ Monika Tu ເປັນນາຍໜ້າຊື້ຂາຍ ດ້ານອະສັງຫາລິມະຊັບ ທີ່ມີຫ້ອງການຕັ້ງຢູ່ໃນ
ນະຄອນ Sydney ທີ່ຊ່ອຍເສດຖີຈີນ ຫຼາຍຄົນ ຊື້ເຮືອນຊານທີ່ຫຼູຫຼາ ຢູ່ໃນອອສເຕຣເລຍ.

ນາງ Tu ເວົ້າວ່າ “ໃນໄລຍະບໍ່ເທົ່າໃດປີຜ່ານມານີ້ ຍ້ອນວ່າ ລັດຖະບານ ໄດ້ປ່ຽນແປງ
ລະບົບ ວິຊາ ຂອງພວກເຂົາເຈົ້າ ສະນັ້ນແລ້ວ ພວກເຂົາເຈົ້າ ຈຶ່ງຍິນດີຕ້ອນຮັບເອົາ
ພວກນັກລົງທຶນຈາກຕ່າງປະເທດ ເຂົ້າມາຫຼາຍຂຶ້ນ. ດັ່ງນັ້ນ ພວກເຮົາຈຶ່ງໄດ້ເຫັນພວກ
ຊາວຈີນ ລະດັບສູງສຸດ ຫຼາຍຂຶ້ນເລື້ອຍໆ.”

ພວກນັກສຶກສາຈີນ ຫຼາຍໝື່ນຄົນ ເຂົ້າຮຽນຢູ່ທີ່ໂຮງຮຽນ ແລະ ມະຫາວິທະຍາໄລຕ່າງໆ
ຂອງອອສເຕຣເລຍ. ບາງສ່ວນ ຈະເລີ້ມສະແຫວງຫາອາຊີບຕ່າງໆ ຫຼັງຈາກຮຽນຈົບແລ້ວ
ໂດຍໄດ້ຮັບການອູ້ມຊູຈາກການລົງທຶນໃນຊັບສິນຂອງຄອບຄົວນັ້ນ ອີງຕາມ ທ່ານ David
Milton ຜູ້ອຳນວຍການ ຂອງບໍລິສັດ CBRE ທີ່ໃຫ້ການບໍລິການ ດ້ານອະສັງຫາລິມະຊັບ
ຢູ່ໃນນະຄອນ Sydney.

ທ່ານ Milton ເວົ້າວ່າ “ແນວໂນ້ມອັນນຶ່ງ ກໍຈະແມ່ນ ຫຼື ຈະເປັນແນວໂນ້ມຫຼັກ ຂອງພວກ
ຜູ້ຊື້ຊາວຈີນ ກໍແມ່ນວ່າ ສ່ວນຫຼາຍ ພວກເຂົາເຈົ້າມີລູກຄົນດຽວ ສະນັ້ນ ພວກເຂົາເຈົ້າ
ມັກຈະລົງທຶນຢູ່ນອກປະເທດ ບ່ອນທີ່ລູກຂອງເຂົາເຈົ້າໄປຮຽນຢູ່ມະຫາວິທະຍາໄລ ຫຼື
ບ່ອນທີ່ພວກເຂົາເຈົ້າຈະໄປຕັ້ງຖິ່ນຖານຢູ່. ສະນັ້ນ ເງິນກໍຈະຕິດຕາມຄອບຄົວໄປພ້ອມ
ເຊັ່ນກັນ.”

ໃນປີ 2014 ໄດ້ມີການກະປະມານວ່າ ການລົງທຶນຂອງຊາວຈີນ ທີ່ໄດ້ທຸ້ມເທເຂົ້າໄປໃນ
ອອສເຕຣເລຍ ມີມູນຄ່າເຖິງ 8.35 ຕື້ໂດລາ. ບັນດານັກຊ່ຽວຊານ ຢູ່ທີ່ມະຫາວິທະຍາໄລ
Sydney ເຊື່ອວ່າ ຕົວເລກນັ້ນ ຈະເພີ້ມຂຶ້ນອີກ ໃນຂະນະທີ່ພວກນັກລົງທຶນໃນຈີນ ໄດ້ຖືກ
ດຶງດູດຈິດໃຈ ໂດຍພາບພົດເສດຖະກິດ ຂອງອອສເຕຣເລຍ ທີ່ຂ້ອນຂ້າງ ຢູ່ໃນທາງບວກ
ແລະ ສະຖາບັນທີ່ໝັ້ນຄົງ ນັ້ນ.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG