ຈີນໄດ້ຕັດສິນໃຈວ່າຈະບໍ່ສົ່ງເຈົ້າໜ້າທີ່ການເງິນອາວຸໂສສູງສຸດຂອງຕົນໄປຮ່ວມກອງປະຊຸມກອງທຶນສາກົນ ຫຼື IMF ທີ່ນະຄອນຫຼວງໂຕກຽວໃນອາທິດນີ້ ໃນຂະນະທີ່ຂໍ້ຂັດແຍ້ງດ້ານເຂດນໍ້າແດນດິນຍັງສືບຕໍ່ສ້າງຄວາມຕຶງຄຽດໃຫ້ແກ່ຄວາມສໍາພັນການທູດລະຫວ່າງທັງສອງປະເທດມະຫາອໍາ ນາດຂົງເຂດເອເຊຍຢູ່ນັ້ນ.
ອົງການກອງທຶນສາກົນ ຫຼື IMF ກ່າວເມື່ອວັນພຸດມື້ນີ້ວ່າ ທ່ານ Zhou Xiaochuan ຜູ້ວ່າການທະນາຄານປະຊາຊົນຈີນ ໄດ້ຍົກເລີກການໄປ ຮ່ວມກອງປະຊຸມຂອງທ່ານ ຍ້ອນອັນທີ່ປັກກິ່ງເອີ້ນວ່າ ຂໍ້ຂັດແຍ້ງກ່ຽວກັບ ໝາຍກຳນົດການເຮັດວຽກ. ທ່ານ Zhou ມີກໍານົດຈະເປັນຜູ້ກ່າວປະທະກະຖາທີ່ສໍາຄັນ ຕໍ່ກອງປະຊຸມດັ່ງກ່າວ ແຕ່ກໍປ່ຽນໃຈ ແລະຈະສົ່ງຜູ້ຮອງຂອງທ່ານໄປແທນ.
ສື່ມວນຊົນຂອງທາງການຈີນເວົ້າວ່າ ຄະນະຜູ້ແທນຂອງຈີນຈະນໍາພາໂດຍ ທ່ານ Yi Gang ຮອງຜູ້ວ່າການທະນາຄານປະຊາຊົນຈີນ ແລະທ່ານ Zhu Guangyao ຮອງລັດຖະມົນຕີການເງິນ ແລະຍັງເວົ້າອີກວ່າ ທະນາຄານທີ່ສຳຄັນຂອງຈີນ 4 ທະນາຄານກໍໄດ້ຖອນຕົວ ບໍ່ຍອມເຂົ້າ ຮ່ວມກອງປະຊຸມປະຈໍາປີຂອງອົງການ IMF ແລະທະນາຄານໂລກ ດັ່ງ ກ່າວນໍາເຊັ່ນກັນ.
ທ່ານ Osamu Fujimura ຫົວໜ້າກອງເລຂາ ປະຈຳຄະນະລັດຖະບານຍີ່ປຸ່ນ ໄດ້ສະແດງຄວາມເສຍໃຈຫຼາຍກ່ຽວກັບການຖອນຕົວຂອງຈີນ.
ທ່ານ Fujimura ກ່າວວ່າ “ຖ້າຫາກວ່າບັນດາຜູ້ແທນການເງິນໄດ້ຕັດສິນໃຈວ່າຈະ ບໍ່ເຂົ້າຮ່ວມໃນກອງປະຊຸມບັ້ນສໍາຄັນທີ່ຈະຈັດຂຶ້ນທີ່ກຸງໂຕກຽວຄັ້ງນີ້ແລ້ວ ຂ້າພະເຈົ້າກໍຄິດວ່າ ມັນໜ້າເສຍໃຈຫຼາຍ. ແຕ່ແນວໃດກໍດີ ຄວາມສໍາພັນທາງເສດຖະ ກິດແບບສອງຝ່າຍນັ້ນມີຄຸນຄ່າຢູ່ ດັ່ງນັ້ນ ມັນເປັນຄວາມເຕັມໃຈຂອງຍີ່ປຸ່ນທີ່ຈະ
ສື່ສໍາພັນກັບຈີນ ຢ່າງມີປະສິດທິຜົນ.”
ການຍົກເລີກດັ່ງກ່າວຂອງຈີນ ແມ່ນມີຂຶ້ນທ່າມກາງຂໍ້ຂັດແຍ້ງທີ່ຮ້າຍແຮງ ນັບມື້ກ່ຽວກັບໝູ່ເກາະທີ່ບໍ່ມີຄົນຢູ່ອາໄສ ໃນເຂດທະເລຈີນຕາເວັນອອກ ຊຶ່ງໄດ້ເປັນໄພຂົ່ມຂູ່ຕໍ່ຄວາມສໍາພັນທາງການຄ້າທີ່ສໍາຄັນລະຫວ່າງສອງປະເທດເສດຖະກິດທີ່ໃຫຍ່ທີ່ສຸດຂອງຂົງເຂດເອເຊຍ ໄປແລ້ວນັ້ນ.
ອົງການກອງທຶນສາກົນ ຫຼື IMF ກ່າວເມື່ອວັນພຸດມື້ນີ້ວ່າ ທ່ານ Zhou Xiaochuan ຜູ້ວ່າການທະນາຄານປະຊາຊົນຈີນ ໄດ້ຍົກເລີກການໄປ ຮ່ວມກອງປະຊຸມຂອງທ່ານ ຍ້ອນອັນທີ່ປັກກິ່ງເອີ້ນວ່າ ຂໍ້ຂັດແຍ້ງກ່ຽວກັບ ໝາຍກຳນົດການເຮັດວຽກ. ທ່ານ Zhou ມີກໍານົດຈະເປັນຜູ້ກ່າວປະທະກະຖາທີ່ສໍາຄັນ ຕໍ່ກອງປະຊຸມດັ່ງກ່າວ ແຕ່ກໍປ່ຽນໃຈ ແລະຈະສົ່ງຜູ້ຮອງຂອງທ່ານໄປແທນ.
ສື່ມວນຊົນຂອງທາງການຈີນເວົ້າວ່າ ຄະນະຜູ້ແທນຂອງຈີນຈະນໍາພາໂດຍ ທ່ານ Yi Gang ຮອງຜູ້ວ່າການທະນາຄານປະຊາຊົນຈີນ ແລະທ່ານ Zhu Guangyao ຮອງລັດຖະມົນຕີການເງິນ ແລະຍັງເວົ້າອີກວ່າ ທະນາຄານທີ່ສຳຄັນຂອງຈີນ 4 ທະນາຄານກໍໄດ້ຖອນຕົວ ບໍ່ຍອມເຂົ້າ ຮ່ວມກອງປະຊຸມປະຈໍາປີຂອງອົງການ IMF ແລະທະນາຄານໂລກ ດັ່ງ ກ່າວນໍາເຊັ່ນກັນ.
ທ່ານ Osamu Fujimura ຫົວໜ້າກອງເລຂາ ປະຈຳຄະນະລັດຖະບານຍີ່ປຸ່ນ ໄດ້ສະແດງຄວາມເສຍໃຈຫຼາຍກ່ຽວກັບການຖອນຕົວຂອງຈີນ.
ທ່ານ Fujimura ກ່າວວ່າ “ຖ້າຫາກວ່າບັນດາຜູ້ແທນການເງິນໄດ້ຕັດສິນໃຈວ່າຈະ ບໍ່ເຂົ້າຮ່ວມໃນກອງປະຊຸມບັ້ນສໍາຄັນທີ່ຈະຈັດຂຶ້ນທີ່ກຸງໂຕກຽວຄັ້ງນີ້ແລ້ວ ຂ້າພະເຈົ້າກໍຄິດວ່າ ມັນໜ້າເສຍໃຈຫຼາຍ. ແຕ່ແນວໃດກໍດີ ຄວາມສໍາພັນທາງເສດຖະ ກິດແບບສອງຝ່າຍນັ້ນມີຄຸນຄ່າຢູ່ ດັ່ງນັ້ນ ມັນເປັນຄວາມເຕັມໃຈຂອງຍີ່ປຸ່ນທີ່ຈະ
ສື່ສໍາພັນກັບຈີນ ຢ່າງມີປະສິດທິຜົນ.”
ການຍົກເລີກດັ່ງກ່າວຂອງຈີນ ແມ່ນມີຂຶ້ນທ່າມກາງຂໍ້ຂັດແຍ້ງທີ່ຮ້າຍແຮງ ນັບມື້ກ່ຽວກັບໝູ່ເກາະທີ່ບໍ່ມີຄົນຢູ່ອາໄສ ໃນເຂດທະເລຈີນຕາເວັນອອກ ຊຶ່ງໄດ້ເປັນໄພຂົ່ມຂູ່ຕໍ່ຄວາມສໍາພັນທາງການຄ້າທີ່ສໍາຄັນລະຫວ່າງສອງປະເທດເສດຖະກິດທີ່ໃຫຍ່ທີ່ສຸດຂອງຂົງເຂດເອເຊຍ ໄປແລ້ວນັ້ນ.
