ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ເງິນຢວນຂອງຈີນ ອາດເປັນເງິນຕາສະກຸນລວມ ທີ່ນຳໃຊ້ໃນ ອາຊຽນ ນັກວິຊາການໄທ ກ່າວ


ພະນັກງານທະນາຄານຄົນນຶ່ງກຳລັງນັບເງິນຢວນ ໃບນຶ່ງຮ້ອຍຢວນ ແລະເງິນໂດລາສະຫະລັດ ຢູ່ທີ່ທະນາຄານແຫ່ງນຶ່ງ. (Photo by AFP)
ພະນັກງານທະນາຄານຄົນນຶ່ງກຳລັງນັບເງິນຢວນ ໃບນຶ່ງຮ້ອຍຢວນ ແລະເງິນໂດລາສະຫະລັດ ຢູ່ທີ່ທະນາຄານແຫ່ງນຶ່ງ. (Photo by AFP)

ການນຳໃຊ້ເງິນຢວນໃນການຊຳລະສະສາງຄ່າສິນຄ້າແລະການລົງທຶນ ລະຫວ່າງອາຊຽນກັບຈີນ ຈະເພີ້ມຂຶ້ນນັບມື້ ແລະຈະເປັນການຫລຸດການນຳໃຊ້ດອນລາຂອງສະຫະລັດ ໃນອາຊຽນໃຫ້ໜ້ອຍລົງນັບມື້ເຊັ່ນກັນ.

ຮສ.ດຣ. ສົມພົບ ມານະຣັງສັນ ອະທິການບໍດີຂອງສະຖາບັນການຈັດການປັນຍາພິວັດ ໄດ້ໃຫ້ທັດສະນະວ່າ ການຕົກລົງວ່າດ້ວຍການນຳໃຊ້ເງິນຕາສະກຸນທ້ອງຖິ່ນ ເພື່ອການຊຳລະສະສາງລາຄາສິນຄ້າແລະບໍລິການຕ່າງໆ ລວມເຖິງການລົງທຶນລະຫວ່າງຈີນກັບອາຊຽນ ນອກຈາກຈະເຮັດໃຫ້ມູນຄ່າການຄ້າ ແລະການລົງທຶນລະຫວ່າງຈີນ ກັບອາຊຽນມີທ່າອ່ຽງເພີ້ມຂຶ້ນນັບມື້ແລ້ວ ຍັງຈະເຮັດໃຫ້ເງິນຢວນຂອງຈີນ ມີອະດທິພົນຕໍ່ປະເທດສະມາຊິກຂອງອາຊຽນເພີ້ມຂຶ້ນນັບມື້ດ້ວຍເຊັ່ນກັນ ທັງຍັງຄາດວ່າ ເງິນຢວນຈະມີອິດທິພົນຕໍ່ອາຊຽນສູງກວ່າເງິນໂດລາສະຫະລັດ ໃນເວລາບໍ່ເກີນ 10 ປີຕໍ່ໜ້ານີ້ ເພາະຈີນກັບອາຊຽນຕ່າງກໍເປັນຄູ່ການຄ້າອັນດັບ 1 ລະຫວ່າງກັນໃນປັດຈຸບັນນີ້ ສ່ວນການລົງທຶນຂອງຈີນໃນອາຊຽນນັ້ນ ກໍເພີ້ມຂຶ້ນທຸກປີ ທັງຍັງເປັນການລົງທຶນ ທີ່ຄອບຄຸມທຸກດ້ານໃນທັງ 10 ປະເທດສະມາຊິກຂອງອາຊຽນອີກດ້ວຍ ດັ່ງນັ້ນ ຈຶ່ງເຊື່ອວ່າ ອາຊຽນຈະຫລຸດການນຳໃຊ້ເງິນໂດລາສະຫະລັດ ແລະຫັນມາໃຊ້ເງິນຢວນຫຼາຍຂຶ້ນຈົນແຊງໜ້າເງິນໂດລາສະຫະລັດຢ່າງແນ່ນອນ ດັ່ງທີ່ ຮສ.ດຣ. ສົມພົບ ໄດ້ໃຫ້ການຢືນຢັນວ່າ:

“ຂ້ອຍວ່າ ປະເທດຕ່າງໆ ເຫຼົ່ານີ້ ກໍຄົງຈະ By Pass ດອນລາເພີ້ມຫຼາຍຂຶ້ນ ທັງເລື້ອງຂອງເຫັນເຖິງປັດໄຈສ່ຽງດ້ວຍ ທັງເລື້ອງທີ່ເປັນ Flight ບັງຄັບທີ່ເຮັດໃຫ້ໂອກາດໃນການທີ່ຈະມາໃຊ້ເງິນຕາ ຢ່າງໜ້ອຍເລີ້ມຕົ້ນຈາກສອງຝ່າຍ ຄືຈາກຄູ່ຄ້າກ່ອນ ແລະຕໍ່ໄປກໍຄົງຈະຂະຫຍາຍເປັນຫຼາຍຝ່າຍ ກໍຄື ການສ້າງເງິນທີ່ເປັນສະກຸນລວມຂຶ້ນມາ ເງິນຕາສະກຸນລວມນີ້ ແນ່ນອນກໍໜ້າຈະເປັນເງິນຢວນນີ້ແຫລະ ເປັນສູນກາງ-ໃຈກາງສຳຄັນ ເໝືອນທີ່ດອນລາມີບົດບາດສຳຄັນໃນໂລກຂອງຕາເວັນຕົກແບບທຸກມື້ນີ້.”

ຟໍຣັມສະແດງຄວາມຄິດເຫັນ

XS
SM
MD
LG