ສື່ມວນຊົນຂອງທາງການຈີນ ກ່າວວ່າ ມີຜູ້ເສຍຊີວິດຢ່າງໜ້ອຍ 12 ຄົນເມື່ອວັນອັງຄານ
ວານນີ້ໃນລະຫວ່າງເຫດການຄວາມຮຸນແຮງຢູ່ໃນເຂດ Xinjiang ທີ່ສອກຫລີກທາງພາກ
ຕາເວັນຕົກສຽງເໜືອຂອງຈີນນັ້ນ.
ອົງການຂ່າວຊິນຫົວຂອງຈີນກ່າວວ່າພວກກໍ່ການຈະລາຈົນໄດ້ສັງຫານ 10 ຄົນ ແລະເຮັດ
ໃຫ້ບາດເຈັບອີກຫລາຍຄົນຢູ່ທີ່ເມືອງ Yecheng ໃກ້ ເມືອງ Kashgar ຊຶ່ງພວກກໍ່ຈະລາ
ຈົນສອງຄົນ ຖືກຕໍາຫລວດຍິງບາດ ເຈັບສາຫັດ. ກຸ່ມທີ່ເປັນຕົວແທນຂອງປະຊາຊົນ ຊາວ
ມຸສລິມເຜົ່າວິເກີໃນຂົງເຂດດັ່ງກ່າວທີ່ຕັ້ງຢູ່ຕ່າງປະເທດ ແຈ້ງໃຫ້ອົງການຂ່າວຕ່າງໆຊາບວ່າ
ການເສຍຊີວິດແມ່ນເກີດຂຶ້ນໃນລະຫວ່າງການປະທະກັນບັ້ນນຶ່ງລະຫວ່າງຊາວວິເກີແລະກໍາ
ລັງຮັກສາຄວາມປອດໄພຂອງຈີນ.
ອົງການຂ່າວຊິນຫົວກ່າວວ່າ ໄດ້ມີການອອກຕາມລ່າເພື່ອຈັບຕົວຜູ້ກໍ່ເຫດຄວາມຮຸນແຮງດັ່ງ
ກ່າວນີ້ແລ້ວ.
ເຂດຊິນຈຽງ ນັບວ່າເປັນເຂດທີ່ເກີດຄວາມວຸ້ນວາຍຕະຫລອດມາໃນໄລຍະບໍ່ເທົ່າໃດປີຜ່ານ
ມານີ້ໂດຍການສູ້ລົບກັນ ລະຫວ່າງຊາວວິເກີຊຶ່ງເປັນຊົນເຜົ່າ ພື້ນເມືອງ ແລະຊາວຈີນຫັນ.
ເຫດການປະທະກັນທີ່ຮຸນແຮງທີ່ສຸດແມ່ນເກີດຂຶ້ນໃນປີ 2009 ເວລາຊາວວິເກີໄດ້ທໍາການ
ໂຈມຕີພວກຊາວຈີນຫັນຢູ່ໃນເຂດເມືອງຫລວງ Urumqui ທີ່ຍັງຜົນໃຫ້ມີຜູ້ເສຍຊີວິດຢ່າງ
ໜ້ອຍ 197 ຄົນນັ້ນ.
