ລິ້ງ ສຳຫລັບເຂົ້າຫາ

ວັນຈັນ, ໑໗ ມິຖຸນາ ໒໐໒໔

ຮອງປະທານ ປະເທດຈີນ ທ່ານ Xi Jinping ຢ້ຽມຢາມສະຫະລັດ


ຮອງປະທານປະເທດທ່ານ Xi Jingping ເດີນທາງມາຢ້ຽມຢາມສະຫະລັດ ຢ່າງເປັນທາງການເປັນເວລາສອງ ວັນ (13 ກຸມພາ 2012)
ຮອງປະທານປະເທດທ່ານ Xi Jingping ເດີນທາງມາຢ້ຽມຢາມສະຫະລັດ ຢ່າງເປັນທາງການເປັນເວລາສອງ ວັນ (13 ກຸມພາ 2012)

ຮອງ​ປະທານ​ປະ​ເທດຈີນ ທ່ານ Xi Jinping ພົບ​ປະ​ກັບປະທານາທິບໍດີ ບາຣັກ ໂອ​ບາ​ມາ ​
ທີ່​ທໍາ​ນຽບຂາວ ໃນ​ວັນ​ອັງຄານມື້​ນີ້ຊຶ່ງ​ທ່ານ ເປັນ​ທີ່​ຄາດ​ກັນ​ວ່າ ​ທ່ານ​ຈະຮຽກຮ້ອງ​ໃຫ້​ມີ
​ການ​ເອົາ​ມາດ​ຕະການ​ເສີມສ້າງ​ຄວາມ​ໄວ້​ເນື້ອ​ເຊື່ອ​ໃຈລະຫວ່າງ​ປະ​ເທດ​ທັງ​ສອງ.

ຜູ້​ທີ່​ກໍາລັງ​ລໍຖ້າຈະ​ເປັນ​ຜູ້ນຳ​ຄົນ​ຕໍ່​ໄປ​ຂອງ​ຈີນ​ທ່ານ​ນີ້ ຈະ​ເລີ້ມຕົ້ນ​ການ​ຢ້ຽມຢາມ​ຂອງ​ທ່ານ
ໃນ​ມື້ນີ້ດ້ວຍ​ການ​ໂອ້​ລົມ​ສົນທະນາ​ກັບຮອງ​ປະທານາທິບໍດີສະຫະລັດ ທ່ານ Joe Biden
ເຈົ້າພາບ​ທີ່​ໃຫ້ການ​ຕ້ອນຮັບ​ທ່ານ​ຢ່າງ​ເປັນ​ທາງການຕິດຕາມ​ມາ​ດ້ວຍ​ການພົບ​ປະ​ກັບ
ປະທານ​ທິບໍດີ ​ໂອ​ບາ​ມາ ທີ່ທໍາ​ນຽບຂາວ. ມີ​ທ່າ​ທາງ​ວ່າຫົວ​ຂໍ້​ໃນການ​ສົນທະນາຫາລື ​
ແມ່ນຈະ​ຮວມທັງ ບັນຫາ​ຂັດ​ແຍ້​ງທາງ​ດ້ານ​ເສດຖະກິດ ການ​ເສີມ​ສ້າງຄວາມ​ໄວ້​ເນື້ອ​ເຊື່ອ​ໃຈ
ຊຶ່ງ​ກັນ​ແລະ​ກັນ​ໃນ​ດ້ານ​ປ້ອງ​ກັນ​ປະ​ເທດ ​ແລະ ບັນຫາດ້ານ​ສິດທິ​ມະ​ນຸດ ຊຶ່ງ​ຮວມທັງ​ການ​
ເຜົາຕົວຕາຍ​ຂອງ​ພະ​ພິຂຸ​ສົງຕິ​ເບ​ດ ທີ່​ມີ​ມາ​ເປັນລຳດັບ​ນັ້ນ.

ຫລັງ​ຈາກ​ຮັບ​ປະທານ​ອາຫານ​ທ່ຽງ​ທີ່​ກະ​ຊວງ​ການ​ຕ່າງປະ​ເທດສະຫະລັດ ຊຶ່ງ​ເປັນ​ເຈົ້າພາບ
ໂດຍ​ຮອງ​ປະທານາທິບໍດີ Joe Biden ​ແລະ ລັດຖະ​ມົນຕີ​ກະ​ຊວງ​ການ​ຕ່າງປະ​ເທດ ທ່ານ
ນາງ Hillary Clinton ແລ້ວ ທ່ານ Xi ມີ​ກຳນົດຈະ​ພົບ​ປະ​ກັບ​ບັນດາພວກ​ນາຍທະຫານ
ສະຫະລັດ ທີ່​ທຳນຽບຫ້າ​ແຈ ​ແລ​ະຕິ​ດຕາມດ້ວຍການ​ພົບ​ປະ​ກັບ​ບັນດາ​ຜູ້​ນໍາ ດ້ານທຸລະ​ກິດ
ອາ​ເມ​ຣິ​ກັນ ແລະ*ຈີນ.

ທ່ານ Xi ​ໄດ້ເດີນ​ທາງ​ມາ​ເຖິງ​ໃນ​ມື້​ວັນ​ຈັນວານ​ນີ້​ທີ່ສະໜາ​ມບີນທະຫານ​ແຫ່ງ​ນຶ່ງ ຢູ່​ນອກ
ນະຄອນ​ຫລວງວໍ​ຊິງຕັນ ຊຶ່ງ​ທ່ານ​ໄດ້​ຖືກ​ຮັບ​ຕ້ອນ​ຈາກ​ບັນດາເຈົ້າ​ໜ້າ​ທີ່​ຂັ້ນ​ສູງ​ຂອງສະຫະລັດ.
ເອກ​ອັກ​ຄະ​ລັດ​ທະ​ທູດສະຫະລັດປະ​ຈໍາ​ປະ​ເທດ​ຈີນ​ ທ່ານ Gary Lock ກ່າວ​ວ່າການ​ມາ
ຢ້ຽມຢາມຂອງ​ທ່ານ Xi ​ໃນຄັ້ງ​ນີ້​ ແມ່ນ​ເປັນໂອກາດດີສຳ​ຫຼັບການສົນທະນາຫາລື​ກ່ຽວ​ກັບ​
ການ​ຂັດແຍ້​ງ​ໃນເລື່ອງການ​ຄ້າ​ແລະ​ບັນຫາ​ດ້ານ​ຄວາມ​ປອດ​ໄພ.

XS
SM
MD
LG