ປະທານປະເທດຈີນ ທ່ານ Xi Jinping ໄດ້ໃຫ້ຄຳໝັ້ນສັນຍາວ່າ
ປະເທດຂອງທ່ານ ຈະປະກອບສ່ວນ 2 ຕື້ໂດລາເຂົ້າໃນກອງທຶນ
ໃໝ່ຂອງໂລກ ພື່ອຊ່ວຍເຫຼືອບັນດາປະເທດທີ່ທຸກຍາກໃນດ້ານ
ການພັດທະນາ.
ໃນຄຳປາໄສຂອງທ່ານເມື່ອວັນເສົາວານນີ້ ຕໍ່ກອງປະຊຸມສຸດຍອດ
ການພັດທະນາຍືນຍົງ Sustainable Development Summit
ຢູ່ທີ່ ອົງການສະຫະປະຊາຊາດ ທ່ານ Xi ກ່າວວ່າ ຈີນ ຈະແນເປົ້າ
ໝາຍ ເພີ້ມການປະກອບສ່ວນຂອງຕົນຕໍ່ກອງທຶນຊ່ວຍເຫຼືອໂລກ
ຂຶ້ນເປັນ 12 ຕື້ໂດລາ ພາຍໃນປີ 2030.
ປະທານປະເທດຈີນ ໄດ້ໃຫ້ຄຳໝັ້ນສັນຍາ ທີ່ຈະສືບຕໍ່ການລົງທຶນໃນບັນດາປະເທດທີ່ມີ
ການ ພັດທະນາໜ້ອຍທີ່ສຸດ ແລະໄດ້ປະຕິຍານວ່າ ລັດຖະບານຂອງທ່ານ ຈະຕັດອອກ
ດອກເບ້ຍທີ່ຕ້ອງຊຳລະຄ່າເງິນກູ້ຢືມຕໍ່ປັກກິ່ງໂດຍບັນດາລັດຖະບານຂອງບັນດາປະເທດ
ທີ່ມີການພັດທະນາໜ້ອຍທີ່ສຸດ ແລະບັນດາປະເທດເກາະດອນນ້ອຍຕ່າງໆ ໃນປີນີ້.
ທ່ານ Xi ຍັງໄດ້ກ່າວວ່າ ຈີນ ຈະກໍ່ຕັ້ງສູນສາກົນ ເພື່ອອຳນວຍຄວາມສະດວກໃນການສຶກ
ສາ ແລະແລກປ່ຽນ ໂດຍບັນດາປະເທດ ໃນດ້ານການພັດທະນາ ແລະຈະສະເໜີສ້າງຕັ້ງ
ພະລັງງານອິນເຕີເນັດໂລກເພື່ອຊ່ວຍຕອບສະໜອງຄວາມຕ້ອງການດ້ານພະລັງງານຂອງ
ໂລກດ້ວຍພະລັງງານທາງເລືອກທີ່ສະອາດ.
ທ່ານກ່າວວ່າ ຈີນຈະດຳເນີນການ ໂດຍເຫັນແກ່ຄວາມຍຸດຕິທຳກ່ອນ ຜົນປະໂຫຍດ ແລະ
ເຂົ້າຮ່ວມກັບປະເທດອື່ນໆ ໃນການດຳເນີນຄວາມ ພະຍາຍມຮ່ວມກັນ ເພື່ອໃຫ້ບັນລຸເປົ້າ
ໝາຍການພັດທະນາຫຼັງປີ 2015 ທີ່ໄດ້ຮັບຮອງເອົາໂດຍອົງການສະຫະປະຊາຊາດນັ້ນ.
ໃນມື້ວັນສຸກຜ່ານມານີ້ ອົງການສະຫະປະຊາຊາດໄດ້ຕັ້ງເປົ້າໝາຍ ທີ່ຈະກຳຈັດຄວາມທຸກ
ຍາກທີ່ສຸດໃຫ້ໝົດໄປພາຍໃນປີ 2030 ແລະກ່າວວ່າຄວາມພະຍາຍາມດັ່ງກ່າວອາດຕ້ອງ
ໃຊ້ເງິນເຖິງ 5 ພັນຕື້ໂດລາຕໍ່ປີ.