ສື່ມວນຊົນຂອງທາງການຈີນເວົ້າວ່າ ມີຫລາຍກວ່າ 1,000 ຄົນແລ້ວໄດ້ຖືກຈັບກຸມ ນັບຕັ້ງ
ແຕ່ກາງເດືອນກຸມພາເປັນຕົ້ນມາ ໃນການກວາດລ້າງປາບປາມຢ່າງຮ້າຍແຮງຢູ່ໃນທົ່ວປະ
ເທດກ່ຽວກັບອັນທີ່ເອີ້ນວ່າ ອາຊະຍາກໍາທີ່ກ່ຽວພັນກັບອິນເທີເນັດ.
ອົງການຂ່າວຊິນຫົວທາງການຂອງຈີນ ໄດ້ລາຍງານເມື່ອທ້າຍເດືອນມີນາ ຜ່ານມານີ້ວ່າ
ຫົກຄົນຖືກຈັບກຸມໃນການປາບປາມຕໍ່ຕ້ານການເຜີຍແຜ່ຂ່າວລືທາງອິນເທີເນັດທີ່ເປັນອັນ
ຕະລາຍທີ່ພົວພັນກັບການຄາດຄະເນກັນຢ່າງກວ້າງຂວາງກ່ຽວກັບຄວາມບໍ່ສະຫງົບທາງ
ການເມືອງຢູ່ໃນປະເທດຈີນນັ້ນ.
ແຕ່ມີລາຍງານໃໝ່ສະບັບນຶ່ງຂອງອົງການຂ່າວຊິນຫົວເມື່ອອາທິດນີ້ ເວົ້າວ່າ ພວກຕ້ອງ
ສົງໄສ 1,065 ຄົນ ຖືກຈັບ. ນອກນີ້ແລ້ວຂ່າວຊິນຫົວຍັງເວົ້າອີກວ່າ ເວັບໄຊ້ 16 ແຫ່ງ
ຖືກປິດລົງ ແລະໄດ້ລຶບຖິ້ມຂໍ້ຄວາມ ທີ່ສົ່ງທາງອິນເທີເນັດທີ່ເປັນອັນຕະລາຍຫລາຍກວ່າ
208,000 ຂໍ້ຄວາມ.
ຕົວເລກດັ່ງກ່າວໄດ້ຖືກນໍາອອກເຜີຍແຜ່ຢູ່ໃນບົດບັນນາທິການບົດນຶ່ງທີ່ໃຫ້ຊື່ວ່າ Free
dom of Speech does not protect rumors ຫຼື ເສລີພາບທາງປາກເວົ້າບໍ່ໄດ້ປົກ
ປ້ອງຂ່າວລືແຕ່ຢ່າງໃດ. ລາຍງານເວົ້າອີກວ່າການກວດລ້າງປາບປາມນີ້ຖືວ່າຈໍາເປັນເພື່ອ
ຄໍ້າປະກັນສະຖຽນລະພາບທາງສັງຄົມ ໂດຍສະເພາະໄດ້ກ່າວເຖິງຂ່າວລືຕ່າງໆທາງອິນ
ເທີເນັດທີ່ແຜ່ລາມອອກໄປໃນເດືອນມີນາກ່ຽວກັບການກໍ່ລັດຖະປະຫານ ທີ່ອາດເປັນ
ໄປໄດ້ນັ້ນ.