ລັດຖະບານຈີນໄດ້ເຕືອນວ່າ ຈະມີການຊັກຊ້າຢ່າງໃຫຍ່ຂອງ
ຖ້ຽວບິນທີ່ຈະລົງຈອດໃນສະໜາມບິນນາໆຊາດ ທີ່ນະຄອນຊຽງໄຮ້
ແລະອີກສິບກວ່າສະໜາມບິນ ເລີ້ມຕົ້ນໃນວັນອັງຄານ ມື້ອື່ນນີ້.
ປັກກິ່ງໄດ້ກ່າວໃນວັນອາທິດວານນີ້ວ່າ ການຝຶກແອບທາງທະຫານ
ຈະສົ່ງຜົນກະທົບຕໍ່ ການບິນຢ່າງໃຫຍ່ຫຼວງ ຊຶ່ງຈະເລີ້ມຂຶ້ນໃນ
ສັບປະດານີ້ ໄປ ຈົນຮອດກາງເດືອນສິງຫາ ຄືເດືອນໜ້ານີ້.
ສື່ຂອງຈີນລາຍງານວ່າ ມີຫຼາຍຮ້ອຍຖ້ຽວບິນຫຼ້າຊ້າ ໃນອາທິດແລ້ວນີ້
ຢູ່ສະໜາມບິນ 2ແຫ່ງຂອງນະຄອນຊຽງໄຮ້: Pudong ແລະ Hong-
qiao ຍ້ອນການປະຕິບັດງານທາງທະຫານ. ໜັງສືຟິມລາຍວັນ ຊຽງໄຮ້ ເດລີ ລາຍງານ
ວ່າມີປະມານ 170 ຖ້ຽວບິນທີ່ ໄດ້ຫຼ້າຊ້າ ສະເພາະແຕ່ວັນພະຫັດແລ້ວນີ້ ມື້ດຽວເທົ່ານັ້ນ.
ຈີນກ່າວວ່າ ການປະຕິບັດທາງທະຫານເປັນສາເຫດຂອງການຊັກຊ້າຂອງຖ້ຽວບິນ ຈຳນວນບໍ່ເທົ່າໃດຖ້ຽວເທົ່ານັ້ນໃນເດືອນນີ້. ນອກນັ້ນແມ່ນເປັນຍ້ອນອາກາດບໍ່ດີ.
ກອງທັບຈີນ ແມ່ນຄວມຄຸມສ່ວນໃຫຍ່ຂອງເຂດອາກາດຂອງປະເທດ ຊຶ່ງເຮັດໃຫ້ການ
ຫຼ້າຊ້າຂອງຖ້ຽວບິນ ເປັນບັນຫາຢູ່ເລື້ອຍໆ.
ລັດຖະບານຈີນໄດ້ກ່າວວ່າ ຕົນຈະເປີດເຂດອາກາດໃຫ້ພວກຖ້ຽວບິນພົນລະເຮືອນໃຊ້ຫລາຍຂຶ້ນ ໃນໄລຍະການຝຶກແອບນັ້ນ ເພື່ອຊ່ວຍຜ່ອນຄາຍຄວາມແອອັດທາງອາກາດ.
