ຈີນຮຽກຮ້ອງໃຫ້ປະເທດຊາດ ທ້ອນໂຮມກັນເປັນນຶ່ງດຽວ ໃນທຸກໆເຂດທີ່ຖືວ່າ ເປັນດິນແດນຂອງຈີນ.
ໃນຄຳປາໄສເນື່ອງໃນພິທີຄົບຮອບ 150 ປີ ວັນເກີດຂອງປະທານປະເທດຈີນຄົນທຳອິດ ທ່ານ Sun Yat-sen ປະທານປະເທດຈີນ ທ່ານ Xi Jingping ກ່າວໃນວັນສຸກມື້ນີ້ວ່າ ຈີນຈະບໍ່ຍອມເດັດຂາດ ປ່ອຍໃຫ້ມີການດຳເນີນຄວາມພະຍາຍາມໃດໆ ໂດຍດິນແດນຕ່າງໆ ທີ່ຈະແຍກໂຕອອກຈາກປະເທດຈີນ.
ຄຳຖະແຫລງຂອງປະທານປະເທດ ມີຂຶ້ນໃນຂະນະທີຈີນໄດ້ໂຈະການສົນທະນາກັບໃຕ້ຫວັນທີ່ມີລັດຖະບານປົກຄອງຕົນເອງຈົນກວ່າໄຕ້ຫວັນຮັບຮູ້ ນະໂຍບາຍ “ຈີນດຽວ” ແລະຫລັງຈາກ ຈີນໄດ້ຫ້າມບໍ່ໃຫ້ເຈົ້າໜ້າທີ່ສອງຄົນ ທີ່ຖືກເລືອກເຂົ້າໄປນັ່ງຢູ່ໃນສະພາ Hong Kong ລຸນຫຼັງທີ່ພວກເຂົ້າເຈົ້າໄດ້ສະແດງທ່າທີຕ້ານຈີນ.
ທ່ານ Xi ກ່າວຢູ່ທີ່ຫໍສາລາປະຊາຊົນ ໃນນະຄອນປັກກິ່ງວ່າ “ກິດຈະການໃດໆກໍຕາມ ທີ່ພະຍາມແບ່ງແຍກປະເທດ ຈະຖືກຄັດຄ້ານຢ່າງແນ່ນອນທີ່ສຸດ ໂດຍປະຊາຊົນຈີນ. ພວກເຮົາຈະບໍ່ອະນຸຍາດໃຫ້ບຸກຄົນໃດໆ ການຈັດຕັ້ງໃດໆ ພັກໃດໆທີ່ຈະແບ່ງແຍກດິນແດນ ພຽງແມ່ນແຕ່ໜ້ອຍດຽວອອກຈາກຈີນ ບໍ່ວ່າໃນ ທາງໃດ ແລະຢູ່ໃນເວລາໃດກໍຕາມ."
ທ່ານນາງ Tsai Ing-wen ປະທານາທິບໍດີແມ່ຍິງໃຕ້ຫວັນຄົນທຳອິດ ຂອງພັກປະຊາທິປະໄຕກ້າວໜ້າຈີນ ຫລື DPP ໄດ້ເຂົ້າຮັບຕຳແໜ່ງໃນໃນເດືອນພຶດສະ ພາທີ່ຜ່ານມາ ຫລັງຈາກໄດ້ຮັບໄຊຊະນະຢ່າງຖ້ວມລົ້ນໃນການເລືອກຕັ້ງ ຕໍ່ພັກ ຈີນຄະນະຊາດ ຫລື KMT ທີ່ເປັນມິດກັບຈີນຫລາຍກວ່ານັ້ນ. ທ່ານນາງໄດ້ຮຽກຮ້ອງປັກກິ່ງປະເຊີນໜ້າກັບຄວາມຈິງ ກ່ຽວກັບການມີລັດຖະບານຂອງທ່ານ ນາງ ແລະປະຊາທິປະໄຕຂອງໄຕ້ຫວັນ ແລະເວົ້າວ່າ ທັງສອງຝ່າຍຄວນທີ່ຈະນັ່ງລົງ ແລະເຈລະຈາກັນ.
ຈີນເນັ້ນໜັກວ່າ ໃຕ້ຫວັນເປັນພາກສ່ວນນຶ່ງຂອງປະເທດຈີນ.
