ຮອງນາຍົກລັດຖະມົນຕີຈີນ ທ່ານ Wang Yang ໄດ້ໃຫ້ຄຳ
ໝັ້ນສັນຍາ ທີ່ຈະຈັດຕັ້ງປະຕິບັດການປະຕິຮູບເພີ້ມຕື່ມ ກ່ຽວ
ກັບການຄຸ້ມຄອງຄວາມປອດໄພໃນ ດ້ານອາຫານແລະຢາ
ແລະທຳການ “ລົງໂທດຮ້າຍແຮງສຸດ” ຕໍ່ຜູ້ທີ່ຝ່າຝືນ.
ອົງການຂ່າວຊິນຫົວຂອງທາງການຈີນລາຍງານໃນວັນເສົາ
ມື້ນີ້ວ່າ ທ່ານ Wang ໄດ້ໃຫ້ຄວາມເຫັນດັ່ງກ່າວໃນລະຫວ່າງທີ່
ໄປກວດກາເບິ່ງສູນກາງຄຸ້ມຄອງຄວາມ ປອດໄພດ້ານອາຫານ
ຂອງປັກກິ່ງ ໃນວັນສຸກວານນີ້.
ທ່ານໄດ້ກ່າວຕໍ່ບັນດາເຈົ້າໜ້າທີ່ປະຕິບັດກົດໝາຍດ້ານອາຫານ
ແລະຢາ ປະຈຳທ້ອງຖິ່ນວ່າ ຄວນຈະມີການຈັດຕັ້ງລະບົບການຄວບຄຸມທີ່ເຄັ່ງຄັດເພື່ອລົງ
ໂທດພວກທີ່ບໍ່ປະຕິບັດຕາມໜ້າທີ່ຂອງເຂົາເຈົ້າ.
ຕຳຫລວດຈີນ ໄດ້ຈັບພະນັກງານຫ້າຄົນ ໃນເດືອນກໍລະກົດຜ່ານມາ ທີ່ເປັນຜູ້ແຈກສົ່ງອາ
ຫານຢູ່ນະຄອນ Shanghai ໂດຍຖືກກ່າວຫາວ່າ ຂາຍຊີ້ນທີ່ໝົດກຳນົດ ແກ່ບັນດາຮ້ານອາຫານໃນຈີນ ຮວມທັງຮ້ານ McDonald ແລະ KFC.
ໂທລະພາບ Dragon ຂອງຈີນ ໄດ້ລາຍງານວ່າ ພວກພະນັກງານຂອງບໍລິສັດ ດັ່ງກ່າວ
ພາກັນເອົາຊີ້ນທີ່ໝົດກຳນົດ ປະສົມໃນ່ກັນກັບຊີ້ນສົດ ແລ້ວກໍຕິດກາ ໃໝ່ໃສ່ ແລະໃຊ້
ຊີ້ນທີ່ຕົກລົງໃສ່ພື້ນແລ້ວນັ້ນນຳດ້ວຍ.
