ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຄົນຮ້າຍເອົາມີດໄລ່ແທງ ປະຊາຊົນຕາຍ 6 ຄົນ ທີ່ເຂດ Xinjiang ຂອງຈີນ


ພວກກູ້ໄພຊ່ວຍເຫລືອຜູ້ບາດເຈັບ ໃນເຫດປະທະກັນ ທີ່ເມືອງ Hotan, ເຂດປົກຄອງຕົນເອງ Xinjiang ຊອງຊົນເຜົ່າວີເກີ, ເມື່ອວັນທີ 18 ກໍລະກົດ 2011.
ພວກກູ້ໄພຊ່ວຍເຫລືອຜູ້ບາດເຈັບ ໃນເຫດປະທະກັນ ທີ່ເມືອງ Hotan, ເຂດປົກຄອງຕົນເອງ Xinjiang ຊອງຊົນເຜົ່າວີເກີ, ເມື່ອວັນທີ 18 ກໍລະກົດ 2011.

ຕໍາຫລວດຈີນກ່າວວ່າ ຜູ້​ຊາຍ​ສອງ​ຄົນ​ທີ່​ຖື​ມີດໄດ້ໂຈມຕີຝຸງຊົນກຸ່ມນຶ່ງຢູ່​ໃນ ເຂດຊາຍແດນ Xinjiang ​ທີ່​ຫ່າງ​ໄກໃນພາກຕາເວັນຕົກສຽງເໜືອສຸດຂອງຈີນ ເມື່ອຄືນວັນເສົາວານນີ້ ​ໂດຍ ໄດ້ສັງຫານຢ່າງໜ້ອຍຫົກຄົນ ແລະ​ເຮັດໃຫ້ບາດເຈັບອີກ 28 ຄົນ.

ພວກເຈົ້າໜ້າທີ່ຈີນກ່າວວ່າ ການໂຈມຕີດັ່ງກ່າວໄດ້ເລີ່ມຂຶ້ນພ້ອມ​ໆ​ກັບ​ເກີດ​ເຫດລະເບີດແຕກ ສອງລູກ ທີ່ເມືອງ Kashgar ທີ່​ເປັນ​ທາງ​ຜ່ານ​ຂອງ​ເສ້ນ​ທາງການ​ຄ້າທີ່​ເອີ້ນ​ວ່າ ທາງ​ສາຍ​ໃໝ່ລະຫວ່າງ​ເອ​ເຊຍ​ກັບ​ຢຸ​ໂຮບ​ເມື່ອ​ຫລາຍ​ຮ້ອຍ​ປີ​ມາ​ແລ້ວ​ນັ້ນ. ຕໍ່ມາຊາຍສອງຄົນ ໄດ້ສັງ ຫານຄົນຂັບລົດບັນທຸກຄັນນຶ່ງຢູ່ສີ່ແຍກແຫ່ງນຶ່ງ ແລ້ວຍຶດເອົາລົດໄປ. ຫລັງຈາກນັ້ນ ຄົນທັງ ສອງກໍຂັບລົດບັນທຸກແລ່ນເຂົ້າໄປໃນຝຸງຊົນ ອອກຈາກລົດ ແລະກໍເອົາມີດໄລ່ແທງພວກຄົນ ຍ່າງຕາມຖະໜົນ ຍັງຜົນໃຫ້ມີຜູ້ເສຍຊີວິດຫົກຄົນ.

ຕໍາຫລວດກ່າວວ່າ ພວກຝຸງຊົນໄດ້ພາກັນຫຸ້ມທຸບຕີມືມີດຄົນນຶ່ງຈົນຕາຍ ແລະຈັບຜູ້ທີ່ສອງ ໄດ້. ສາເຫດຂອງການໂຈມຕີດັ່ງກ່າວຍັງບໍ່ມີລາຍລະອຽດ.

ໃນເຫດການຮຸນ​ແຮງເຖິງແກ່ຊີວິດບັ້ນນຶ່ງໃນຕົ້ນເດືອນນີ້ ພວກຕໍາຫລວດ ໄດ້ຍິງພວກກໍ່ຈະ ລາຈົນ 14 ຄົນ ທີ່​ເຂົ້າໂຈມຕີສະຖານີຕໍາຫລວດແຫ່ງນຶ່ງ ແລະໄດ້ສັງຫານສີ່ຄົນ ໃນເມືອງ Hotan ແຂວງ Xinjiang ເມື່ອວັນທີ່ 18 ເດືອນກໍລະກົດນີ້.

ຊາວວີເກີ ປະທ້ວງການປົກຄອງຂອງຈີນ ໃນເຂດ Xin Jiang ເມື່ອວັນທີ 10 ມີຖຸນາ 2011.
ຊາວວີເກີ ປະທ້ວງການປົກຄອງຂອງຈີນ ໃນເຂດ Xin Jiang ເມື່ອວັນທີ 10 ມີຖຸນາ 2011.

ເຂດແຂວງຊິນຈຽງ ເປັນຖິ່ນຢູ່
ຂອງພວກຊາວມຸສລິມວີເກີ
ຫລາຍລ້ານຄົນ ທີ່ມີ​ຄວາມ
ໂກດ ແຄ້ນນໍາອັນທີ່ພວກເຂົາ
ເຈົ້າເອີ້ນວ່າ ການປົກຄອງ
ແບບກົດ​ຂີ່ມາໄດ້ຫລາຍສິບ
ປີ ຂອງປັກກິ່ງ ແລະການ​
ຫລັ່ງ​ໄຫລ​ເຂົ້າ​ມາ​ຢູ່​ໃນ​ເຂດ​
ນັ້ນຂອງພວກຊາວ​ຈີນເຜົ່າຫັ໊ນ
ທີ່​ເຂົາ​ເຈົ້າບໍ່ຕ້ອງການນັ້ນ.

XS
SM
MD
LG