ບັນດາເຈົ້າໜ້າທີ່ຈີນແລະຫວຽດນາມ ທີ່ກຳລັງພົບປະກັນທີ່ນະ
ຄອນຫຼວງຮາໂນ່ຍ ສະແດງຄວາມເຕັມໃຈເພື່ອປັບປຸງສາຍພົວ
ພັນທີ່ເຄັ່ງຕຶງໃຫ້ດີຂຶ້ນ ເນື່ອງຈາກບັນຫາຂັດແຍ້ງກັນເລື້ອງປັກ
ກິ່ງ ຕັ້ງຖານເຈາະນ້ຳມັນຂອງຕົນຂຶ້ນ ຫວ່າງໄວໆມານີ້ ໃນເຂດ
ນ່ານນ້ຳທີ່ເປັນບັນຫາຂັດແຍ້ງກັນຢູ່ນອກຝັ່ງທະເລຂອງຫວຽດ
ນາມນັ້ນ.
ການໃຫ້ຄວາມເຫັນຕ່າງໆໃນວັນພຸດມື້ນີ້ ມີຂຶ້ນໃນຂະນະທີ່ສອງ
ຝ່າຍໄດ້ຈັດການພົບປະໂອ້ລົມກັນໃນລະດັບສູງຂຶ້ນ ນັບແຕ່ບໍລິ
ສັດລັດວິສາຫະກິດຈີນໄດ້ຕິດຕັ້ງຖານເຈາະນ້ຳມັນຂອງຕົນໃນ
ເດືອນພຶດສະພາຜ່ານມານີ້ ເປັນຕົ້ນມາ ຊຶ່ງໄດ້ພາໃຫ້ມີການປະ
ເຊີນໜ້າກັນທາງທະເລ ແລະການປະທ້ວງຕໍ່ຕ້ານຈີນທີ່ຍັງຜົນໃຫ້ມີຜູ້ຄົນເສຍຊີວິດ
ໃນຫວຽດນາມນັ້ນ.
ທ່ານ ຟາມ ບິນ ມິນ ລັດຖະມົນຕີຕ່າງປະເທດຫວຽດນາມກ່າວຢືນຢັນໃນວັນພຸດມື້
ນີ້ວ່າ ບັນຫາຂັດແຍ້ງກັນໃນທະເລຈີນໃຕ້ທີ່ເອີ້ນກັນໃນຫວຽດນາມວ່າ ທະເລຕາ
ເວັນອອກນັ້ນ ຈະເປັນຈຸດເພ່ງເລັງຂອງການພົບປະຂອງທ່ານກັບທ່ານ Yang
Jiechi ລັດຖະມົນຕີພິເສດປະຈຳ ລັດຖະບານກາງຂອງຈີນ.
ທ່ານຟາມບິນມິນ ກ່າວວ່າ “ພວກເຮົາຫວັງວ່າ ຈະໂອ້ລົມກັນ ແລະແກ້ໄຂສະ
ຖານະການທີ່ວຸ້ນວາຍສັບສົນໃນທະເລຕາເວັນອອກນີ້ ແລະເພື່ອຊ່ອຍພັດ
ທະນາສາຍພົວພັນທີ່ດີແລະທຸ່ນທ່ຽງ ລະຫວ່າງສອງປະເທດເພື່ອຜົນປະ
ໂຫຍດຂອງທັງສອງຝ່າຍແລະໃນພາກພື້ນ.”
ທ່ານ Yang ຍອມຮັບຮູ້ວ່າ ຂໍ້ຂັດແຍ້ງກັນນີ້ສ້າງຄວາມເສຍຫາຍໃຫ້ແກ່ຄວາມ
ສຳພັນລະຫວ່າງສອງປະເທດຄອມມີວນິດນຳກັນ ທີ່ໄດ້ຕໍ່ສູ້ ສົງຄາມຊາຍແດນ
ຢ່າງນອງເລືອດເປັນເວລາ 3 ສັບປະດາໃນປີ 1979 ນັ້ນ ຊຶ່ງທ່ານກ່າວວ່າ
“ສາຍພົວພັນລະຫວ່າງຈີນແລະຫວຽດນາມກຳລັງປະສົບກັບຊ່ວງຫຍຸ້ງ
ຍາກ. ໃນການເດີນທາງມາຖ້ຽວນີ້ ທີ່ຖືກແຕ່ງຕັ້ງໂດຍຄະນະກຳມະ
ການສູນກາງພັກ ຂ້າພະເຈົ້າຈະທຳການໂອ້ລົມສົນທະນາກັນຢ່າງຕົງ
ໄປຕົງມາ ແລະຢ່າງຖີ່ຖ້ວນກັບທ່ານຟາມບິນມິນກ່ຽວກັບສາຍພົວພັນ
ລະຫວ່າງສອງປະເທດແລະບັນຫາຕ່າງໆໃນປັດຈຸບັນໃນທະເລຈີນໃຕ້.”
ຄອນຫຼວງຮາໂນ່ຍ ສະແດງຄວາມເຕັມໃຈເພື່ອປັບປຸງສາຍພົວ
ພັນທີ່ເຄັ່ງຕຶງໃຫ້ດີຂຶ້ນ ເນື່ອງຈາກບັນຫາຂັດແຍ້ງກັນເລື້ອງປັກ
ກິ່ງ ຕັ້ງຖານເຈາະນ້ຳມັນຂອງຕົນຂຶ້ນ ຫວ່າງໄວໆມານີ້ ໃນເຂດ
ນ່ານນ້ຳທີ່ເປັນບັນຫາຂັດແຍ້ງກັນຢູ່ນອກຝັ່ງທະເລຂອງຫວຽດ
ນາມນັ້ນ.
ການໃຫ້ຄວາມເຫັນຕ່າງໆໃນວັນພຸດມື້ນີ້ ມີຂຶ້ນໃນຂະນະທີ່ສອງ
ຝ່າຍໄດ້ຈັດການພົບປະໂອ້ລົມກັນໃນລະດັບສູງຂຶ້ນ ນັບແຕ່ບໍລິ
ສັດລັດວິສາຫະກິດຈີນໄດ້ຕິດຕັ້ງຖານເຈາະນ້ຳມັນຂອງຕົນໃນ
ເດືອນພຶດສະພາຜ່ານມານີ້ ເປັນຕົ້ນມາ ຊຶ່ງໄດ້ພາໃຫ້ມີການປະ
ເຊີນໜ້າກັນທາງທະເລ ແລະການປະທ້ວງຕໍ່ຕ້ານຈີນທີ່ຍັງຜົນໃຫ້ມີຜູ້ຄົນເສຍຊີວິດ
ໃນຫວຽດນາມນັ້ນ.
ທ່ານ ຟາມ ບິນ ມິນ ລັດຖະມົນຕີຕ່າງປະເທດຫວຽດນາມກ່າວຢືນຢັນໃນວັນພຸດມື້
ນີ້ວ່າ ບັນຫາຂັດແຍ້ງກັນໃນທະເລຈີນໃຕ້ທີ່ເອີ້ນກັນໃນຫວຽດນາມວ່າ ທະເລຕາ
ເວັນອອກນັ້ນ ຈະເປັນຈຸດເພ່ງເລັງຂອງການພົບປະຂອງທ່ານກັບທ່ານ Yang
Jiechi ລັດຖະມົນຕີພິເສດປະຈຳ ລັດຖະບານກາງຂອງຈີນ.
ທ່ານຟາມບິນມິນ ກ່າວວ່າ “ພວກເຮົາຫວັງວ່າ ຈະໂອ້ລົມກັນ ແລະແກ້ໄຂສະ
ຖານະການທີ່ວຸ້ນວາຍສັບສົນໃນທະເລຕາເວັນອອກນີ້ ແລະເພື່ອຊ່ອຍພັດ
ທະນາສາຍພົວພັນທີ່ດີແລະທຸ່ນທ່ຽງ ລະຫວ່າງສອງປະເທດເພື່ອຜົນປະ
ໂຫຍດຂອງທັງສອງຝ່າຍແລະໃນພາກພື້ນ.”
ທ່ານ Yang ຍອມຮັບຮູ້ວ່າ ຂໍ້ຂັດແຍ້ງກັນນີ້ສ້າງຄວາມເສຍຫາຍໃຫ້ແກ່ຄວາມ
ສຳພັນລະຫວ່າງສອງປະເທດຄອມມີວນິດນຳກັນ ທີ່ໄດ້ຕໍ່ສູ້ ສົງຄາມຊາຍແດນ
ຢ່າງນອງເລືອດເປັນເວລາ 3 ສັບປະດາໃນປີ 1979 ນັ້ນ ຊຶ່ງທ່ານກ່າວວ່າ
“ສາຍພົວພັນລະຫວ່າງຈີນແລະຫວຽດນາມກຳລັງປະສົບກັບຊ່ວງຫຍຸ້ງ
ຍາກ. ໃນການເດີນທາງມາຖ້ຽວນີ້ ທີ່ຖືກແຕ່ງຕັ້ງໂດຍຄະນະກຳມະ
ການສູນກາງພັກ ຂ້າພະເຈົ້າຈະທຳການໂອ້ລົມສົນທະນາກັນຢ່າງຕົງ
ໄປຕົງມາ ແລະຢ່າງຖີ່ຖ້ວນກັບທ່ານຟາມບິນມິນກ່ຽວກັບສາຍພົວພັນ
ລະຫວ່າງສອງປະເທດແລະບັນຫາຕ່າງໆໃນປັດຈຸບັນໃນທະເລຈີນໃຕ້.”
