ເຈົ້າໜ້າທີ່ລະດັບສູງຄົນນຶ່ງຂອງກະຊວງປ້ອງກັນປະເທດສະຫະ
ລັດເວົ້າວ່າ ເຖິງແມ່ນອະເມຣິກາຢາກສ້າງຄວາມສໍາພັນທີ່ເຂັ້ມ
ແຂງກວ່າເກົ່າກັບຈີນກໍຕາມ ແຕ່ມັນຈະບໍ່ເກີດຂຶ້ນ ບົນຄວາມ
ເສຍຫາຍແກ່ຄວາມສໍາພັນທີ່ດີຂອງວໍຊິງຕັນກັບຍີ່ປຸ່ນ. ຜູ້ສື່ຂ່າວ
ວີໂອເອ ວິລລຽມ ໄອດ໌ ມີລາຍງານກ່ຽວກັບເລຶ່ອງນີ້ຈາກປັກປິ່ງ
ຊຶ່ງ ທອງປານຈະນໍາມາສະເໜີທ່ານໃນອັນດັບຕໍ່ໄປ
ນາຍພົນ Martin Dempsey ປະທານເສນາທິການຮ່ວມກອງ
ທັບສະຫະລັດ ໄດ້ບອກທະຫານກຸ່ມນຶ່ງ ຫຼາຍຮ້ອຍຄົນ ທີ່ປະຈໍາ ການຢູ່ຍີ່ປຸ່ນເມື່ອວັນພະຫັດອາທິດຜ່ານມາຫລັງຈາກການຢ້ຽມ
ຢາມປະເທດຈີນວ່າຕອນທີ່ທ່ານພົບປະກັບບັນດາເຈົ້າໜ້າທີ່ຈີນ
ນັ້ນ ທ່ານໄດ້ບອກເຂົາເຈົ້າຢ່າງແຈ້ງຂາວວ່າ ການປັບປຸງຄວາມ
ສໍາພັນກັບປັກກິ່ງ ບໍ່ແມ່ນປະເດັນທີ່ຕ້ອງເລືອກເອົາລະຫວ່າງ
“ສິ່ງນີ້ ຫລືສິ່ງນັ້ນ” ສໍາລັບສະຫະລັດໃນດ້ານທີ່ພົວກັນກັບຄວາມ
ສໍາພັນກັບຍີ່ປຸ່ນ.
ນາຍພົນ Dempsey ເວົ້າວ່າ: “ພວກເຮົາຈະປະຖິ້ມຄວາມສໍາພັນຂອງພວກເຮົາ ກັບຍີ່ ປຸ່ນ ເພື່ອສ້າງຄວາມສໍາພັນທີ່ເຂັ້ມແຂງກັບຈີນຫລືບໍ່? ຄໍາຕອບ ກໍຄື ບໍ່.”
ຄວາມເຄັ່ງຕຶງລະຫວ່າງໂຕກຽວແລະປັກກິ່ງໄດ້ເພີ່ມທະວີຂຶ້ນອີກຄັ້ງນຶ່ງໃນອາທິດແລ້ວນີ້ ເວລາທ່ານ Dempsey ແລະຮອງລັດຖະມົນຕີຕ່າງປະເທດສະຫະລັດ ທ່ານ William Burns ໄປຢ້ຽມຢາມຈີນ.
ເມື່ອວັນພຸດແລ້ວນີ້ ສະມາຊິກສະພາຜູ້ແທນຍີ່ປຸ່ນຫຼາຍກວ່າ 160 ຄົນໄດ້ ເຂົ້າໄປສັກກາ ລະບູຊາ ຢູ່ຫໍ Yasukuni ທີ່ເປັນສານເຈົ້າຂອງສາສະໜາຊິນໂຕຂອງຍີ່ປຸ່ນ ຢູ່ໂຕກຽວ. ລັດຖະມົນຕີສາມທ່ານໃນຄະນະລັດຖະບານ ຍີ່ປຸ່ນກໍໄດ້ເຂົ້າໄປສັກກາລະບູຊາທໍານອງ ດຽວກັນ ທີ່ສານເຈົ້າດັ່ງກ່າວເມື່ອສອງອາທິດຜ່ານມາ.
ຫໍດັ່ງກ່າວເປັນສະຖານທີ່ໃຫ້ກຽດແກ່ບັນດານັກລົບທີ່ລົ້ມຕາຍໃນປາງສົງຄາມຍີ່ປຸ່ນ ຈໍາ ນວນ 2 ລ້ານ 5 ແສນຄົນ ໂຮມທັງອາຊະຍາກອນສົງຄາມຈໍານວນນຶ່ງ ຈາກປາງສົງຄາມ ໂລກຄັ້ງທີ່ສອງ.
ຈີນແມ່ນໄດ້ຍື່ນສານຕໍ່ວ່າຢ່າງເຄ່ງຂຶມຕໍ່ຍີ່ປຸ່ນ ກ່ຽວກັບການຢ້ຽມຢາມດັ່ງກ່າວ. ກະຊວງ ຕ່າງປະເທດຈີນເວົ້າວ່າ ບັນດາຜູ້ນໍາຍີ່ປຸ່ນຄວນຈະຮຽນຮູ້ ໃນການເຄົາລົບນັບຖືຄວາມ ຮູ້ສຶກຂອງປະຊາຊົນຈີນແລະຂອງປະເທດອື່ນໆທີ່ໄດ້ຮັບເຄາະຈາກຍີ່ປຸ່ນ.
ນອກນີ້ແລ້ວ ຈີນຍັງໄດ້ກ່າວໂຈມຕີແຜນການຂອງສະຫະລັດແລະຍີ່ປຸ່ນ ທີ່ຈະທໍາການ ຊ້ອມບຸກເຂົ້າຍຶດເກາະແຫ່ງນຶ່ງ ຢູ່ນອກຝັ່ງທະເລຂອງລັດແຄລິຟໍເນຍ ທາງພາກຕາເວັນ ຕົກຂອງສະຫະລັດ ໃນທ້າຍເດືອນມິຖຸນາ ຈະມາເຖິງນີ້.
ສາຍສໍາພັນລະຫວ່າງຍີ່ປຸ່ນແລະຈີນໄດ້ຊຸດໂຊມລົງເຖິງຈຸດຕໍ່າສຸດໃນຮອບ ຫຼາຍປີຜ່ານ ມາ. ກໍຄືຂໍ້ຂັດແຍ້ງກັນລະຫວ່າງທັງສອງປະເທດ ກ່ຽວກັບໝູ່ ເກາະທີ່ບໍ່ມີຄົນຢູ່ອາໄສ ແຫ່ງນຶ່ງໃນຂົງເຂດທະເລຈີນຕາເວັນອອກ ຊຶ່ງທັງ ສອງປະເທດຕ່າງກໍແຂ່ງກັນ ອ້າງເອົາ ກໍາມະສິດນັ້ນ ໄດ້ເປັນປະເດັນທົດສອບຄວາມສໍາພັນລະຫວ່າງ ນັບຕັ້ງແຕ່ປີຜ່ານມາ.
ຈີນເອີ້ນແຜນການຊ້ອມລົບທີ່ວ່ານັ້ນ ວ່າເປັນການເກາະຜິດຄິດຮ້າຍ ແຕ່ກໍເວົ້າຕື່ມວ່າ ການຊ້ອມລົບກັນແບບນັ້ນ ຈະບໍ່ເຮັດໃຫ້ຈີນຫັນເຫໜີຈາກການປ້ອງກັນເຂດນໍ້າແດນ ດິນຂອງຕົນແຕ່ຢ່າງໃດ.
ນອກຈາກບັນຫາຄວາມເຄັ່ງຕຶງກັບຍີ່ປຸ່ນ ພັນທະມິດຂອງສະຫະລັດນັ້ນແລ້ວ ວໍຊິງຕັນ ແລະປັກກິ່ງກໍກໍາລັງປະເຊີນ ກັບສິ່ງທ້າທາຍຕ່າງໆໃນຂອບເຂດ ກວ້າງຂວາງອີກ ໂຮມ ທັງຂໍ້ຂັດແຍ້ງທາງການຄ້າ ຄວາມໝັ້ນຄົງຂອງອິນເທີ ເເນັດ ແລະຄວາມແຕກຕ່າງກັນ ດ້ານສິດທິມະນຸດ ທີ່ມີມາດົນນານນັ້ນ.
ເຖິງປານນັ້ນກໍຕາມ ທັງສອງປະເທດກໍເວົ້າວ່າ ພວກເຂົາເຈົ້າຍັງມຸ້ງໝັ້ນທີ່ຈະກ້າວໄປ ຂ້າງໜ້າ. ໃນລະຫວ່າງການຢ້ຽມຢາມປັກກິ່ງຂອງນາຍພົນ Dempsey ໃນອາທິດຜ່ານ ມານີ້ ບັນດາເຈົ້າໜ້າທີ່ສະຫະລັດແລະຈີນໄດ້ ເນັ້ນຢໍ້າເຖິງຄວາມພ້ອມຂອງພວກຕົນ ທີ່ຈະສ້າງສາຄວາມໄວ້ເນື້ອເຊື່ອໃຈກັນ ແລະເສີມສ້າງຄວາມສໍາພັນລະຫວ່າງກອງທັບກັບກອງທັບ ໃຫ້ເຂ້ມແຂງຂຶ້ນ.
ຮອງລັດຖະມົນຕີຕ່າງປະເທດ William Burns ທີ່ໄດ້ພົບປະສົນທະນາກັບຮອງປະ ທານ ປະເທດຈີນ ທ່ານ Li Yuanchao ແລະທີ່ປຶກສາລັດຖະບານ ທ່ານ Yang Jiechi ເມື່ອວັນພະຫັດແລ້ວນີ້ ກໍໄດ້ເນັ້ນຢໍ້າເຖິງຄວາມສໍາຄັນ ທີ່ສະຫະລັດມອບໃຫ້ແກ່ຄວາມສໍາພັນກັບປັກກິ່ງ.
ທາງຝ່າຍຈີນນັ້ນ ຮອງປະທານປະເທດ Li Yuanchao ເວົ້າວ່າ ປັກກິ່ງ ກໍຕ້ອງການທີ່ ຈະຊຸກຍູ້ໃຫ້ຄວາມສໍາພັນກັບສະຫະລັດ ມຸ້ງໜ້າໄປໃນທິດທາງທີ່ເປັນທາງບວກນັ້ນ ຄືກັນ.
:
ທ່ານ ລີ ເວົ້າວ່າ ຈີນແລະສະຫະລັດສາມາດສ້າງຄວາມໄວ້ເນື້ອເຊື່ອໃຈກັນ ໃຫ້ແໜ້ນ ແຟ້ນຫຼາຍຂຶ້ນ ໂດຍການໂອ້ລົມສົນທະນາກັນໃຫ້ຫລາຍຂຶ້ນແລະໜັກແໜ້ນຂຶ້ນ ແລະ ວ່າ ທັງສອງປະເທດ ຄວນຈະເສີມສ້າງຄວາມສໍາພັນກັນ ບົນຜົນປະໂຫຍດທີ່ມີຮ່ວມກັນ ແລະປະຕິບັດງານເພື່ອຫາທາງແກ້ໄຂຄວາມເຫັນທີ່ແຕກຕ່າງກັນນັ້ນນໍາ ພ້ອມທັງ ທັບ ມ້າງອຸບປະສັກໃດໆທີ່ເປັນຕົວຂັດຂວາງຄວາມສໍາພັນນັ້ນ.
ຈີນແລະສະຫະລັດມີກໍານົດທີ່ຈະທໍາການເຈລະຈາກັນຄັ້ງສໍາຄັນ ໃນເດືອນ ກໍລະກົດນີ້ ທີ່ວໍຊິງຕັນ. ການເຈລະຈາກັນຄັ້ງນີ້ ຈະຮວມທັງການປຶກສາຫາລືກັນເປັນກຸ່ມ ກ່ຽວກັບເລຶ່ອງການປ່ຽນແປງຂອງດິນຟ້າອາກາດ ພ້ອມທັງ ຄວາມໝັ້ນຄົງທາງອິນເທີເເນັດ ຊຶ່ງ ເປັນບັນຫາທີ່ທັງປັກກິ່ງແລະວໍຊິງຕັນ ໄດ້ກ່າວຫາຊຶ່ງກັນແລະກັນ ໃນໄລຍະບໍ່ເທົ່າໃດ ເດືອນຜ່ານມານີ້.
ລັດເວົ້າວ່າ ເຖິງແມ່ນອະເມຣິກາຢາກສ້າງຄວາມສໍາພັນທີ່ເຂັ້ມ
ແຂງກວ່າເກົ່າກັບຈີນກໍຕາມ ແຕ່ມັນຈະບໍ່ເກີດຂຶ້ນ ບົນຄວາມ
ເສຍຫາຍແກ່ຄວາມສໍາພັນທີ່ດີຂອງວໍຊິງຕັນກັບຍີ່ປຸ່ນ. ຜູ້ສື່ຂ່າວ
ວີໂອເອ ວິລລຽມ ໄອດ໌ ມີລາຍງານກ່ຽວກັບເລຶ່ອງນີ້ຈາກປັກປິ່ງ
ຊຶ່ງ ທອງປານຈະນໍາມາສະເໜີທ່ານໃນອັນດັບຕໍ່ໄປ
ນາຍພົນ Martin Dempsey ປະທານເສນາທິການຮ່ວມກອງ
ທັບສະຫະລັດ ໄດ້ບອກທະຫານກຸ່ມນຶ່ງ ຫຼາຍຮ້ອຍຄົນ ທີ່ປະຈໍາ ການຢູ່ຍີ່ປຸ່ນເມື່ອວັນພະຫັດອາທິດຜ່ານມາຫລັງຈາກການຢ້ຽມ
ຢາມປະເທດຈີນວ່າຕອນທີ່ທ່ານພົບປະກັບບັນດາເຈົ້າໜ້າທີ່ຈີນ
ນັ້ນ ທ່ານໄດ້ບອກເຂົາເຈົ້າຢ່າງແຈ້ງຂາວວ່າ ການປັບປຸງຄວາມ
ສໍາພັນກັບປັກກິ່ງ ບໍ່ແມ່ນປະເດັນທີ່ຕ້ອງເລືອກເອົາລະຫວ່າງ
“ສິ່ງນີ້ ຫລືສິ່ງນັ້ນ” ສໍາລັບສະຫະລັດໃນດ້ານທີ່ພົວກັນກັບຄວາມ
ສໍາພັນກັບຍີ່ປຸ່ນ.
ນາຍພົນ Dempsey ເວົ້າວ່າ: “ພວກເຮົາຈະປະຖິ້ມຄວາມສໍາພັນຂອງພວກເຮົາ ກັບຍີ່ ປຸ່ນ ເພື່ອສ້າງຄວາມສໍາພັນທີ່ເຂັ້ມແຂງກັບຈີນຫລືບໍ່? ຄໍາຕອບ ກໍຄື ບໍ່.”
ຄວາມເຄັ່ງຕຶງລະຫວ່າງໂຕກຽວແລະປັກກິ່ງໄດ້ເພີ່ມທະວີຂຶ້ນອີກຄັ້ງນຶ່ງໃນອາທິດແລ້ວນີ້ ເວລາທ່ານ Dempsey ແລະຮອງລັດຖະມົນຕີຕ່າງປະເທດສະຫະລັດ ທ່ານ William Burns ໄປຢ້ຽມຢາມຈີນ.
ເມື່ອວັນພຸດແລ້ວນີ້ ສະມາຊິກສະພາຜູ້ແທນຍີ່ປຸ່ນຫຼາຍກວ່າ 160 ຄົນໄດ້ ເຂົ້າໄປສັກກາ ລະບູຊາ ຢູ່ຫໍ Yasukuni ທີ່ເປັນສານເຈົ້າຂອງສາສະໜາຊິນໂຕຂອງຍີ່ປຸ່ນ ຢູ່ໂຕກຽວ. ລັດຖະມົນຕີສາມທ່ານໃນຄະນະລັດຖະບານ ຍີ່ປຸ່ນກໍໄດ້ເຂົ້າໄປສັກກາລະບູຊາທໍານອງ ດຽວກັນ ທີ່ສານເຈົ້າດັ່ງກ່າວເມື່ອສອງອາທິດຜ່ານມາ.
ຫໍດັ່ງກ່າວເປັນສະຖານທີ່ໃຫ້ກຽດແກ່ບັນດານັກລົບທີ່ລົ້ມຕາຍໃນປາງສົງຄາມຍີ່ປຸ່ນ ຈໍາ ນວນ 2 ລ້ານ 5 ແສນຄົນ ໂຮມທັງອາຊະຍາກອນສົງຄາມຈໍານວນນຶ່ງ ຈາກປາງສົງຄາມ ໂລກຄັ້ງທີ່ສອງ.
ຈີນແມ່ນໄດ້ຍື່ນສານຕໍ່ວ່າຢ່າງເຄ່ງຂຶມຕໍ່ຍີ່ປຸ່ນ ກ່ຽວກັບການຢ້ຽມຢາມດັ່ງກ່າວ. ກະຊວງ ຕ່າງປະເທດຈີນເວົ້າວ່າ ບັນດາຜູ້ນໍາຍີ່ປຸ່ນຄວນຈະຮຽນຮູ້ ໃນການເຄົາລົບນັບຖືຄວາມ ຮູ້ສຶກຂອງປະຊາຊົນຈີນແລະຂອງປະເທດອື່ນໆທີ່ໄດ້ຮັບເຄາະຈາກຍີ່ປຸ່ນ.
ນອກນີ້ແລ້ວ ຈີນຍັງໄດ້ກ່າວໂຈມຕີແຜນການຂອງສະຫະລັດແລະຍີ່ປຸ່ນ ທີ່ຈະທໍາການ ຊ້ອມບຸກເຂົ້າຍຶດເກາະແຫ່ງນຶ່ງ ຢູ່ນອກຝັ່ງທະເລຂອງລັດແຄລິຟໍເນຍ ທາງພາກຕາເວັນ ຕົກຂອງສະຫະລັດ ໃນທ້າຍເດືອນມິຖຸນາ ຈະມາເຖິງນີ້.
ສາຍສໍາພັນລະຫວ່າງຍີ່ປຸ່ນແລະຈີນໄດ້ຊຸດໂຊມລົງເຖິງຈຸດຕໍ່າສຸດໃນຮອບ ຫຼາຍປີຜ່ານ ມາ. ກໍຄືຂໍ້ຂັດແຍ້ງກັນລະຫວ່າງທັງສອງປະເທດ ກ່ຽວກັບໝູ່ ເກາະທີ່ບໍ່ມີຄົນຢູ່ອາໄສ ແຫ່ງນຶ່ງໃນຂົງເຂດທະເລຈີນຕາເວັນອອກ ຊຶ່ງທັງ ສອງປະເທດຕ່າງກໍແຂ່ງກັນ ອ້າງເອົາ ກໍາມະສິດນັ້ນ ໄດ້ເປັນປະເດັນທົດສອບຄວາມສໍາພັນລະຫວ່າງ ນັບຕັ້ງແຕ່ປີຜ່ານມາ.
ຈີນເອີ້ນແຜນການຊ້ອມລົບທີ່ວ່ານັ້ນ ວ່າເປັນການເກາະຜິດຄິດຮ້າຍ ແຕ່ກໍເວົ້າຕື່ມວ່າ ການຊ້ອມລົບກັນແບບນັ້ນ ຈະບໍ່ເຮັດໃຫ້ຈີນຫັນເຫໜີຈາກການປ້ອງກັນເຂດນໍ້າແດນ ດິນຂອງຕົນແຕ່ຢ່າງໃດ.
ນອກຈາກບັນຫາຄວາມເຄັ່ງຕຶງກັບຍີ່ປຸ່ນ ພັນທະມິດຂອງສະຫະລັດນັ້ນແລ້ວ ວໍຊິງຕັນ ແລະປັກກິ່ງກໍກໍາລັງປະເຊີນ ກັບສິ່ງທ້າທາຍຕ່າງໆໃນຂອບເຂດ ກວ້າງຂວາງອີກ ໂຮມ ທັງຂໍ້ຂັດແຍ້ງທາງການຄ້າ ຄວາມໝັ້ນຄົງຂອງອິນເທີ ເເນັດ ແລະຄວາມແຕກຕ່າງກັນ ດ້ານສິດທິມະນຸດ ທີ່ມີມາດົນນານນັ້ນ.
ເຖິງປານນັ້ນກໍຕາມ ທັງສອງປະເທດກໍເວົ້າວ່າ ພວກເຂົາເຈົ້າຍັງມຸ້ງໝັ້ນທີ່ຈະກ້າວໄປ ຂ້າງໜ້າ. ໃນລະຫວ່າງການຢ້ຽມຢາມປັກກິ່ງຂອງນາຍພົນ Dempsey ໃນອາທິດຜ່ານ ມານີ້ ບັນດາເຈົ້າໜ້າທີ່ສະຫະລັດແລະຈີນໄດ້ ເນັ້ນຢໍ້າເຖິງຄວາມພ້ອມຂອງພວກຕົນ ທີ່ຈະສ້າງສາຄວາມໄວ້ເນື້ອເຊື່ອໃຈກັນ ແລະເສີມສ້າງຄວາມສໍາພັນລະຫວ່າງກອງທັບກັບກອງທັບ ໃຫ້ເຂ້ມແຂງຂຶ້ນ.
ຮອງລັດຖະມົນຕີຕ່າງປະເທດ William Burns ທີ່ໄດ້ພົບປະສົນທະນາກັບຮອງປະ ທານ ປະເທດຈີນ ທ່ານ Li Yuanchao ແລະທີ່ປຶກສາລັດຖະບານ ທ່ານ Yang Jiechi ເມື່ອວັນພະຫັດແລ້ວນີ້ ກໍໄດ້ເນັ້ນຢໍ້າເຖິງຄວາມສໍາຄັນ ທີ່ສະຫະລັດມອບໃຫ້ແກ່ຄວາມສໍາພັນກັບປັກກິ່ງ.
ທາງຝ່າຍຈີນນັ້ນ ຮອງປະທານປະເທດ Li Yuanchao ເວົ້າວ່າ ປັກກິ່ງ ກໍຕ້ອງການທີ່ ຈະຊຸກຍູ້ໃຫ້ຄວາມສໍາພັນກັບສະຫະລັດ ມຸ້ງໜ້າໄປໃນທິດທາງທີ່ເປັນທາງບວກນັ້ນ ຄືກັນ.
:
ທ່ານ ລີ ເວົ້າວ່າ ຈີນແລະສະຫະລັດສາມາດສ້າງຄວາມໄວ້ເນື້ອເຊື່ອໃຈກັນ ໃຫ້ແໜ້ນ ແຟ້ນຫຼາຍຂຶ້ນ ໂດຍການໂອ້ລົມສົນທະນາກັນໃຫ້ຫລາຍຂຶ້ນແລະໜັກແໜ້ນຂຶ້ນ ແລະ ວ່າ ທັງສອງປະເທດ ຄວນຈະເສີມສ້າງຄວາມສໍາພັນກັນ ບົນຜົນປະໂຫຍດທີ່ມີຮ່ວມກັນ ແລະປະຕິບັດງານເພື່ອຫາທາງແກ້ໄຂຄວາມເຫັນທີ່ແຕກຕ່າງກັນນັ້ນນໍາ ພ້ອມທັງ ທັບ ມ້າງອຸບປະສັກໃດໆທີ່ເປັນຕົວຂັດຂວາງຄວາມສໍາພັນນັ້ນ.
ຈີນແລະສະຫະລັດມີກໍານົດທີ່ຈະທໍາການເຈລະຈາກັນຄັ້ງສໍາຄັນ ໃນເດືອນ ກໍລະກົດນີ້ ທີ່ວໍຊິງຕັນ. ການເຈລະຈາກັນຄັ້ງນີ້ ຈະຮວມທັງການປຶກສາຫາລືກັນເປັນກຸ່ມ ກ່ຽວກັບເລຶ່ອງການປ່ຽນແປງຂອງດິນຟ້າອາກາດ ພ້ອມທັງ ຄວາມໝັ້ນຄົງທາງອິນເທີເເນັດ ຊຶ່ງ ເປັນບັນຫາທີ່ທັງປັກກິ່ງແລະວໍຊິງຕັນ ໄດ້ກ່າວຫາຊຶ່ງກັນແລະກັນ ໃນໄລຍະບໍ່ເທົ່າໃດ ເດືອນຜ່ານມານີ້.
