ປະທານປະເທດຈີນທ່ານ Hu Jintao ກໍາລັງຢູ່ໃນ
ລະຫວ່າງການເດີນທາງມາຢ້ຽມຢາມສະຫະລັດຢ່າງເປັນ
ທາງການໃນຈຸດປະສົງເພື່ອຜ່ອນຄາຍຄວາມເຄັ່ງຕຶງລະ
ຫວ່າງສອງປະເທດມະຫາອໍານາດໃຫຍ່ສຸດທາງເສດຖະ
ກິດ.
ທ່ານ Hu ມີກໍານົດທີ່ຈະມາເຖິງສະຫະລັດ ທັນກັບງານ
ລ້ຽງຮັບຮອງອາຫານຄໍ່າ ແບບນ້ອຍໆສ່ວນຕົວທີ່ທໍານຽບ
ຂາວໃນຕອນແລງຂອງວັນອັງຄານມື້ນີ້ກ່ອນການເປີດເຈລະ
ຈາຢ່າງເປັນທາງການໃນຂອບເຂດທີ່ກວ້າງຂວາງກັບປະທາ
ນາທິບໍດີ ສະຫະລັດທ່ານບາຣັກ ໂອບາມາໃນວັນພຸດມື້ອື່ນ.
ງານລ້ຽງຮັບຮອງແບບຫລູູຫລາຢ່າງເປັນທາງການ ຊຶ່ງເປັນ
ການໃຫ້ກຽດຢ່າງສູງສຸດແກ່ແຂກຕ່າງປະເທດທີ່ເດີນທາງມາ
ຢ້ຽມຢາມນັ້ນ ກໍມີກຳນົດຈະຈັດຂຶ້ນໃນຄໍ່າຄືນມື້ອື່ນເຊັ່ນກັນ.
ນອກນັ້ນ ທ່ານ Hu ຍັງຈະເດີນທາງໄປຢ້ຽມຢາມນະຄອນ
Chicago ຊຶ່ງເປັນເມືອງໃຫຍ່ອັນດັບ 3 ຂອງສະຫະລັດ
ເພື່ອພົບປະກັບພວກນັກທຸລະກິດທີ່ນັ້ນ
ຈີນໄດ້ປະກາດໄປແລ້ວໃນສັບປະດານີ້ວ່າ ໄດ້ມີການຕົກລົງທາງດ້ານການຄ້າກັບ ພວກ
ບໍລິສັດຂອງສະຫະລັດແລ້ວ ໃນເປັນມູນຄ່າ 600 ລ້ານໂດລາ ແລະກໍຍັງມີຄວາມເປັນໄປ
ໄດ້ອີກຕື່ມ ໃນການທີ່ຈະຕົກລົງກັບບໍລິສັດອື່ນໆ. ແຕ່ວ່າການໄດ້ປຽບໃນດ້ານການຄ້າປະຈໍາ
ປີຂອງຈີນກັບສະຫະລັດ ມີຍອດເຖິງ 200 ພັນລ້ານໂດລານັ້ນ ຈຶ່ງມີທ່າທາງວ່າ ຈະບໍ່ມີການ
ຍົກເວັ້ນການສົນທະນາຫາລືແບບກົງໄປກົງມາກ່ຽວກັບຄວາມແຕກຕ່າງທາງດ້ານເສດຖະກິດ.
ໃນວັນຈັນວານນີ້ ສະມາຊິກສະພາ 3 ທ່ານຈາກພັກ Democrate ຂອງທ່ານປະທານາ
ທິບໍດີ ໂອບາມາ ໄດ້ນຳສະເໜີຮ່າງກົດໝາຍເພື່ອກົດດັນໃຫ້ຈີນປ່ອຍໃຫ້ເງິນຕາຂອງຕົນ
ມີຄ່າສູງຂຶ້ນໄວກວ່າເກົ່າ.
