ລິ້ງ ສຳຫລັບເຂົ້າຫາ

logo-print

ການໄດ້ປຽບ ດ້ານການຄ້າ ຂອງຈີນ ກັບ ສຫລ ເພີ້ມຂຶ້ນ ໃນເດືອນມິຖຸນາ


ທ່າກຳປັ່ນຮັບຕູ້ໃສ່ສິນຄ້າ ທີ່ນະຄອນຊຽງໄຮ້ ປະເທດຈີນ (11 ສິງຫາ ປີ 2009)

ການໄດ້ປຽບທາງດ້ານການຄ້າຂອງຈີນຕໍ່ສະຫະລັດ ໃນເດືອນມິຖຸນາ ໄດ້ເພີ້ມຂຶ້ນເປັນ
ຫຼາຍກວ່າ 4 ພັນລ້ານໂດລາ ຖ້າປຽບທຽບໃສ່ເດືອນກ່ອນ ອີງຕາມຂໍ້ມູນ ອົງການພາສີ
ຂອງຈີນ ທີ່ພິມເຜີຍແຜ່ໃນວັນສຸກມື້ນີ້.

ການໄດ້ປຽບທາງດ້ານການຄ້າຂອງຈີນກັບສະຫະລັດແມ່ນ 28.97 ຕື້ໂດລາໃນເດືອນ
ມິຖຸນາ ປີ 2018 ທຽບໃສ່ 24.58 ຕື້ໂດລາ ໃນເດືອນພຶດສະພາ.

ສຳລັບໄລຍະ 6 ເດືອນ ທຳອິດຂອງປີນີ້ ການໄດ້ປຽບທາງດູນການຄ້າ ກັບສະຫະລັດ
ຂອງຈີນ ແມ່ນ 133.8 ຕື້ໂດລາ.

ການສົ່ງອອກຂອງຈີນໃນເດືອນມິຖຸນາ ແມ່ນເພີ້ມຂຶ້ນ 11.3 ເປີເຊັນ ຫລຸດຈາກ 12.6
ເປີເຊັນ ໃນເດືອນພຶດສະພາ ໃນຂະນະທີ່ການສົ່ງອອກ ຂະຫຍາຍຕົວ 14.1 ເປີເຊັນ
ເປັນ 175.1 ຕື້ໂດລາ ຫລຸດລົງຈາກ 26 ເປີເຊັນ.

ໃນວັນທີ 6 ກໍລະກົດຜ່ານມານີ້ ກະຊວງການຄ້າສະຫະລັດອໄດ້ເລີ້ມເກັບພາສີ 25 ເປີ
ເຊັນຕໍ່ສິນຄ້າຈີນ ໃນມູນຄ່າ 34 ຕື້ໂດລາ ຍ້ອນມີການຕໍ່ວ່າ ກ່ຽວກັບວ່າ ປັກກິ່ງລັກຂະ
ໂມຍ ຫຼືກົດດັນໃຫ້ບໍລິສັດອາເມຣິກັນ ມອບເທັກໂນໂລຈີໃຫ້ແກ່ຕົນ.

ຈີນໄດ້ຕອບໂຕ້ ດ້ວຍການເກັບພາສີເພີ້ມຂຶ້ນ ໃນຈຳນວນທີ່ຄ້າຍຄືກັນ ຕໍ່ສິນຄ້າຂອງ
ສະຫະລັດ.

ນອກນັ້ນ ສະຫະລັດຍັງໄດ້ປະກາດ ກ່ຽວກັບການເກັບພາສີຮອບສອງທີ່ອາດມີຂຶ້ນໃນ
ອາທິດນີ້ ໂດຍແນໃສ່ສິນຄ້າຈີນຫຼາຍພັນຊະນະ ໃນມູນຄ່າ 200 ຕື້ໂດລາ.


ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG