ຫົວໜ້າກອງທັບເຮືອຈີນ ກ່າວຕໍ່ຄູ່ຕຳແໜ່ງຝ່າຍສະຫະລັດວ່າ
ມັນເປັນການທ້າທາຍທີ່ເປັນອັນຕະລາຍສຳລັບວໍຊິງຕັນ ທີ່ຈະ
ສົ່ງເຮືອພິຄາດແລ່ນເຂົ້າໄປໃກ້ໆເກາະທຽມທີ່ຈີນສ້າງຂຶ້ນຢູ່ໃນ
ເຂດນ່ານນ້ຳທີ່ມີການຂັດແຍ້ງກັນຢູ່ໃນທະເລຈີນໃຕ້.
ການໃຫ້ຄວາມເຫັນດັ່ງກ່າວ ມີຂຶ້ນໃນລະຫວ່າງ ການປະຊຸມ
ຜ່ານທາງວີດີໂອ ທີ່ໄດ້ຈັດໃຫ້ມີຂຶ້ນ ຢ່າງຮີບດ່ວນ ໃນວັນພະ
ຫັດວານນີ້ ລະຫວ່າງພົນເຮືອເອກ John Richardson ຫົວ
ໜ້າປະຕິບັດການຂອງກອງທັບເຮືອສະຫະລັດແລະຜູ້ບັນຊາ
ການກອງທັບເຮືອຂອງຈີນ ພົນເຮືອເອກ Wu Shengli.
ພວກເຈົ້າໜ້າທີ່ ກະຊວງປ້ອງກັນປະເທດສະຫະລັດ ກ່າວເຖິງການປະຊຸມດັ່ງກ່າວນີ້ວ່າ
ເປັນໄປແບບມືອາຊີບແລະເວົ້າວ່າທັງສອງຝ່າຍຕ່າງກໍໄດ້ຕົກລົງທີ່ຮັກສາການພົບປະໂອ້
ລົມກັນເປັນປະຈຳເອົາໄວ້ ແລະຍຶດໝັ້ນໃນກົດລະບຽບ ເພື່ອຫລີກລ່ຽງບໍ່ໃຫ້ເກີດການປະ
ທະກັນຂຶ້ນ.
ແຕ່ແນວໃດກໍຕາມ ພວກເຈົ້າໜ້າທີ່ຈີນ ໄດ້ກ່າວເຖິງການເຈລະຈາຫາລືດັ່ງກ່າວ ໄປໃນ
ທາງທີ່ບໍ່ຄ່ອຍແຈ່ມໃສປານໃດ.
ອີງຕາມລາຍງານຂອງອົງການຂ່າວຊິນຫົວຂອງທາງການຈີນ ທີ່ອອກໃນວັນສຸກມື້ນີ້ແລ້ວ
ພົນເຮືອເອກ Wu Shengli ກ່າວວ່າ ການກະທຳທີ່ເປັນອັນຕະລາຍແລະທ້າທາຍໃນທຳ
ນອງນີ້ ໄດ້ຂົ່ມຂູ່ຕໍ່ອະທິປະໄຕ ແລະຄວາມໝັ້ນຄົງຂອງຈີນແລະຍັງເປັນອັນຕະລາຍຕໍ່ສັນ
ຕິພາບແລະສະຖຽນລະພາບຢູ່ໃນຂົງເຂດ.
ໃນວັນອັງຄານຜ່ານມານີ້ ວໍຊິງຕັນໄດ້ເອົາບາດກ້າວທີ່ໃຫຍ່ທີ່ສຸດມາຮອດປັດຈຸບັນ ດ້ວຍ
ການທ້າທາຍຕໍ່ການອ້າງກຳມະສິດຂອງຈີນໃນທະເລຈີນໃຕ້ໂດຍໄດ້ສົ່ງກຳປັນລົບຂອງສະຫະລັດເຂົ້າໄປໃນລັດສະໝີ 22 ກິໂລແມັດ ຫ່າງຈາກເກາະທຽມທີ່ຈີນສ້າງຂຶ້ນ ຢູ່ໃນ
ເຂດນ່ານນ້ຳທີ່ມີການຂັດແຍ້ງກັນ. ປັກກິ່ງຊຶ່ງອ້າງເອົາກຳມະສິດເກືອບທັງໝົດຢູ່ໃນທະ
ເລຈີນໃຕ້ ວ່າເປັນດິນແດນຂອງຕົນ ໄດ້ຕອບໂຕ້ດ້ວຍຄວາມໂກດແຄ້ນ ແລະເອີ້ນການ
ເຄື່ອນໄຫວດັ່ງກ່າວວ່າ ເປັນການທ້າທາຍເກາະຜິດແບບຕັ້ງໃຈແລະໄດ້ຍື່ນປະທ້ວງຢ່າງ
ເປັນທາງການ ຕໍ່ເອກອັກຄະລັດຖະທູດສະຫະລັດ ທີ່ນະຄອນຫຼວງປັກກິ່ງ.
