ການສືບສວນຂອງສະພາສູງ
ສະຫະລັດໄດ້ພົບເຫັນວ່າ ເຄື່ອງ
ອາໄຫລ່ເອເລັກໂຕຣນິກປອມ
ຂອງຈີນ ທີ່ໃຊ້ຢູ່ໃນອຸບປະກອນ
ທະຫານຂອງສະຫະລັດນັ້ນ
ເປັນອັນຕະລາຍຕໍ່ຄວາມປອດໄພ
ຂອງທະຫານອາເມຣິກັນ ແລະຕໍ່
ຄວາມໝັ້ນຄົງຂອງຊາດ.
ການສືບສວນສອບສວນມາເປັນ
ເວລານຶ່ງປີ ຂອງຄະນະກໍາມາທິ
ການດ້ານກອງທັບປະຈໍາສະພາ
ສູງສະຫະລັດ ໄດ້ພົບເຫັນວ່າ ມີ
ການນໍາໃຊ້ຊິ້ນສ່ວນເອເລັກໂຕຣ
ນິກປອມຫຼາຍກວ່າ 1800 ກໍລະ
ນີ ໃນທຸກສິ່ງທຸກຢ່າງ ນັບແຕ່ໃນເຮືອບິນບັນທຸກ ໄປຮອດເເວ່ນຕາທີ່ໃສ່ຍາມມື້ຄືນ.
ລາຍງານຂອງຄະນະກໍາມາທິການປະຈໍາສະພາສູງ ທີ່ເປີດເຜີຍໃຫ້ຮູ້ ໃນວັນຈັນມື້ວານນີ້ ກ່າວວ່າ ຫຼາຍກວ່າ 70 ເປີເຊັນຂອງເຄື່ອງອາໄຫລ່ຫຼືຊິ້ນສ່ວນປະກອບທີ່ມີການສົງໄສວ່າ ເປັນຂອງປອມໃນຈໍານວນທີ່ກະປະມານກັນວ່າ ມີ 1 ລ້ານອັນນັ້ນ ແມ່ນສາມາດຊີ້ບອກໄດ້ວ່າ ຜະລິດຢູ່ໃນປະເທດຈີນ ຊຶ່ງລາຍງານເວົ້າວ່າ ບໍ່ໄດ້ດໍາເນີນການຢ່າງພຽງພໍເພື່ອກວດກາຕະຫຼາດຂາຍເຄື່ອງເອເລັກໂຕຣນິກປອມຂອງຕົນນັ້ນ.
ການສືບສວນສອບສວນດັ່ງກ່າວຍັງໄດ້ຕໍາໜິຕິຕຽນທາງການສະຫະລັດແລະພວກຮັບເໝົາສະໜອງສິນຄ້າໃຫ້ກະຊວງປ້ອງກັນປະເທດ ທີ່ທໍາການກວດສອບສິນຄ້າປອມ ຫຼືບໍ່ໄດ້ລາຍງານໃຫ້ຮູ້ຢ່າງເປັນປົກກະຕິກ່ຽວກັບເຄື່ອງອາໄຫລ່ທີ່ສົງໄສວ່າ ເປັນຂອງປອມນັ້ນ.
ຄະນະກໍາມາທິການດັ່ງກ່າວໄດ້ຖິ້ມໂທດເລື້ອງນີ້ໃສ່ພວກເຈົ້າໜ້າທີ່ຈີນທີ່ເຂົ້າແຊກແຊງໃນການສືບສວນສອບສວນຂອງຕົນ ໂດຍກ່າວວ່າພວກເຈົ້າໜ້າທີ່ຂອງສະຫະລັດທີ່ກ່ຽວຂ້ອງໃນການສືບສວນສອບສວນນີ້ໄດ້ຖືກຈີນປະຕິເສດ ບໍ່ອອກວີຊາໃຫ້ ແລະໄດ້ຮັບແຈ້ງວ່າ ລາຍງານໃນທາງລົບອາດສາມາດສ້າງຄວາມເສຍຫາຍໃຫ້ແກ່ຄວາມສໍາພັນລະຫວ່າງສະຫະລັດແລະຈີນໄດ້.