ລິ້ງ ສຳຫລັບເຂົ້າຫາ

ສະຫະລັດກ່າວວ່າ ເຈົ້າໜ້າທີ່ ທະຫານອະເມຣິກັນ ແລະຈີນ ຈະພົບປະກັນ ໃນ​ເດືອນໜ້ານີ້ ຊຶ່ງເປັນການຮື້ຟື້ນຄືນໃໝ່ການ ເຈລະຈາຫາລື ລະຫວ່າງກອງ ທັບກັບກອງທັບ ທີ່ໄດ້ຖືກຕັດ ຂາດມາ​ເປັນ​ເວລາດົນກວ່າ 8 ເດືອນນັ້ນ.

ເຈົ້າໜ້າທີ່ສະຫະລັດ ກ່າວໃນວັນພຸດວານນີ້ວ່າ ການເຈລະຈາທີ່ວ່ານີ້ ຈະມີຂຶ້ນໃນລະຫວ່າງ ວັນທີ 14 ຫາ 15 ຕຸລາ ຢູ່ທີ່ລັດຮາວາຍ ຊຶ່ງຈະຕິດຕາມໂດຍ ການພົບປະລະດັບສູງ ທີ່ ກຸງວໍຊິງຕັນ ພາຍໃນທ້າຍປີນີ້.

ໂຄສົກຄົນນຶ່ງຂອງທຳນຽບ 5 ແຈກ່າວວ່າ ທັງສອງຝ່າຍໄດ້ເຫັນພ້ອມນຳກັນວ່າການສົນ ທະນາຫາລື ແລະການຕິດຕໍ່ກັນເປັນປະຈຳ ແມ່ນເປັນສິ່ງທີ່ຈຳເປັນ ໃນການເສີມສ້າງຄວາມ ໄວ້ເນື້ອເຊື່ອໃຈຊຶ່ງກັນແລະກັນ ແລະການຫຼຸດຜ່ອນໂອກາດ ໃນການທີ່ຈະເກີດການເຂົ້າໃຈ ຜິດ ແລະການຄາດຄະເນທີ່ພິດພາດ.

ຈີນໄດ້ຢຸດເຊົາ ການເຈລະຈາຫາລືແບບປົກກະຕິ ໃນເດືອນມັງກອນຜ່ານມາ ເພື່ອປະທ້ວງຕໍ່ ການປະກາດ ຂາຍອາວຸດ ໃນມູນຄ່າ 6 ພັນ 400 ລ້ານໂດລາ ໃຫ້ແກ່ໄຕ້ຫວັນ. ຈີນຖືວ່າ ໄຕ້ຫວັນ ເປັນແຂວງນຶ່ງ ທີ່ທໍລະຍົດຂອງຕົນ.

ການປະກາດທີ່ວ່ານີ້ ມີຂຶ້ນລຸນຫລັງ ການເດີນທາງໄປຢ້ຽມຢາມປັກກິ່ງໃນສັບປະດານີ້ ໂດຍ ເຈົ້າໜ້າທີ່ອະວຸໂສຮັບຜິດຊອບກ່ຽວກັບ ເຂດເອເຊຍຕາເວັນອອກຂອງທຳນຽບ 5 ແຈ ທ່ານ Michael Schiffer.

XS
SM
MD
LG